بۇگىنگى تاڭدا استانا قالاسى بويىنشا ەسىرتكىگە تاۋەلدىلىگى بار 984 ادام ەسەپتە تۇر, دەپ حابارلايدى astana-akshamy.kz
2023 جىلمەن سالىستىرعاندا بۇل كورسەتكىش 9,8%-عا تومەندەۋ ەكەنى بايقالادى.
الايدا, ناشاقورلىق ارقاشان حالىقتىڭ دەنساۋلىعى مەن ومىرىنە قاۋىپ توندىرەدى. ونىمەن كۇرەسۋدىڭ ەڭ ءتيىمدى جولى – حالىق اراسىندا سالاۋاتتى ءومىر سالتىن ناسيحاتتاۋ جانە الدىن الۋ.
ەلوردادا ناشاقورلىق پەن ەسىرتكى بيزنەسىنە قارسى ءىس-قيمىل ماسەلەلەرى جونىندەگى ۆەدومستۆوارالىق شتابتىڭ جۇمىس وتىرىسى ءوتتى. كۇن تارتىبىندە ەكى نەگىزگى ماسەلە تۇردى:
ءبىرىنشى ماسەلە بويىنشا, مەملەكەتتىك ورگانداردىڭ وكىلدەرى 2024 جىلدىڭ I توقسانىنىڭ قورىتىندىسى بويىنشا «استانا – ەسىرتكىسىز قالا» كەشەندى جوسپارىن ورىنداۋ جونىندەگى شارالار تۋرالى باياندادى. ارىپتەستەر پروبلەمالىق ماسەلەلەر مەن ولاردى شەشۋ جولدارىن دا قاراستىردى.
ەكىنشى ماسەلە بويىنشا, كەڭەس بارىسىندا قاتىسۋشىلار دۇنيەجۇزىلىك ناشاقورلىققا قارسى كۇرەس كۇنىنە ورايلاستىرىلعان جانە 26 مامىر – 26 ماۋسىم ارالىعىندا وتەتىن الداعى ايلىقتىڭ جوسپارلارىن تالقىلادى.
ايلىقتىڭ باستى مىندەتى – قوعامدى بىرىكتىرۋ جانە ەسىرتكىگە قارسى ءىس-شارالاردىڭ تۇتاس كەشەنىن ىسكە اسىرۋ. ولاردىڭ بارلىعى سالاۋاتتى ءومىر سالتىن ناسيحاتتاۋعا, حالىقتىڭ ناركولوگيالىق ساۋاتتىلىعىن ارتتىرۋعا جانە بالالاردىڭ, جاسوسپىرىمدەر مەن جاستاردىڭ دەنساۋلىعىن ساقتاۋ ءۇشىن الدىن الۋ جۇمىستارىنا قاتىسۋدىڭ ماڭىزدىلىعىن تۇسىنۋگە باعىتتالاتىن بولادى.
