Астанада 1994 үйде жылу беру маусымына дайындық жұмыстары толығымен аяқталған. Барлық сумен жабдықтау және электр жүйелері жөнделді. Ал, әлеуметтік нысандардан 71 мектеп от жағу маусымына дайын.

Өткен аптада жол-патрульдік полициясы жол қозғалысын бақылау барысында 6,5 мыңнан аса жол ережесі бұзылғаны анықталған. Жылдамдық режиміне байланысты – 774, қауіпсіздік белдігінсіз көлік жүргізгені үшін – 511, апаттық жағдайды туғызғаны үшін – 134, автокөлікті мас күйінде жүргізгені үшін – 53, сондай-ақ, жаяу жүргіншілерді өткізбегені үшін 540 құқық бұзушылық тіркелген.