استانادا جاسوسپىرىمدەر اراسىندا «ازيا بالالارى» ويىندارىنا ىرىكتەۋ جارىستارى ءوتىپ جاتىر, دەپ حابارلايدى astana-akshamy.kz
Barys Arena Pool وليمپيادالىق باسسەينىنىڭ بازاسىندا جۇزۋدەن 3 جاس توپتارى اراسىندا استانا قالاسى اشىق چەمپيوناتىنىڭ اشىلۋ سالتاناتى ءوتتى.
كەشە ەلوردا تورىندە 2008-2009 جىلعىلار مەن ودان كەيىنگى جىلدارى دۇنيەگە كەلگەن جاسوسپىرىمدەر اراسىندا سۋ سپورتى تۇرلەرىنەن ەلىمىزدىڭ اشىق بىرىنشىلىگى باستالدى. 4 كۇنگە جالعاساتىن باسەكەدە 64 جۇلدە جيىنتىعى ساراپقا سالىناتىن بولادى.
سپورتتىق ءىس-شارانىڭ اشىلۋ سالتاناتىنا استانا قالاسى اكىمدىگىنىڭ №4 بالالار مەن جاسوسپiرiمدەر مامانداندىرىلعان وليمپيادالىق رەزەرۆ سپورت مەكتەبىنىڭ باسشىسى نۇربول جارقىنبەكوۆ جانە تورەشىلەر قۇرامى قاتىستى.
جارىستىڭ اشىلۋى ءراسىمىن سالتاناتتى تۇردە مەكتەپ باسشىسى نۇربول جارقىنبەكوۆ اشىپ, جاس سپورتشىلارعا جوعارى جەتىستىكتەرگە جەتۋىنە ساتتىلىك تىلەپ, جىلى لەبىزىن ءبىلدىردى.
«سىزدەردى بۇگىنگى جارىستىڭ باستالۋىمەن شىن جۇرەكتەن قۇتتىقتايمىن. بىرىنشىلىك قالامىزدا جىل سايىن ءداستۇرلى تۇردە وتكىزىلىپ تۇرادى. دوداعا قاتىسۋعا قازاقستاننىڭ ءار وڭىرىنەن 400-دەن اسا سپورتشى قاتىسۋدا. قازىرگى تاڭدا ءجۇزۋ سپورت ءتۇرى ەلىمىزدە قارقىندى دامىپ كەلەدى. استانالىق سپورتشىلار كوپتەگەن جەتىستىكتەرىمەن ەل سپورتىنىڭ تاريحىندا ەسىمدەرىن قالدىرىپ ۇلگەردى.
كۇنى كەشە ايتۋلى مەكتەپتىڭ تاربيەلەنۋشىلەرى وڭتۇستىك كورەيادا اكادەميالىق ەسكەك ەسۋدەن وتكەن ازيا كۋبوگىندە ايەلدەر قۇراماسى العاش رەت توپ جاردى. سونداي-اق جىگىتتەرىمىز ۇزدىك ۇشتىكتەر قاتارىنان كورىندى.
وزدەرىڭىزدى بۇگىنگى جارىستا كورگەنىمە قۋانىشتىمىن. جارىستى ۇيىمداستىرعان بارشا ازاماتتارعا ەلىمىزدىڭ سپورت سالاسىن دامىتۋعا قوسقان ۇلەسى ءۇشىن زور العىسىمدى بىلدىرەمىن. بۇگىنگى جارىستا ۇزدىكتەردىڭ ۇزدىكتىگى انىقتالىپ, ەڭ مىقتىلار جەڭىس تۇعىرىنان كورىنەدى دەگەن سەنىمدەمىن», – دەدى №4 بالالار مەن جاسوسپiرiمدەر مامانداندىرىلعان وليمپيادالىق رەزەرۆ سپورت مەكتەبىنىڭ باسشىسى نۇربول جارقىنبەكوۆ.
ايتۋلى دودادا ەلىمىزدىڭ بارلىق ايماعى مەن سپورتتىق كلۋبتار جۇلدە جولىندا سايىسقا تۇسەدى. جالپى 26 كوماندا ماۋسىم ايىنىڭ سوڭىندا ياكۋتيا (رەسەي) قالاسىندا وتەتىن «ازيا ويىندارى» جارىسىنىڭ جولداماسىنا باق تالاستىرادى.
ءتۋرنيردىڭ جەڭىمپازدارى مەن جۇلدەگەرلەرى 27 ءساۋىر كۇنى انىقتالادى. ياعني ولار, ءار قاشىقتىقتاعى ۇزدىك ناتيجەلەر بويىنشا جەكە انىقتالسا, چەمپيوناتتىڭ ۇزدىك سپورتشىلارى ءار ءجۇزۋ ستيلىندە ۇزدىك ناتيجە بويىنشا FINA ۇپايلىق كەستەسى بويىنشا كۋبوكتارمەن ماراپاتتالادى.
جارىستىڭ العاشقى كۇنى ەستافەتالىق جارىس – باتتەرفلياي, ەركىن جۇزۋدەن 100, 200, 800 مەتر جانە براسس, ارقامەن ءجۇزۋ 50 مەتر قاشىقتىقتا بويىنشا ءوربيدى. ال جارىستىڭ ەكىنشى, ءۇشىنشى جانە ءتورتىنشى كۇندەرى سپورتتىق باسەكە كەرىسىنشە تاسىلمەن جۇرگىزىلدى. ياعني 50 مەتر ارا قاشىقتىقتا ەركىن ءجۇزۋ, باتتەرفلياي, كەشەندى ءجۇزۋ, ال ارقامەن ءجۇزۋ جانە براسس 100 مەتر بويىنشا ۇزدىكتەردى انىقتايدى. جۇزۋدەن بولەك, جاس سپورتشىلارى دايۆينگ, ياعني ءتۇرلى بيىكتىكتەن سەكىرۋ سايىستارىندا دا سىنعا تۇسەدى.
ايتا كەتەلىك, الداعى تامىز ايىنىڭ اياعىنا قاراي 6 جاستان 9 جاسقا دەيىنگى بالالاردى سۋ سپورتى تۇرلەرىنە قابىلداۋ باستالادى.
استانا قالاسى اكىمدىگىنىڭ «№ 4 وليمپيادالىق رەزەرۆتىڭ مامانداندىرىلعان بالالار مەن جاسوسپىرىمدەر سپورت مەكتەبى» كمم-دە 5 وليمپيادالىق سپورت ءتۇرى, ياعني ءجۇزۋ, سۋعا سەكىرۋ, اكادەميالىق ەسۋ, بايداركا مەن كانوەدە ەسۋ, سينحروندى ءجۇزۋ تۇرلەرى بار.
