استانا قالاسىنداعى №5 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبىندە 2008 جىلعى جانە ودان كىشى ۇلدار مەن قىزدار اراسىندا اۋىر اتلەتيكادان ەل بىرىنشىلىگى باستالدى.
سپورت باسەكەسىنە ەلدىڭ 19 وبلىسى مەن قالاسىنان 319-عا جۋىق سپورتشى قاتىسىپ, باق سىناۋدا.
چەمپيوناتتىڭ سالتاناتتى اشىلۋىنا مادەنيەت جانە سپورت ۆيتسە-ءمينيسترى سەرىك جاراسباەۆ, استانا قالاسى دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ, ۇلتتىق وليمپيادالىق كوميتەتى سپورت ديرەكتسياسىنىڭ ديرەكتورى ەلسيار قاناعاتوۆ, اۋىر اتلەتيكا فەدەراتسياسىنىڭ باس حاتشىسى الديار نۇرالينوۆ, ءتورت دۇركىن الەم چەمپيونى يليا يلين قاتىسىپ, جاس سپورتشىلارعا ساتتىلىك تىلەدى.
– اۋىر اتلەتيكا قارقىندى دامىپ كەلەدى. ءبىزدىڭ سپورتشىلار الەمدىك ارەنالاردا جاقسى ناتيجە كورسەتۋدە, – دەدى سەرىك جاراسباەۆ.
باسقارما باسشىسى سامات جىلقىباەۆ مەكسيكادا وتكەن جاسوسپىرىمدەر اراسىنداعى الەم چەمپيوناتىندا جۇلقا جانە سەرپە كوتەرۋدەن رەكورد ورناتقان ەلوردالىق ەدىگە ەمبەردىگە حالىقارالىق اۋىر اتلەتيكا فەدەراتسياسىنىڭ ەستەلىك سىيلىعىن تابىستادى.
29 قاراشاعا دەيىن چەمپيوناتتا 33 كەلىدەن 73+ كەلى سالماققا دەيىنگى جاسوسپىرىمدەر ءوز سالماعىندا ۇزدىكتەردى انىقتايدى.
