1966 jyldyŋ aqpan aiynda Selinograd qalasynyŋ Tyŋ igeruşıler saraiynda VASHNİL-dıŋ köşpelı sessiiasy ūiymdastyryldy. Osynda Odaqtyŋ qiyr-qiyrynan jinalǧan ǧalymdar men tyŋ igeruşı diqandarǧa Almatydan gastroldık saparmen kelgen Qazaqstannyŋ öner şeberlerı konsert qoidy.
Sol künı Qazaq KSR Halyq ärtısı, sahna şeberı Ǧarifolla Qūrmanǧalievtı jūrt asa bır ystyq sezımmen quana qarsy aldy. Köp köŋılıne orai Ǧarekeŋ de aianyp qalǧan joq. «Naq-naq», «Kök aidai» änderın jeldırte, şalqyta oryndaǧan kümıs kömei änşını tyŋ diqandary saǧynyp qalsa kerek, qol soǧyp, qoşemettep, ūzaq uaqyt sahnadan jıbermei qoidy. Ol da köptıŋ qalauy boiynşa halyq änı «On alty qyz» ben Mūhittyŋ änı «Zäureş», «Ainamközdı», taǧy basqa da änderdı myŋ qūbylta şyrqady.
Ǧarekeŋnen keiın jinalǧandar opera jäne balet teatrynyŋ solisı, ataqty änşı, KSRO Halyq ärtısı Ermek Serkebaevtyŋ sahnaǧa şyǧuyn taǧatsyzdana küttı. Mıne, ol sahna ortasynda. Äsırese bariton dauysty opera korifeiı oryndaǧan Mädidıŋ «Qarakesegı» men halyq änı «Sūrşaqyzdy» jūrt erekşe süisınıp tyŋdady. Köpşılıktıŋ özıne degen asqan qūrmetın jaqsy tüsıngen änşı de änderın asa bır tolqyǧan şabytpen qūiqyljyta, tebırene şyrqady. Öner şeberlerınıŋ konsertı zor yqylaspen tyŋdaldy.
Ǧaziza İSAHAN
