باقىلاۋدى كۇشەيتتىك
وسىدان ءبىر اي بۇرىن مەكتەپ وقۋشىلارى اراسىندا ءۆيرۋستى ا گەپاتيتى ورشىگەنى بايقالدى. وسىعان بايلانىستى استانا قالاسى بويىنشا تۇتىنۋشىلاردىڭ قۇقىقتارىن قورعاۋ دەپارتامەنتى قانداي شارالاردى قولداندى؟ جالپى, ءۆيرۋستى ا گەپاتيتى قانداي اۋرۋ؟ وسى جونىندە اتالمىش دەپارتامەنتتىڭ ەپيدەميولوگيالىق قاداعالاۋ ءبولىمىنىڭ باسشىسى سالتانات اۋباكىروۆادان بىلگەن ەدىك.
– ۆيرۋستى ا گەپاتيتى تۋرالى جالپى مالىمەت بەرىپ, ونى الدىن الۋدىڭ جولدارىن ايتساڭىز.
– دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرىنشە, بۇل – ادامداردىڭ اراسىندا ەڭ كوپ تارالاتىن جۇقپالى اۋرۋ. شامامەن العاندا جىل سايىن الەمدە وسى اۋرۋعا 1,4 ملن ادام شالدىعادى. الدىمەن ادامنىڭ باۋىرى زاقىمدانىپ, بۇل جاعداي سارىاۋرۋعا اپارادى. ونىڭ تارالۋ جولى جالعىز – ناۋقاستانعان ادامنان باسقا ادامعا جۇعادى. بۇل ۆيرۋسپەن كوبىنەسە 14 جاسقا دەيىنگى بالالار اۋىرادى. سىرقاتتانۋشىلاردىڭ 50 پايىزدان استامى وسى جاستاعى بالالار بولعاننان كەيىن ستاتيستيكا وسىلاي دەيدى.
ونى الدىن الۋ ءۇشىن ارناۋلى شارا – ۆاكتسينالاۋ قولدانىلادى. استانا قالاسىندا 2005 جىلدان باستاپ جوسپارلى تۇردە 2 جاسار سابيلەردى يممۋنداۋ جۇرگىزىلەدى. ول ۆاكتسينا جەرگىلىكتى بيۋدجەت ەسەبىنەن ساتىپ الىنادى.
– مەكتەپ وقۋشىلارى اراسىندا اتالمىش ۆيرۋستىڭ ورشۋىنە بايلانىستى قانداي شارالاردى قولداندىڭىزدار?
– مەكتەپتەردى سۋمەن جابدىقتاۋ جۇيەسىن, ەپيدەمياعا قارسى رەجيمدى باقىلاۋدى كۇشەيتتىك. ودان باسقا بۇرىن ەكپە جاسالماعان 1,2,3,4 سىنىپتاردىڭ وقۋشىلارىن, سونداي-اق, ولارمەن قاتىناستا بولعان جوعارى سىنىپ وقۋشىلارىن يممۋنداۋ شەشىمى قابىلدانىپ, ىسكە اسىرىلۋدا.
– ال, ەرەسەك ادامدارعا ەكپە جاساۋ قاراستىرىلعان با؟
– ۆيرۋسقا قارسى ەكپە جاساتقىسى كەلەتىن ۇلكەندەرگە «OpenClinic» ەمحاناسىنا بارىپ, اقىلى تۇردە ەكپە جاساتۋعا كەڭەس بەرەمىز.
امانعالي شميتۇلى