Жаңалықтар
Кешен қуаты – 24 тонна
Астанада жылына 24 мың тонна ет өнімдерін өңдейтін кешен салынады. Ірі ауқымдағы бұл жоба азық-түлік белдеуін күшейте түсуге, сондай-ақ, еліміздің мал шаруашылығы саласының экспорттық әлеуетін кеңейтуге мүмкіндік береді.
Қазір жаңа кешеннің жер учаскесі түріндегі мемлекеттік табиғи грантын ұсынуға қатысты алғашқы инвестициялық келісімшарт бекітілді. Жалпы, жоба шеңберінде 80-нен астам жұмыс орнын құру жоспарланған. Жобаның болжамдық құны 3,6 млрд теңгені құрайды.
Жоба шеңберінде өндірістің толық циклін ұйымдастыру көзделіп отыр. Оның шеңберіне малды союдан бастап дайын өнімге дейінгі үдеріс қамтылған. Өндірісте Еуропаның жетекші өндірістерінің жоғары технологиялық заманауи құрал-жабдықтары пайдаланылады.