جانەل سادۋاقاس «بالالاردىڭ جاڭا تولقىنى-2016» بايقاۋىندا 3-ءشى ورىن يەلەندى
بايقاۋعا 8 بەن 12 جاس ارالىعىنداعى الەمنىڭ 11 ەلىنەن 15 بالا قاتىستى.
«ارتەك» بالالار ورتالىعىندا وتكەن «بالالاردىڭ جاڭا تولقىنى-2016» بايقاۋىندا قازاقستاننىڭ اتىنان ونەر كورسەتكەن 11 جاسار جانەل سادۋاقاس ءۇشىنشى ورىندى يەلەندى. ەكى كۇنگە جالعاسقان الەمدىك مۋزىكا سايىسىندا بالعىن ءانشىمىز وتانداستارىنىڭ ۇكىلەگەن ءۇمىتىن اقتادى.
جالپى, بايقاۋعا 8 بەن 12 جاس ارالىعىنداعى الەمنىڭ 11 ەلىنەن 15 بالا قاتىستى. اتاپ ايتقاندا, رەسەي, ارمەنيا, ابحازيا, لاتۆيا, مالتا, قازاقستان, قىرعىزستان, كورەيا, رۋمىن ەلدەرى.
ەستەرىڭىزدە بولسا, جانەل «ايالاعان استانا-2016» كونكۋرسىندا توپ جارعان بولاتىن. بۇدان بولەك, ول «جۇلدىزدى جول», «لينا اريفۋلينانىڭ بالالار كاراوكەسى» مۋزىكالىق بايقاۋلارىنىڭ دا جۇلدەسىن ەنشىلەگەن.
ەلىمىزدىڭ نامىسىن قورعاۋعا اتتانعان قارشاداي ءانشىنىڭ باسقا دا قىرلارى كوپ. بوس ۋاقىتىندا ءان ايتۋمەن قاتار, فورتەپيانودا ويناپ, كىتاپ وقيدى, بي بيلەيدى, سۋرەت سالىپ, كەستە تىگەدى. ات سپورتى, سەمسەرلەسۋدەن دە قابىلەتى بار ءانشى قىز ءدامدى تاعامدار دا ازىرلەي الادى.
قازاقستاندىق ءانشى ادەمى ينستاگرامداعى پاراقشاسىندا شاكىرتىن قولداپ «جانەل – جارايسىڭ, الدا سەنى تالاي جەڭىستەر كۇتىپ تۇر!» دەپ جازدى.
جانسايا سىدىقباي
