ءداستۇرلى ايدارىمىزدىڭ بۇگىنگى قوناعى – ەسترادا ءانشىسى, «مۋز تۆ» تەلەارناسىنىڭ ارنايى سىيلىعى – «قازاقستاننىڭ ۇزدىك جىل ءارتىسى» اتالىمىنىڭ جەڭىمپازى قايرات نۇرتاس.
– شىنىمدى ايتسام, ناقتى ساناماپپىن. ون جىل ىشىندە قانشا ايماقتى ارالادىق. ساحنا تاڭدامادىق. مادەنيەت ءۇيى جوق اۋىلدارداعى مەكتەپتىڭ سپورت زالىندا ءان ايتتىق. ول كەزدەگى اپپاراتۋرالار دا قازىرگىدەي دامىماعان. ميكروفوندار تەك سىممەن جۇمىس ىستەيدى. ءبىر اۋىلعا كونتسەرت بەردىك, ميكروفون توعىنىڭ قىسقالىعى سونداي, ساحنانىڭ ورتاسىنا دەيىن جەتپەيدى. اۋەلى حالىق الدىنا شىعىپ, امانداسىپ الدىم دا, ساحنانىڭ ءبىر شەتىنەن سىعالاپ تۇرىپ ءان ايتتىم. ەكى-ءۇش ءان بىتكەنشە ارەڭ شىدادىم. جۇرتشىلىقتى تولىق كورىپ, ەركىن قيمىلداي الماعان وتە قيىن. مەنىڭ سول جاعدايىمدى بايقاعان كورەرمەندەردىڭ جانى اشىدى ما ەكەن, «قايرات, ميكروفونسىز-اق ايتا بەرشى, ورتادا تۇرىپ» دەپ شۋلادى. ارالارىنداعى ءبىر قىز «ءان دە ايتپاي-اق قوي, انشەيىن ورتادا تۇرشى» دەپ ءبارىمىزدى دۋ كۇلدىرگەن. قازىر ءبارى باسقاشا, اللاعا شۇكىر.
– وسى جاعىنان نيۋشاعا ءوزىم دە ءتانتى بولدىم. ناعىز تالانتتى ادام بارلىق جاعىنان دا قابىلەتتى بولاتىنى راس ەكەن, قازاقشا ءتىل سىندىرۋ وعان ەش قيىنعا سوققان جوق. الدىن الا كەسىپ ايتپاي-اق قويايىن, ۋاقىتى كەلگەندە وزگە شەتەلدىك جۇلدىزدارمەن دۋەتىمىزدى كورە جاتارسىزدار.
– ەسترادامىزدىڭ دامىپ, مەنەن باسقا دا باۋىرلارىمنىڭ ەلگە تانىلعانىنا ەشقاشان قارسى بولعان ەمەسپىن. اركىمنىڭ ءوز تىڭدارمانى, اللا جازىپ قويعان نەسىبەسى بار. توي ماسەلەسىنە قاتىستى ەشقانداي وزگەرىس جوق. ارىپتەستەرىم «ەڭ جوعارى گونورار – سەندە» دەپ جاتادى. گونورار دا سۇرانىسقا قاراي قويىلادى.
– تاربيەلەۋشىلەر سولاي دۇرىس دەپ تاپسا, ەش قارسىلىعىم جوق. ولار پەداگوگيكانى مەڭگەرگەن ماماندار عوي.
– ارينە, بار. بىرەۋ دە ەمەس, وتە كوپ. ەڭ باستى تىلەگىم – ەلدە بەيبىتشىلىك, تۇراقتىلىق ماڭگى ساقتالىپ, ۇرپاقتارىمىز باقىتتى عۇمىر كەشسە دەيمىن. تىنىشتىق بولسا, بارلىق ارماندارىمىز ءوز ۋاقىتىندا اقيقاتقا اينالارىنا سەنىمدىمىن.
– شوۋ-بيزنەس – كوپشىلىك ويلاعانداي وڭاي جول ەمەس. كوپتىڭ كوڭىلىنەن شىعۋ ءۇشىن تالماي تالاپتانىپ, ەرىنبەي ەڭبەك ەتۋ كەرەك. اياقتان شالاتىندار دا, تاسادا تۇرىپ تاس اتاتىندار دا كوپ. ءسىز ايتقان وقيعالار شوۋ بيزنەس الەمىندە بولىپ تۇرادى. دەگەنمەن, قۇقىقتىق, تاۋەلسىز, بەيبىت ەلدە ءومىر ءسۇرىپ جاتقاندىقتان, ءبىر ادامنىڭ بوستاندىعىن باسقا ادام شەكتەي المايدى.
– ورىنسىز سىن مەن وسەك-اياڭ مەنەن بۇرىن انامنىڭ جۇرەگىنە قاتتىراق باتادى. كەز كەلگەن انا سولاي قابىلدار ەدى. ال نەگىزى, ءبارىنىڭ اۋزىنا قاقپاق بولا المايسىڭ. كوپشىلىكتىڭ ادامى بولعان سوڭ, ونداي جاعدايعا ءمان بەرمەۋگە تىرىسامىن. الايدا, مەن جايلى شىققان جالعان اقپارات جاستاردىڭ تاربيەسىنە, تىڭدارماننىڭ تۇسىنىگىنە كەرى اسەر ەتپەسە دەيمىن. سوڭعى ۋاقىتتا رەيتينگ قۋعان سايتتار ىلىكتەن بۇلىك شىعارىپ, قيسىنسىز دۇنيەلەردى جازىپ جاتادى. قيتۇرقى تاقىرىپتاردى قويىپ, ەلدىڭ شاتاسۋىنا سەپ بولادى. جوق جەردەن سەنساتسيا جاساعىسى كەلەتىن سياقتى. وسى تۇستا جۋرناليستەر قاۋىمى تەك رەيتينگتى ەمەس, ادامگەرشىلىكتى دە ويلاسا ەكەن. مەن دە پەندەمىن عوي. كەيدە دوستارىمنىڭ اراسىندا ەمىن-ەركىن وتىرعىم كەلەدى. سول ءساتتى پايدالانىپ, ۇيالى تەلەفونعا ءتۇسىرىپ الىپ, تاراتىپ جىبەرەتىندەر دە بار. سوعان قارنىم اشادى.
