باسەكە ەندى باستالماق
فۋتبولدان قازاقستان چەمپيوناتىنىڭ پرەمەر ليگاسىندا ءبىرىنشى كەزەڭ مارەگە جەتتى. جۇلدەلەر ۇشىن جانە پرەمەر ليگادا «جان ساقتاۋ» ويىندارىن ەندى باستالاتىن ەكىنشى كەزەڭنەن كورەتىن بولامىز.
سونىمەن, ءبىرىنشى كەزەڭنىڭ قورىتىندىسىندا العاشقى التى ورىنعا تابان تىرەگەن كوماندالار چەمپيوناتتىڭ التىن, كۇمىس جانە قولا جۇلدەلەرىن, سونىمەن قاتار, ۋەفا-نىڭ چەمپيوندار ليگاسى مەن ەۋروپا ليگاسىنا بەرىلەتىن جولدامانى ساراپقا سالاتىن بولادى. ال قالعان التى كوماندانىڭ نەگىزگى ماقساتى – پرەمەر ليگادا ورنىن ساقتاپ قالۋ. سوڭعى ەكى ورىندا قالعان كوماندالار كەلەسى جىلى ءبىرىنشى ليگادا وينايتىن بولادى. ولاردىڭ پرەمەر ليگاداعى ورنىن ءبىرىنشى ليگادا توپ جارعان قوس كوماندا تولتىرادى.
وتكەن دەمالىس كۇندەرى وتكەن سوڭعى تۋردىڭ ويىندارىندا مىنانداي ناتيجەلەر تىركەلدى: «استانا» – «توبىل» 2:1, «شاحتەر» – «اقجايىق» 4:0, «اتىراۋ» – «تاراز» 3:1, «ەرتىس» – «ورداباسى» 2:0. «جەتىسۋ» – «قايرات» 0:0, «اقتوبە» – «ۆوستوك» 0:1.
عالىم قوجابەكوۆ