ەلوردادا الەۋمەتتىك ماڭىزى بار ازىق-تۇلىك ونىمدەرىنىڭ باعاسىن تومەندەتۋ بويىنشا جۇمىستار جالعاسىپ جاتىر. ەڭ باستىسى, قالا تۇرعىندارىن ساپالى وتاندىق ازىق-تۇلىكپەن قامتاماسىز ەتۋ مۇمكىندىگىن جاساۋ. بۇل تۋرالى قالالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتى بارىسىندا استانا قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ماقسات جاناباەۆ مالىمدەدى.
بۇگىنگى تاڭدا اگروونەركاسىپتىك كەشەن سالاسىندا اتقارىلىپ جاتقان جۇمىستار جەتەرلىك. باسقارما باسشىسى ورىنباسارىنىڭ ايتۋىنشا, ينۆەستيتسيالاردىڭ جالپى سوماسى 88,3 ملرد تەڭگەنى قۇرايتىن 22 ينۆەستيتسيالىق جوبا جۇزەگە اسىرىلۋدا.
جالپى ينۆەستيتسياسى 18,35 ملرد تەڭگەنى قۇرايتىن 72,3 مىڭ توننا دايىن ءونىمدى, اتاپ ايتساق, ەت كومبيناتى, نان زاۋىتى, جارتىلاي فابريكاتتار, ۇن جانە كونديتەرلىك ونىمدەر جانە ت.ب. شىعارۋ جانە قايتا وڭدەۋ بويىنشا وندىرىستىك كەشەندەردىڭ قۇرىلىسى بويىنشا 8 ينۆەستيتسيالىق جوبا جۇزەگە اسىرىلىپ جاتىر.
– «Kazakh Invest» كومپانياسىمەن بىرلەسە وتىرىپ كونديتەرلىك فابريكانىڭ قۇرىلىسىنا شەتەلدىك ينۆەستوردى تارتۋ جۇمىستارى جۇرگىزىلدى, بۇل پولشانىڭ Stokson كومپانياسى, جوبانىڭ جالپى قۇنى شامامەن 5 ملرد تەڭگە. جالپى سوماسى شامامەن 30 ملرد تەڭگەنى قۇرايتىن 2 كتو (45 مىڭ ش.م.), 2 ملرد تەڭگەنى قۇرايتىن 1 قويما كەشەنى (9,5 مىڭ ش. م.), سونداي-اق 2,85 ملرد تەڭگە سوماسىنا 3 كوكونىس قويماسى (14 مىڭ توننا ساقتاۋ) سالۋ بويىنشا ينۆەستيتسيالىق جوبالار جۇزەگە اسىرىلۋدا. جالپى ينۆەستيتسيا سوماسى 22,7 ملرد تەڭگەنى قۇرايتىن جىلدىق قۋاتى 14 مىڭ توننا 2 جىلىجاي كەشەنىن سالۋ جۇرگىزىلىپ جاتىر, – دەدى ماقسات جاناباەۆ.
اقمولا وبلىسىنىڭ وندىرۋشىسىمەن بىرلەسىپ «AQMOL FOOD» جشس ەلوردامىزدا 2,6 ملرد تەڭگە سوماسىنا 4 جىل بويى جۇرگىزىلەتىن جارمەڭكەنى اشۋ بويىنشا ينۆەستيتسيالىق جوبالار جۇزەگە اسىرىلۋدا. وسى جىل بويى جۇرگىزىلەتىن جارمەڭكەدە الەۋمەتتىك ماڭىزى بار ازىق-تۇلىك ونىمدەرى «ەگىستىكتەن سورەگە دەيىن» قاعيداسى بويىنشا ساتىلاتىن بولادى.
ينۆەستيتسيانىڭ جالپى سوماسى 9,8 ملرد تەڭگەنى قۇرايتىن 2 بازاردىڭ قۇرىلىسى جۇرگىزىلۋدە.
– «اينالىم تەتىگى» اياسىندا بيۋدجەتتەن 14 ملرد تەڭگە ءبولىندى. بارلىق الەۋمەتتىك ماڭىزى بار ازىق-تۇلىكتىڭ 19 ءتۇرى بويىنشا 35 مىڭ توننا جەتكىزۋگە كەلىسىمشارت جاسالدى. قولدانىستاعى شارتتار بويىنشا 10 مىڭ توننا كوكونىس قورى بار. ماسەلەن, كارتوپ – 6 006,2 توننا, ءسابىز – 1 398,9 توننا, پياز – 1 761 توننا, قىرىققابات – 1 292,2 توننا. مامىر-ماۋسىم ايلارىنا 1 800 توننا, ناقتىراق ايتساق, كارتوپ – 812 توننا, پياز – 410, ءسابىز – 340 جانە قىرىققابات 265 توننا كولەمىندە يمپورتتىق كوكونىستەردى جەتكىزۋگە كەلىسىمشارتقا قول قويۋ جوسپارلانىپ وتىر, – دەدى باسقارما باسشىسىنىڭ ورىنباسارى.
ەلوردانى قانتپەن قامتاماسىز ەتۋ ماقساتىندا مەركى زاۋىتىمەن كولەمى 3,5 مىڭ توننا 1,6 ملرد تەڭگە سوماسىنا قانتتى جەتكىزۋ شارتىنا قول قويىلدى.
ازىق-تۇلىك كورپوراتسياسى ارقىلى 1 سورتتى ارزانداتىلعان ۇندى ساتۋ بويىنشا كولەمى 5 338 توننا استىقتى جەتكىزۋگە مەموراندۋم جاسالدى.
ساۋران 7, قوسشىعۇلۇلى 14 مەكەنجايى بويىنشا ەلوردالىق جانە وڭىرلىك تاۋار وندىرۋشىلەردىڭ قاتىسۋىمەن قالا اۋماعىندا قالالىق اۋىل شارۋاشىلىعى جارمەڭكەلەرىن وتكىزۋ جۇمىستارى جالعاسۋدا. بارلىق ونىمدەر نارىقتاعى باعادان 10-15% تومەن باعادا ساتىلىپ جاتىر.
سونىمەن قاتار, اعىمداعى جىلى «شارىن» جاڭا بازارىمەن بىرلەسىپ, مىنا 3 مەكەنجاي بويىنشا جارمەڭكە وتكىزىلەدى: دۇكەنۇلى كوشەسى, 31/1 (اسەم بازارىنىڭ تۇراعى), جەڭىس داڭعىلى, 66ا (Aqmol Food), ەسەنبەرلين كوشەسى, 25 (عيمارات الدىنداعى تۇراق). ونىمدەر تىكەلەي وندىرۋشىدەن كوتەرمە باعامەن ساتىلۋدا.
– تۇراقتى نەگىزدە باعا بەلگىلەۋدىڭ بۇكىل تىزبەگى بويىنشا دەلدالدىق سحەمالاردىڭ وڭىرلىك كوميسسياسىنىڭ وتىرىسى وتكىزىلەدى. جىل باسىنان بەرى وسىنداي 21 وتىرىس, ونىڭ ىشىندە 9 كوشپەلى وتىرىس وتكىزىلدى. كوشپەلى كەڭەس بارىسىندا قالانىڭ ساۋدا وبەكتىلەرىندە ساۋدا ۇستەمەسىنىڭ 15%-ىن ساقتاۋ بويىنشا ءتۇسىندىرۋ جۇمىستارى جۇرگىزىلدى, – دەدى ماقسات جاناباەۆ.
