بايقوڭىر اۋدانى بويىنشا قازاقستان رەسپۋبليكاسىنىڭ تۇڭعىش پرەزيدەنتى كۇنىنە ورايلاستىرىلعان مەرەكەلىك ءىس-شارالار ءوتتى. باعدارلامادا انيماتورلارمەن ينتەراكتيۆتى ويىندار, بالالار اراسىندا فۋتبول, كاراتە جانە توعىزقۇمالاق بويىنشا جارىس ءوتتى.
انيماتورلاردىڭ قاتىسۋىمەن بالالارعا ارنالعان مەرەكەلىك باعدارلامالار كەنەسارى كوشەسى, 51; وتىرار كوشەسى, 10; كراۆتسوۆ كوشەسى, 1; 1/1; تاراز كوشەسى, 2; 2ا; جۇبانوۆ كوشەسى, 29 مەكەنجايلارى بويىنشا وتكىزىلدى.
سونىمەن قاتار «ءوندىرىس» تۇرعىن الابىندا اقبيداي-كەمەڭگەرۇلى كوشەلەرىنىڭ قيىلىسىندا ورنالاسقان «اقبيداي» گۇلزارىندا انيماتورلاردىڭ قاتىسۋىمەن بالالارعا ارنالعان ويىن-ساۋىق ينتەراكتيۆتى باعدارلامالارى مەن «ءوندىرىس» تۇرعىن الابىنىڭ №49, №21, №23 جانە №34 ورتا مەكتەپتەرىنىڭ 9-11-سىنىپ وقۋشىلارى اراسىندا فۋتبولدان جارىس ۇيىمداستىرىلدى.
«كيرپيچنىي» تۇرعىن الابىنىڭ تۇرعىندارى ءۇشىن چەحوەۆ كوشەسى مەن جولىمبەت كوشەسى قيىلىسىنداعى ساياباقتا انيماتورلاردىڭ قاتىسۋىمەن ويىن-ساۋىق باعدارلاماسى دايىندالدى. وسى ۋاقىتتا «كازگورودوك» تۇرعىن الابىندا «زامانداس» اۋلا كلۋبىندا توعىزقۇمالاقتان تۋرنير, ال «شىمىر» اۋلا كلۋبىندا كاراتەدەن جارىس ءوتتى. جازۋشىلار اللەياسىندا بايقوڭىر اۋدانى مەكتەپتەرىنىڭ وقۋشىلارى اراسىندا سپورتتىق جارىس ۇيىمداستىرىلدى. كوڭىلدى ستارتتار قاتىسۋشىلارعا كۇش-قۋات جانە كوپتەگەن جاعىمدى ەموتسيا سىيلادى. سونىمەن قاتار جازۋشىلار اللەياسىندا ورنالاسقان KitapQala اشىق اسپان استىنداعى كىتاپحانا قىزمەتكەرلەرى بارلىق بالالارعا تۇڭعىش پرەزيدەنت كۇنىنە وراي كىتاپ تاراتتى.
