«استانا سۋ ارناسى» مكك سىناق زەرتحاناسىنىڭ قىزمەتكەرلەرى استانا قالاسىنىڭ سانيتارلىق-ەپيدەميولوگيالىق قاداعالاۋ مەكەمەسىمەن بىرلەسىپ, سۋدىڭ باقىلاۋ ساپاسىنا ارنالعان سۋ سىنامالارىن سۇرىپتادى. تۇرعىنداردىڭ وتىنىشتەرى بويىنشا سۋدىڭ سىنامالارى تۇتىنۋشىلاردىڭ كراندارىنان, الەۋمەتتىك نىسانداردان (مەكتەپتەر, دۇكەندەر, ءدارىحانالار, اۋرۋحانالار جانە ت.ب. مەكەمەلەردە) جۇرگىزىلەدى. تالداۋدىڭ ناتيجەلەرى بويىنشا تۇرعىندارعا ۇيلەرىندە بەرىلەتىن اۋىزسۋدىڭ ساپاسى باعالانادى.
قالا تۇرعىندارىن سۋمەن قامتاماسىز ەتەتىن – استانا بوگەنى. بۇگىنگى كۇنى سۋ قۇبىرى جەلىلەرى ارقىلى تازا اۋىز سۋدى تاۋلىگىنە 200 مىڭ م³ دەيىن قامتاماسىز ەتەتىن سوراپ-سۇزگىلەۋ ستانساسى سۋمەن قامتاماسىزداندىرادى. سۋ توعانى ستانساسىندا سۋ سۇزەتىن تورلار مەن تور سىزىقتار ارقىلى وتەدى, كەيىن سۋ تازارتۋ عيماراتتارىندا تابيعي سۋدى تازارتۋ, سۋدى رەاگەنتتەرمەن (اليۋميني حلورلاۋ وكسيدى) وڭدەۋ, تۇنۋ, سۇزگىلەۋ جۇرگىزىلەدى. سودان كەيىن سۋ تالاپ ەتىلەتىن نورماعا دەيىن زالالسىزدانادى جانە سۋ قۇبىرى جەلىلەرىنە بەرگەنگە دەيىن تازا سۋ رەزەرۆۋارلارىندا ۇستالادى.
استانا بوگەنى جانە قالانىڭ سۋ قۇبىرى جەلىلەرىندەگى سۋلاردىڭ ساپاسىن «استانا سۋ ارناسى» مكك اككرەديتتەنگەن سىناق حيميا-باكتەريولوگيالىق زەرتحاناسى, سونىمەن قاتار اۋىزسۋدىڭ ساپاسىن باقىلايتىن استانا قالاسىنىڭ سانيتارلىق-ەپيدەميولوگيالىق قاداعالاۋ دەپارتامەنتى بەكىتكەن سىنامالاردى سۇرىپتاۋ جانە جۇمىس جوباسىنىڭ كەستەسى بويىنشا باقىلايدى. «استانا سۋ ارناسىنىڭ» كۇشىمەن كۇن سايىن 60 نىساننان, دالىرەك ايتقاندا, سۋ تاراتقىش كولونكالار, سۋ ايداۋ ستانسالارى, سوراپ ستانسالارىنان («كوكتال», «يلينكا» اۋىلدارى) سۋ سىنامالارى الىنادى.
زەرتحانالىق زەرتتەۋلەردىڭ جۇرگىزگەن ناتيجەلەرى بويىنشا استانا قالاسىنىڭ اۋىزسۋى 3.02.2002ج. سانەجن جانە «اۋىز سۋ» مەمست قاراستىرعان نورمالارى ساپاسىنىڭ ستاندارتتارىنا سايكەس كەلەدى.
ايگۇل ۋايسوۆا
