«جان جىلۋى – ىزگىلىكتىڭ جارشىسى
حالىقارالىق بالالاردى قورعاۋ كۇنى مەرەكەسى قارساڭىندا استانا مەديتسينا ۋنيۆەرسيتەتىندە «جان جىلۋى» اتتى جىل سايىنعى قايىرىمدىلىق اكتسياسى ءوتتى.
جەتىم, مۇگەدەك, تۇرمىسى تومەن بالالاردىڭ تاعدىرىنا قوعام نازارىن اۋدارۋ, ولارعا قول ۇشىن سوزىپ, قولداۋ كورسەتۋ ماقساتىندا ۇيىمداستىرىلعان شاراعا «Nasledie» قوعامدىق بىرلەستىگىنىڭ قامقورلىعىنداعى مۇمكىندىگى شەكتەۋلى بالالار جانە الەۋمەتتىك جاعداي تومەن, كوپ بالالى وتباسىنان شىققان بالالار ارنايى شاقىرىلدى.
استانا مەديتسينا ۋنيۆەرسيتەتىنىڭ تاربيە ءىسى جانە الەۋمەتتىك قىزمەت جونىندەگى پرورەكتورى گ.ز.حايرلي قايىرىمدىلىق اكتسياسىنىڭ اشىلۋ سالتاناتىندا: «جاستىق شاق – ءاربىرىمىزدىڭ ەستەن كەتپەس ساتتەرىمىز. ولاي بولسا, مىنا جەتكىنشەكتەرىمىزدىڭ قۋانىشتى ساتتەرى كوبىرەك بولسىن» دەپ تىلەك ءبىلدىردى.
«استانا مەديتسينا ۋنيۆەرسيتەتى» كاسىپوداق كوميتەتىنىڭ قولداۋىمەن «نۇر وتان» پارتياسىنىڭ «وركەن» باستاۋىش پارتيا ۇيىمى جانە «جاس وتان» جاستار قاناتى بىرلەسىپ ۇيىمداستىرعان كەشتە «ۆايناح», «ا7» بي ستۋديالارى مەن بەرىك ارتىقباەۆ, باقداۋلەت يمانقۇلوۆ, رۇستەم جۇگىنىسوۆ, ادىلەت مايلينوۆ سىندى انشىلەر ونەر كورسەتتى.