Şaibaly hokkeiden Latviia men Şveisariiada ötıp jatqan älem chempionatynyŋ toptyq ırıkteu turnirı aiaqtaldy. Qazaqstan qūramasy älemdık elitadaǧy ornyn saqtap qaldy.
V tobynda öner körsetken Qazaqstan qūramasy Latviia alaŋdarynda 6 oiyn ötkızdı. Turnir barysynda Slovakiia qūramasyn 4:3 (bullit boiynşa), Norvegiiany 4:3 (bullit boiynşa) jäne Sloveniiany 4:3 esebımen jeŋdı. Al Kanada qūramasynan 1:5, Şveisariiadan 0:5, Latviiadan 0:7 esebımen ūtyldy. Osy oiyndardyŋ nätijesınde Ǧalym Mambetaliev baptaityn Qazaqstan qūramasy turnir kestesınde 6-orynnan körınıp, kelesı jyly älem chempionatynyŋ elitasynda oinaityn boldy. Bır aitarlyǧy, būl chempionatqa Qazaqstan qūramasy sapyna legionerler alynbady, tek qazaqstandyq hokkeişıler oinady.
Al älem chempionatynyŋ plei-off kezeŋıne V tobynan AQŞ, Şvesiia, Finliandiia, Germaniia qūramalary şyqsa, V tobynan Kanada, Şveisariia, Chehiia jäne Latviia qūramalary öttı.
Endı şirek final oiyndarynda AQŞ-Chehiia, Kanada-Finliandiia, Şvesiia-Latviia, Şveisariia-Germaniia qūramalary özara kezdesetın boldy.
Būl chempionatqa Halyqaralyq hokkei federasiiasynyŋ şeşımımen Resei jäne Belarus qūramalary jıberılmedı.
