استانا ەسىرتكىنى كوپ تۇتىناتىن قالالار قاتارىندا اتالدى, دەپ حابارلايدى astana-akshamy.kz
قما ەسىرتكى قۇرالدارى مەن پرەكۋرسورلاردىڭ تارالۋى تۇرعىسىنان Telegram مەسسەندجەرىنىڭ ارنالارى, الەۋمەتتىك جەلىلەر مەن حابارلاندىرۋ سەرۆيستەرى قامتىلعان جاھاندىق جەلىگە مونيتورينگ جۇرگىزىپ وتىر.
ەل اۋماعىندا Telegram ارنالارى ارقىلى ەسىرتكى جانە پسيحوتروپتىق زاتتاردى تۇراقتى نەگىزدە جارنامالاۋمەن جانە ساتۋمەن اينالىسقان 80 پايدالانۋشىنىڭ جەكە باسى انىقتالدى.
ينتەرنەت-كەڭىستىكتىڭ قازاقستاندىق سەگمەنتىنە جۇرگىزىلگەن مونيتورينگ ناتيجەسىندە 35 مىڭعا جۋىق قاتىسۋشىسى بار ەسىرتكى ساتاتىن 3 ءىرى الاڭ, ەسىرتكى زاتتارىنىنىڭ الەۋەتتى تۇتىنۋشىلارى بولىپ تابىلاتىن 10 مىڭعا جۋىق ادامنىڭ جەكە باسى انىقتالدى, – دەلىنگەن حابارلامادا.
تالداۋ كورسەتكەندەي, تۇتىنۋشىلاردىڭ 50% – دان استامى استانا, الماتى قالالارى مەن الماتى وبلىسىنا تيەسىلى.
اگەنتتىك وتكەن جىلى اينالىمى 25,6 ملرد تەڭگەنى قۇرايتىن 36 ەسىرتكى دۇكەنىن انىقتادى.
بيىل Telegram مەسسەندجەرىندە 60 ەسىرتكى ارناسىنا تيەسىلى 59 كارت-شوت انىقتالدى.
قارجىلىق بارلاۋ بولىمشەسىنىڭ الدىن الا تالداۋ قورىتىندىسى بويىنشا اتالعان دۇكەندەردەگى اقشا قاراجاتىنىڭ جالپى اينالىمى 3 ملرد تەڭگەنى قۇرادى.
اينالىمى 82 ملن تەڭگەنى قۇرايتىن ەسىرتكى دۇكەندەرىنىڭ ءبىرى بويىنشا ماتەريالدار ءىىم-گە جولداندى.
قۇرمەتتى ازاماتتار! ەسىرتكىنى قولدانۋ ادام دەنساۋلىعىنا جاعىمسىز اسەر ەتەتىنىن تاعى دا ەسكە سالامىز. ەسىرتكى ارقىلى جاسوسپىرىمدەردىڭ دەنساۋلىعىنا قاۋىپ ءتونۋى مۋمكىن. اتا-انالاردان بالاڭىزدىڭ مىنەز-قۇلقىنا, ونىڭ دەنساۋلىق جاعدايىنا, اينالاسىنا نازار اۋدارۋدى, ينتەرنەت كەڭىستىگىندە كورگەن كونتەنتتى, ساتىپ الۋلارىن, سونداي-اق ونىڭ كارتوچكالىق شوتتارىنا قاراجات ءتۇسۋ كوزدەرىن باقىلاۋدى سۇرايمىز. ەسىرتكى قۇرالدارىن ساتىپ الۋ جانە ساقتاۋ ءۇشىن قىلمىستىق جاۋاپكەرشىلىك قاراستىرىلعانىن ەسكە سالامىز, – دەلىنگەن قما تاراتقان حابارلامادا.
