سپورت مەكتەپتەرىنە قابىلداۋ باستالادى
جاڭا وقۋ جىلىنىڭ باستالۋىنا از ۋاقىت قالدى. جاقىن ارادا قالامىزداعى سپورت مەكتەپتەرىنە وقۋشىلاردى قابىلداۋ باستالادى. وسىعان وراي بالالار مەن جاسوسپىرىمدەر سپورت مەكتەپتەرىنە تاربيەلەنۋشىلەردى قاشان جانە قانداي سپورت تۇرلەرى بويىنشا قابىلدايتىنى جونىندە گازەتىمىزدىڭ الداعى نومىرلەرىنىڭ بىرىندە تولىق مالىمەتتى بەرەتىن بولامىز. ال بۇگىن ءبىزدىڭ ساۋالىمىزعا استانا قالاسىنداعى №7 وليمپيادالىق رەزەرۆىنىڭ بالالار مەن جاسوسپىرىمدەردىڭ مامانداندىرىلعان سپورت مەكتەبى ديرەكتورىنىڭ ورىنباسارى اسقار الديبەكوۆ جاۋاپ بەردى.
– مەكتەپتەرىڭىزگە بالالاردى قابىلداۋ قاشان جۇرگىزىلەدى جانە قاي جاستان باستاپ قابىلدايسىزدار؟
– بيىل قابىلداۋ ناۋقانى 17 تامىز بەن 17 قىركۇيەك ارالىعىندا جۇرگىزىلەدى. قالاعان سپورتىنا قاراي 10 جاستان 12 جاس ارالىعىنداعى بالالار قابىلدانادى.
– قانداي سپورت تۇرلەرى بويىنشا وقۋ-شىنىقتىرۋ ءجۇرگىزەسىزدەر؟
– اتاپ ايتقاندا, دزيۋدو, تاەكۆوندو, گرەك-ريم كۇرەسى, ەركىن كۇرەس, كونكۋر, ءۇشسايىس, كاراتە-دو, سامبو, قازاق كۇرەسى, ۋشۋ تاولۋ, كيوكۋشينكاي كان كاراتە, شينكيوكۋشينكاي كاراتە, كيكبوكسينگ, مۋايتاي سپورت تۇرلەرىن ۇسىنامىز.
تولىق اقپاراتتى www.7sportmekteby.kz سايتىمىزدان جانە 39-00-92, 39-01-19 بايلانىس تەلەفوندارى ارقىلى دا بىلۋگە بولادى.
– جاڭا وقۋ جىلىنا باپكەرلەرىڭىز بەن بازالارىڭىز ساقاداي ساي شىعار…
– ارينە, دايىنبىز. قازىر مەكتەپ اكىمشىلىگى مەن باپكەرلەر توبى قابىلداۋ ناۋقانىنا بايلانىستى جۇمىس جۇرگىزىپ جاتىر. تۇيىندەپ ايتقاندا, سالاۋاتتى ءومىر سالتىن ساقتاي بىلەتىن, سپورتتى تاڭداعان بالالارعا ءبىزدىڭ ەسىگىمىز ءاردايىم اشىق . تەك سالاۋاتتى ۇلت باسەكەلەس ەلدەردىڭ قاتارىنا كىرە الادى. سوندىقتان, بولاشاق چەمپيونداردى تاربيەلەۋگە بارىنشا اتسالىسامىز.
گۇلميرا ايماعانبەت