ەلوردادا جىلىتۋ ماۋسىمى قالاي اياقتالدى جانە كەلەسى ماۋسىمعا قانداي دايىندىق جۇرگىزىلىپ جاتىر؟ بۇل تۋرالى استانا قالاسى ەنەرگەتيكا باسقارماسىنىڭ باسشىسى نۇرلان كوپەشوۆ ايتتى, دەپ حابارلايدى astana-akshamy.kz
كوپەشوۆتىڭ ايتۋىنشا, 2023-2024 جىلدارداعى جىلىتۋ ماۋسىمى شتاتتىق رەجيمدە ءوتتى. ال ۇكىمەتتىڭ قولداۋىمەن وتكەن جىلى تىرشىلىكتى قامتاماسىز ەتەتىن بىرقاتار نىسانداردىڭ قۇرىلىسى اياقتالدى.
«2023 جىلى قالانىڭ جىلۋ قۋاتى 3-جەو ءبىرىنشى كەزەگىنىڭ, «تۇران» جانە «وڭتۇستىك-شىعىس» گاز جىلۋ ستانتسيالارىنىڭ جالپى قوسىمشا قۋاتى ساعاتىنا 1100 گكال ىسكە قوسىلۋىنىڭ ارقاسىندا 30 پايىزعا ۇلعايدى. ەنەرگيا كوزدەرىنىڭ جالپى قولدا بار قۋاتى 3 747 گكال قۇرايدى. اعىمداعى جىلىتۋ ماۋسىمىندا قالانىڭ ماكسيمالدى تۇتىنۋى ساعاتىنا 3 050 گكال قۇرادى. وسىلايشا, پروفيتسيت 697 گكال/ساع قۇرايدى, بۇل قالانىڭ قاجەتتىلىكتەرىن 2027 جىلعا دەيىن وتەۋگە مۇمكىندىك بەرەدى», – دەدى باسقارما باسشىسى ەلوردالىق اكىمدىكتە وتكەن بريفينگتە.
ول بيىل «تۇران» متق ەكىنشى كەزەگىن جانە جەو-3 كومىر بولىگىن تولىعىمەن اياقتاۋ, جەو-2 كەڭەيتۋدى باستاۋ, «تەلمان» متك ءبىرىنشى كەزەڭىنىڭ قۇرىلىسىن جالعاستىرۋ جانە «وڭتۇستىك-باتىس» متق جوبالاۋعا كىرىسۋ جوسپارلانىپ وتىرعانىن اتاپ ءوتتى.
نۇرلان كوپەشوۆ وسى جوبالاردىڭ بارلىعىن ىسكە اسىرۋ 2035 جىلعا دەيىن قاۋىپسىزدىك قورىن الۋعا مۇمكىندىك بەرەتىنىن اتاپ ءوتتى.
«2024-2025 جىلدارعا ارنالعان كۇزگى-قىسقى كەزەڭگە دايىندىق ءۇشىن ەنەرگيا كوزدەرىندە كۇردەلى جوندەۋ جۇرگىزۋ جوسپارلانعان. جىلۋمەن جابدىقتاۋ جەلىلەرى بويىنشا اعىمداعى 0,9 كم جوندەۋ جانە 7,6 كم جىلۋمەن جابدىقتاۋ جەلىلەرىن قايتا جاڭارتۋ جوسپارلانۋدا», – دەدى ول.
