«جاسنۇر» وندىرىستىك شارۋاشىلىق كاسىپورنى تاۋەلسىزدىك مەرەكەسىنە وراي استانا سۋ قويماسىنىڭ سولتۇستىك ۋچاسكەسىندە قىسقى سپورتتىق بالىق اۋلاۋ جارىسىن وتكىزدى.
الدىن الا ءوتىنىش جىبەرگەن 5 كوماندا جارىسقا تۇگەلدەي قاتىستى. 2012 جىلعى حالىقارالىق جانە استانا قالاسى اكىمدىگى «جاسنۇر» وندىرىستىك شارۋاشىلىعى بەكىتكەن قاعيدالارعا سايكەس ءۇش سەكتورعا ءبولىنىپ ەكى جارىم ساعات سايىسقاندار اراسىنان بالىقتى ەڭ ءبىرىنشى ۇستاعان, ياعني, نەبارى ءتورتىنشى مينۋتتا قارماعىنا ولجا ىلىنگەن «باراككۋدا» كومانداسىنىڭ مۇشەسى جاقسىلىق سىزدىقوۆ كورەرمەندەردى جارىستىڭ العاشقى قىزىعىنا بولەدى.
سايىس قورىتىندىسى بويىنشا, استانا قالاسىنىڭ شارۋاشىلىق باسقارماسىنىڭ «استانا» كومانداسى ۆ.كراەۆ پەن ە.گورەيستىڭ ارقاسىندا جالپى كوماندالىق ەسەپتە ءبىرىنشى جانە ەكىنشى ورىندى يەلەندى. ال ءۇشىنشى ورىن ج.سىزدىقوۆتىڭ تاجىريبەسىمەن «باراككۋدا» كومانداسىندا كەتتى.
سونداي-اق, قاتىسۋشىلار «ەڭ ءبىرىنشى بالىق اۋلاعانى ءۇشىن», «ەڭ ءىرى بالىق اۋلاعانى ءۇشىن», «ەڭ كىشى بالىق اۋلاعانى ءۇشىن» جانە «ەڭ جاس بالىقشى», «ەڭ ەگدە بالىقشى» اتتى ديپلومدارمەن ماراپاتتالدى. جارىس سوڭىندا ءبىرىنشى جانە ەكىنشى ورىن العان سپورتشىلار شۆەدتىك مۇز بۇرعى يەلەنسە, ءۇشىنشى ۇزدىك اتانعان قاتىسۋشىعا بالىقشى قۇرالى بەرىلدى.
