استانا قالاسى ادىلەت دەپارتامەنتىنىڭ باستى مىندەتىنىڭ ءبىرى – ەلباسىنىڭ «100 ناقتى قادام» ۇلت جوسپارىنداعى 27-قادامىن ورىنداۋ. اتاپ ايتقاندا, جاھاندىق سىندارعا جاۋاپ جانە جاڭا تاريحي جاعدايلاردا دامىعان وتىز ەلدىڭ قاتارىنا كىرۋگە باعىتتالعان باعدارلامادا «جەكەمەنشىك سوت ورىنداۋشىلار ينستيتۋتىن ودان ءارى دامىتۋ. سوت ورىنداۋشىلارىنىڭ مەملەكەتتىك قىزمەتىن بىرتىندەپ قىسقارتۋ» ايتىلعان بولاتىن.
جەكە سوت ورىنداۋشىسى دەگەنىمىز – نارىقتا بورىشتى وتەۋ بويىنشا قىزمەت ۇسىناتىن باسەكەگە قابىلەتتى تۇلعا.
قازىرگى ۋاقىتتا استانادا 135 جەكە سوت ورىنداۋشىسى جۇمىس ىستەيدى. جىل سوڭىنا دەيىن 21 مەملەكەتتىك سوت ورىنداۋشىسىن قىسقارتىپ, جەكە سوت ورىنداۋشىلاردىڭ سانىن 150 ادامعا دەيىن ارتتىرۋ جوسپارلانۋدا.
بۇل سوت جانە وزگە دە اكتىلەردىڭ ورىندالۋ ساپاسىن ارتتىرۋعا, وندىرۋشىلەر تاراپىنان سوت اكتىلەرىنىڭ ورىندالماۋىنا قاتىستى شاعىمداردى ازايتۋعا, ورىندالۋ مەرزىمىن قىسقارتۋعا, سوت جانە وزگە دە اكتىلەردىڭ ورىندالۋىن قامتاماسىز ەتۋگە جۇمسالاتىن مەملەكەتتىك شىعىنداردى قىسقارتۋعا باعىتتالعان.
جەكە سوت ورىنداۋشىلارىنىڭ سانىن ۇلعايتىپ, وسى ارقىلى ولاردىڭ قىزمەتىمەن ەلوردا اۋداندارىن تولىق قامتىپ قانا قويماي, جەكە سوت ورىنداۋشىلارى اراسىندا لايىقتى باسەكە تۋدىرۋعا مۇمكىندىك بەرەدى.
مينيسترلىك پەن ونىڭ بولىمشەلەرى جاھاندىق باسەكەگە قابىلەتتىلىك يندەكسىن ءارى قاراي ارتتىرۋدى كوزدەيدى. سوڭعى زەرتتەۋلەرگە سۇيەنسەك, قازاقستان بۇل تىزىمدە 42-ورىنعا يە بولدى. بۇل – جوعارى كورسەتكىش. تيىسىنشە, قازاقستان ەلباسىنىڭ باسەكەگە قابىلەتتى وتىز ەلدىڭ قاتارىنا كىرۋ تۋرالى ماقساتىنا جاقىنداپ كەلەدى.
2016 جىلدىڭ العاشقى جارتىجىلدىعىندا دەپارتامەنت حالىققا 176635 مەملەكەتتىك قىزمەت كورسەتتى, سونىڭ ىشىندە «ازاماتتار ءۇشىن ۇكىمەت» مەمكورپوراتسياسى ارقىلى بەرىلگەن انىقتامالار سانى – 104075, قحكو ارقىلى بەرىلگەن قۇجاتتار كوشىرمەسى – 1585. ولاردىڭ ىشىندە جىلجىمايتىن مۇلىككە قۇقىقتى تىركەۋ بويىنشا – 70975 .
مەمكورپوراتسيالار ارقىلى تىركەلگەنى – 46 641. بىرىڭعاي نوتاريالدى اقپاراتتىق جۇيە ارقىلى تىركەلگەنى – 24334. جىلدامداتىلعان تارتىپپەن تىركەلگەن وتىنىشتەر سانى – 3 202. تىركەۋ ءۇشىن بيۋدجەتكە تۇسكەن سوما 150522 449 تەڭگەنى قۇرايدى.
2016 جىلدىڭ ەسەپ بەرۋ كەزەڭىندە جەكە جانە زاڭدى تۇلعالاردان 38 شاعىم كەلىپ تۇسكەن.
مەملەكەتتىك تىركەۋ – مىندەت
بيىل زاڭدى تۇلعالارعا 6210 مەملەكەتتىك قىزمەت كورسەتىلدى. 2016 جىلدىڭ ءبىرىنشى جارتىجىلدىعىندا تىركەلگەن زاڭدى تۇلعالار سانى – 2 183 (ونىڭ ىشىندە ادىلەت ورگاندارىمەن – 331, ەلەكتروندى پورتال ارقىلى – 1840), قايتا تىركەۋدەن وتكەن زاڭدى تۇلعالار سانى – 2750, تىركەلگەن فيليالدار مەن وكىلدىكتەر – 150, ەسەپتىك تىركەۋدەن الىنعان فيليالدار مەن وكىلدىكتەر – 263. زاڭدى تۇلعالاردىڭ قۇرىلتايشى قۇجاتتارىنا ەنگىزىلگەن وزگەرىستەر مەن تولىقتىرۋلار تىركەلىمى – 150. ەرىكتى تۇردە تاراتىلعان زاڭدى تۇلعالار سانى – 80. سوت شەشىمى بويىنشا تاراتىلعان زاڭدى تۇلعالار سانى – 149.
جەرگىلىكتى بيۋدجەتكە اۋدارىلعان جالپى سوما 18976619,5 تەڭگەنى قۇرادى.
2016 جىلدىڭ ءبىرىنشى جارتىجىلدىعىندا زاڭدى تۇلعالاردى ۋاقتىلى قايتا تىركەمەۋگە بايلانىستى 59 اكىمشىلىك قۇقىقبۇزۋشىلىق انىقتالدى. قۇقىقبۇزۋشىلارعا قاتىستى اكىمشىلىك جاۋاپكەرشىلىك شارالارى قولدانىلىپ, مەملەكەتتىك كىرىسكە وندىرىلگەن قارجى كولەمى 1516515 تەڭگەنى قۇرادى.
زياتكەرلىك مەنشىكتى قورعاۋ سالاسىنداعى بيزنەس سۋبەكتىلەرى ءۇشىن استانا قالاسىنىڭ كاسىپكەرلىك جانە ونەركاسىپ باسقارماسىمەن جانە كاسىپكەرلەر پالاتاسىمەن قۇقىقتىق ءتۇسىندىرۋ جۇمىستارىنا باعىتتالعان ورتاق ءىس-شارالار جوسپارى بار. سونىمەن قاتار استانا قالاسى ادىلەت دەپارتامەنتى, ىشكى ىستەر دەپارتامەنتى جانە مەملەكەتتىك كىرىس ورگاندارىمەن زياتكەرلىك مەنشىك سالاسىندا ءوزارا ىنتىماقتاستىققا باعىتتالعان ءىس-شارالار قولعا الىندى. ول بويىنشا ەلوردا اۋماعىندا كونترافاكتىلىك ءونىمدى كىرگىزۋ فاكتىسىن انىقتاۋ جۇرگىزىلۋدە. بۇگىندە Ikea Systems B.V., اۆتوكاپيتال, وبيس كومپانياسى, Bolotov and Partners, RG Brands, Central Pharm, Central Coporation جانە تاعى باسقا قۇقىق يەلەرىمەن جانە ولاردىڭ سەنىمدى تۇلعالارىمەن تىعىز سەرىكتەستىك قارىم-قاتىناس ورناتىلعان.
2016 جىلدىڭ العاشقى جارتىجىلدىعىندا زاڭدى جانە جەكە تۇلعالاردان 15 ارىز ءتۇستى. ونىڭ ىشىندە ەكەۋىنە تۇسىندىرمە بەرىلىپ, التاۋى اتالعان ماسەلەگە جاۋاپتى ۇيىمدارعا جىبەرىلدى, بىرەۋىن ارىزدانۋشى قايتارىپ السا, قالعانىنا جوسپاردان تىس تەكسەرۋ جۇرگىزىلدى. ۇشەۋىنىڭ زياتكەرلىك مەنشىك سالاسىندا زاڭناما تالاپتارى بۇزىلعانى انىقتالدى.
شەتكى اۋداندارعا نوتاريۋس قىزمەتى قوسىلدى
ەلىمىزدە جەكە نوتاريۋستاردىڭ قىزمەتى جۇيەلى ۇيىمداستىرىلعان. بۇگىندە استانادا 674 جەكە نوتاريۋس جۇمىس ىستەيدى. 2016 جىلدىڭ ءبىرىنشى جارتىجىلدىعىندا 19 نوتاريۋس ەسەپتىك تىركەۋدەن ءوتتى, 11 نوتاريۋس تىركەۋدەن الىندى.
قايتا قابىلدانعان نوتاريۋستاردىڭ باسىم بولىگى بۇعان دەيىن نوتاريالدىق قىزمەت اۋقىمى قامتىلماعان اۋداندارعا ورنالاسقان. ەندى لەسوزاۆود, 40-ستانتسيا اۋداندارى, وڭتۇستىك-شىعىس, يلينكا, كوكتال شاعىن اۋداندارى, زارەچنىي ەلدى مەكەنىنىڭ تۇرعىندارى قالا ىشىندەگى نوتاريۋستارعا كەلۋدىڭ قاجەتى جوق.
دەگەنمەن, جەكە نوتاريۋستاردىڭ ازاماتتىق-قۇقىقتىق جاۋاپكەرشىلىگىن ساقتاندىرۋدى ۋاقىتىلى جاساماعانى ءۇشىن ەكى دەرەك انىقتالدى. وسىلايشا, ەكى جەكە نوتاريۋستىڭ ليتسەنزيالارىنىڭ قىزمەتى ءبىر ايعا ۋاقىتشا توقتاتىلدى.
بۇگىنگى تاڭدا قر اقك 230-بابىندا كورسەتىلگەن زاڭبۇزۋشىلىقتار جاساعان نوتاريۋستارعا قاتىستى اكىمشىلىك قۇقىقبۇزۋشىلىق تۋرالى حاتتامالار تولتىرىلدى. ەكى نوتاريۋسكە قاتىستى قىلمىستىق ءىس قوزعالدى.
استانا قالاسىندا ادۆوكاتتاردىڭ جالپى سانى – 412, ولاردىڭ 299-ى زاڭگەرلىك كەڭەس بەرۋ سالاسىندا جۇمىس ىستەيدى, ادۆوكاتتىق كونتورالاردا – 10, تىركەلمەگەن زاڭدى تۇلعا – 103.
2016 جىلدىڭ ءبىرىنشى جارتىجىلدىعىندا ادىلەت دەپارتامەنتىنە استانا قالاسى ادۆوكاتتار القاسىنىڭ ۇستىنەن توعىز شاعىم ءتۇستى. سەگىزىنىڭ تۇجىرىمى راستالعان جوق. ءبىر شاعىم قارالۋ ۇستىندە.
2016 جىلدىڭ العاشقى جارتىجىلدىعىندا 49 158613,90 تەڭگەگە 4 383 ازاماتقا زاڭگەرلىك كەڭەس كورسەتىلدى. ساعاتتار سانى – 31 867,62. 2015 جىلدىڭ وسىعان ۇقساس ۋاقىتىندا مەملەكەتتىك كەپىلدەندىرىلگەن كەڭەس 36 455 929,7 تەڭگەگە 3 320 ازاماتقا كورسەتىلدى. ساعات سانى – 24 620,06.
جىل باسىنان بەرگى ەسەپتىك كەزەڭدە رەسپۋبليكالىق بيۋدجەتتەن «005 – زاڭگەرلىك كومەك كورسەتۋ» باعدارلاماسى بويىنشا 37 883 050,34 تەڭگە قامتىلدى, تولەنگەن قارجى كولەمى – 47 077 867,04 تەڭگە, 2015 جىلدىڭ قارىزىمەن بىرگە – 9 194 816,70.
مۇنىڭ سەبەبى, قالانىڭ شاعىن اۋداندارىندا, تۇزەۋ مەكەمەلەرىندە مۇقتاج ازاماتتارعا ارنالعان زاڭگەرلىك كەڭەستەر ءجيى وتكىزىلەدى.
«مەملەكەت كەپىلدىك بەرگەن زاڭ كومەگى تۋرالى» زاڭدا جانە استانا ق. ادۆوكاتتار القاسىنىڭ ۇسىنعان تىزىمىنە سايكەس دەپارتامەنتپەن 2016 جىلى مەملەكەتتىك كەپىلدەندىرىلگەن زاڭگەرلىك كومەك كورسەتۋدەن باس تارتۋعا قاتىستى 172 ادۆوكاتپەن كەلىسىم جاسالدى.
تەگىن كەڭەس بەرىلەدى
ءبىزدىڭ دەپارتامەنتتە كۇن سايىن قۇقىقتىق ءتۇسىندىرۋ جۇمىستارى جۇرگىزىلەدى. اعىمداعى جىلى 1492 ءىس-شارا ۇيىمداستىرىلىپ, ولاردىڭ 1 063-ى باق-تا جاريالاندى. سونىڭ ىشىندە باسىلىم بەتتەرىندە – 49 , ەلەكتروندى پورتالدار مەن اقپارات اگەنتتىكتەرىندە – 478, تەلەارنالاردا – 3 , راديودا – 18 جانە ادىلەت دەپارتامەنتىنىڭ ينتەرنەت-رەسۋرسىندا 515-ءى قامتىلدى. ۇيىمداستىرىلعان دوڭگەلەك ۇستەل وتىرىسى – 58, سەمينارلار مەن لەكتسيالار – 354, سونىمەن قاتار اقپاراتتىق-ناسيحات توپتارى مەن «اشىق ەسىك كۇنى» ءوتتى.
ايتا كەتەرلىگى, تۇرعىنداردىڭ الەۋمەتتىك وسال تۇستارىن قولداۋ جانە ازاماتتاردىڭ قۇقىقتىق مادەنيەتىن كوتەرۋ ماقساتىندا دەپارتامەنت «نۇر وتان» پارتياسىنىڭ ورتالىق اپپاراتى فيليالىنىڭ قوعامدىق قابىلداۋىنىڭ كومەگىمەن ادۆوكاتتار القاسىمەن بىرىگە وتىرىپ تەگىن زاڭگەرلىك كەڭەس كورسەتۋ ماقساتىندا ازاماتتاردى قابىلداۋدى ۇيىمداستىرادى.
دەپارتامەنت «قازاقستان زاڭگەرلەر وداعى» رقۇ-نىڭ استانا قالالىق فيليالىمەن بىرىگىپ, ەلوردالىق «استانا-زاڭ» قۇقىقتىق پورتالىن دامىتۋ جۇمىستارىن جۇرگىزۋدە. 2016 جىلدىڭ ءبىرىنشى جارتىجىلدىعىندا پورتالدا 3 156 ماتەريال جارىق كوردى, ونىڭ ىشىندە: جاڭالىقتار – 2128, كاسىپكەرلەرگە جاردەم – 201, قۇقىقتىق كەڭەس بەرۋ – 331, عىلىم – 101,ءسىز بىلەسىز بە؟ – 390 جانە ت.ب.
جارتى جىل ىشىندە پورتالعا كىرگەندەر سانى 30 505 مىڭ ادامعا جۋىقتادى. پايدالانۋشىلار سانى – 59 546. ولاردىڭ باسىم بولىگى قازاقستان ازاماتتارى – 33 32; ءجيى كىرۋشىلەردىڭ ۇزدىك بەستىگىندە مىنا ەلدەر بار: رەسەي ازاماتتارى – 2 424, ۋكراينا – 94, بەلارۋس – 62, اقش – 57, قىتاي – 54. پورتالعا 47 ەلدىڭ ادامدارى كىرگەن, ولاردىڭ جاس ارالىعى 25-تەن 45-كە دەيىن. اي سايىن astanazan.kz پورتالىن قولدانۋشىلار سانى ۇلعايىپ كەلەدى.
دەپارتامەنت پورتالدا وزگە مەملەكەتتىك جانە اتقارۋشى ورگاندارعا قايتارىمسىز نەگىزدە قۇقىقتىق, ءتۇسىندىرۋ, اقپاراتتىق-انىقتامالىق, وزدەرىنىڭ قىزمەتىن كورسەتەتىن پۋبليتسيستيكالىق سيپاتتاعى ماتەريالداردى جاريالاۋعا رۇقسات بەرگەن. وسىلايشا «استانا-زاڭ» ينتەرنەت-باسىلىمى ارقىلى مەملەكەتتىك ورگاندار ازاماتتارعا قىزمەت كورسەتۋ, رۇقسات بەرۋ بويىنشا زاڭنامالاردا ورىن العان وزگەرىستەر مەن جاڭاشىلدىقتار تۋرالى دەر كەزىندە اقپارات بەرۋگە مۇمكىندىك الدى.
ەرلان قوسمۇراتوۆ, استانا قالاسى ادىلەت دەپارتامەنتىنىڭ باسشىسى مىندەتىن اتقارۋشى