بۇگىن سارىارقا مەن نۇرا اۋداندارىنىڭ زەينەتكەرلەرى سەنبىلىككە شىقتى. استانا قالاسىنىڭ ەرىكتى اتا-اجەلەرى «بايتاق» جاسىل پارتياسىمەن بىرلەسىپ رەسپۋبليكا داڭعىلى مەن ماسكەۋ كوشەلەرىنىڭ قيىلىسىندا ورنالاسقان ا. پۋشكين ات. الاڭعا تازالىق جۇمىستارىن جۇرگىزدى.
ەگدە جاستاعى قالا تۇرعىندارى قالا تازالىعىنا ءوز ۇلەستەرىن قوسىپ, دەمالىس الاڭىن قوقىستان تازالادى. وزدەرىنە بەرىلگەن اۋماقتى ايناداي جيىستىرىپ, بارلىق قوقىستى قاپتارعا سالىپ, اينالاعا كورىك سىيلادى.
«بۇگىن ءبىزدىڭ «نۇرا» اۋدانىنىڭ «كۇمىس ەرىكتىلەر» ۇجىمىنىڭ بەلسەندى اتا-اجەلەرى ەرىكتى تۇردە سەنبىلىككە شىقتى. وزىمىزگە بەرىلگەن اۋماقتى تازارتىپ شىقتىق. استانا قالاسىنىڭ تۇرعىنى بولعاندىقتان ءوز قالامىزدى جاقسى كورەمىز, ونىڭ تازالىعىنا ءوز ۇلەسىمىزدى قوسايىق دەگەن ماقساتپەن شىقتىق» -دەپ جۇرەك جاردى لەبىزىن ءبىلدىردى ەرىكتىلەر ۇجىمىنىڭ جەتەكشىسى ءلاززات ۋتەگۋلوۆا.
تازالىق جۇمىستارىنا 20 زەينەتكەرمەن بىرگە ستۋدەنتتەر مەن ەكو بەلسەندىلەر اتسالىستى.
