«AMANAT» پارتياسى استانا قالالىق فيليالى جانىنداعى وڭىرلىك دامۋ ماسەلەلەرى جونىندەگى جانە ەكولوگيالىق كەڭەس مۇشەلەرىنىڭ قاتىسۋىمەن سۋ تاسقىنى جاعدايىنا مونيتورينگ جاسالدى, دەپ حابارلايدى astana-akshamy.kz
مونيتورينگكە استانا قالاسى ءماسليحاتىنىڭ دەپۋتاتتارى, «AMANAT» پارتياسى استانا قالالىق فيليالى جانىنداعى پارتيالىق باقىلاۋ كوميسسياسىنىڭ, استانا قالاسى تجد, «قازسۋشار» رمك اقمولا وبلىسى فيليالىنىڭ, «استانا قالاسىن ەسىل وزەنىنىڭ تاسقىن سۋلارىنان قورعاۋ» بوگەتىنىڭ, قورشاعان ورتانى قورعاۋ جانە تابيعات پايدالانۋ باسقارماسىنىڭ وكىلدەرى قاتىستى.
ماۋسىم باسىندا استانا قالاسىنىڭ كوممۋنالدىق قىزمەتتەرى ەلوردادان پوليگوندارعا 4,4 ملن تەكشە مەتر قار شىعارىلعانىن مالىمدەگەن. استانا سۋ قويماسىنا «قازگيدرومەت» بولجاعان سۋ كولەمىنەن ەكى جارىم ەسە كوپ سۋ جينالسا دا «نۇرا-ەسىل» كانالى مەن «مايبالىق» كولى اراسىندا ورنالاسقان كانال قاردان تازارتىلىپ, سۋ قويماسى مەن استاناداعى جالعىز بوگەت سۋ تاسقىنى ماۋسىمىنا دۇرىس دايىندالعانىن بايقاپ وتىرمىز.
«AMANAT» پارتياسى استانا قالالىق فيليالى اتقارۋشى حاتشىسى مۇحاممەد بولىسبەك ەلورداداعى سۋ تاسقىنى ماسەلەسىن باقىلاۋدا ۇستاپ وتىراتىن جۇمىس توبىنىڭ قۇرىلعانىن, جۇمىس توبى سۋدىڭ كولەمىن, بوگەت پەن قويما جاعدايىن ۇنەمى باقىلاپ وتىراتىنىن مالىمدەدى.
ەستەرىڭىزگە سالا كەتەيىك, ەلوردا تۇرعىندارى مەن وعان جاقىن ورنالاسقان ەلدى مەكەندەردى سۋمەن قامتاماسىز ەتەتىن استانا سۋ قويماسىنىڭ سىيىمدىلىعى – 410,90 ملن تەكشە مەتر.
كوكتەم شىققالى «AMANAT» پارتياسى استانا قالالىق فيليالى جانىنان قۇرىلعان جۇمىس توبى ەلوردا ماڭىنداعى سۋ باسۋ قاۋپى بار اۋماقتاردىڭ, سۋ قويماسى مەن بوگەت جايىن ءجىتى باقىلاپ, ءتيىستى شارالاردى قابىلداپ كەلەدى.
