مەكتەپ تۇلەكتەرىنىڭ جۇرەگىن لۇپىلدەتكەن ۇلتتىق بىرىڭعاي تەستىلەۋ دە باستالىپ كەتتى. ءبىلىم سىناعىنىڭ العاشقى كۇنى-اق بىزگە ءسۇيىنشى حابار كەلىپ جەتتى.
دارىندى بالالارعا ارنالعان №9 «زەردە» مەكتەبىنىڭ شاكىرتى, «التىن بەلگى» ۇمىتكەرى مۇحامەدجان قاراتاەۆ پەن وسى مەكتەپتە ەكستەرناتتى ءبىلىم العان لاۋرا اشىرباەۆا ەكەۋى 123 ۇپاي جيناپ, قۇربىلاستارىنان ات وزدىردى. بۇل – تەستىلەۋدىڭ العاشقى كۇنىندەگى ەڭ جوعارى ۇپاي بولدى. الدا ءالى ءۇش كۇن بار. ەلوردالىق وقۋشىلار 125 بالدىق مەجەنى باعىندىراتىنىنا دا سەنىمىمىز مول.
ەستەرىڭىزگە سالا كەتەيىك, ۇلتتىق بىرىڭعاي تەستىلەۋگە استانادان 3,5 مىڭنان استام تۇلەك قاتىسادى. ءبىلىم سىناعىنىڭ العاشقى كۇنى ولاردىڭ 675-ءى تەست تاپسىردى.
جالپى بيىلعى تۇلەكتەردىڭ سانى – 4407. سونىڭ ىشىندە 180-ءى «التىن بەلگىدەن», 79-ى ەرەكشە ۇلگىدەگى اتتەستاتتان ۇمىتكەر.
