ءدىن دۇردارازدىق تۋدىرماۋعا ءتيىس
مەملەكەت باسشىسى ن.نازارباەۆتىڭ «قازاقستان — 2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى حالىققا ارناعان جولداۋى ەلىمىزدىڭ ستراتەگيالىق باسىمدىقتارىن ايقىنداپ, ماقساتتى مەجەگە جەتۋدىڭ مەحانيزمدەرىن تۇزەتىن ماڭىزدى قۇجاتقا اينالىپ ۇلگەردى.
1997 جىلى قابىلدانعان «قازاقستان – 2030» ستراتەگيالىق باعدارلاماسى ەلىمىزدىڭ اتالعان ۋاقىت ارالىعىندا قانداي مەجەگە جەتەتىنىن كورسەتكەن بولاتىن. قاجىرلى ەڭبەك پەن دۇرىس ويلاستىرىلعان جوسپار ناتيجەسىندە مەملەكەتىمىز 2012 جىلدىڭ وزىندە-اق العا قويعان اسۋدى باعىندىرىپ, ەلىمىزدىڭ 2050 جىلعا ارنالعان جوسپارىن بەلگىلەپ الدى.
پرەزيدەنتىمىزدىڭ 2050 جىلى قازاقستاندى الەمنىڭ ەكونوميكاسى دامىعان 30 ەلىنىڭ قاتارىنا ەنگىزۋدى باعدار ەتكەن كەزەكتى جولداۋى وزەكتى سالانىڭ ەشبىرىن اينالىپ وتپەدى. ونىڭ ءبىرى – ءدىن سالاسى. حانافي ءمازھابىنىڭ قازاق حالقىنىڭ تاريحىنداعى ءرولىن ەرەكشە اتاپ كورسەتكەن ەلباسىمىز ازاماتتاردى ءداستۇردى مانسۇق ەتەتىن راديكالدى اعىمداردان اباي بولۋعا شاقىردى. شىنىندا دا, ءدىندى ساياسيلاندىرۋ ارقىلى ادامدار اراسىندا دۇردارازدىق تۋدىرۋ, ءدىن ىلىمدەرىن بۇرمالاۋ جولىمەن ازاماتتاردى مەملەكەتكە, داستۇرگە, تۋعان-تۋىستارىنا قارسى قويۋ ەشبىر دىندە قۇپتالعان ەمەس. ءبىز سانالى ازامات رەتىندە مۇنداي قاۋىپ-قاتەرگە جول بەرمەۋگە ءتيىسپىز.
قورىتا ايتقاندا, بۇل جولداۋ, ەل تۇرعىندارىنىڭ ماقسات-مۇددەسىنە ارنالىپ, حالىقتىق كەڭ قولداۋعا يە بولىپ وتىر.
ج. داۋرەنوۆ,
استانا قالاسى ءدىن ىستەرى
دەپارتامەنتىنىڭ ديرەكتورى