QR Prezidentı Nūrsūltan Nazarbaevtyŋ Jarlyǧymen Äset Örentaiūly İsekeşev Astana qalasynyŋ äkımı bolyp taǧaiyndaldy.
Būl turaly Aqordanyŋ baspasöz qyzmetınen habarlady.
«Ä.Ö. İsekeşevtı Astana qalasynyŋ äkımı qyzmetıne taǧaiyndau turaly» Jarlyq
Äset Örentaiūly İsekeşev Astana qalasynyŋ äkımı bolyp taǧaiyndalsyn, ol Qazaqstan Respublikasynyŋ İnvestisiialar jäne damu ministrı qyzmetınen bosatylsyn.
Qazaqstan Respublikasynyŋ
Prezidentı N.Nazarbaev
***
Äset İsekeşev – 1971 jyldyŋ 17 tamyzynda Qaraǧandy qalasynda tuǧan.
1994 jyly – Äl-Farabi atyndaǧy QazMŪU, zaŋ fakultetı.
1998 jyly – Qazaqstan Respublikasy Prezidentınıŋ janyndaǧy joǧary memlekettık basqaru mektebı.
Qazaqstan Respublikasy Strategiialyq josparlau jäne reformalar jönındegı agenttıgınde,Qazaqstan Respublikasy Ekonomika jäne biudjettık josparlau ministrlıgınde jūmys ıstegen.
2003 jyly Qazaqstan Respublikasy İndustriia jäne sauda vise-ministrı lauazymyna taǧaiyndaldy.
2006 jyly «Qazyna ornyqty damu qory» AQ Basqarma töraǧasynyŋ orynbasary.
2007 – 2008 jyldary «Credit Swiss» (Qazaqstan) kompaniiasynyŋ qarjylyq jobalar marketingı jönındegı direktory.
2008 jylǧy aqpan – 2009 jylǧy mamyr aralyǧynda Qazaqstan Respublikasy Prezidentınıŋ ekonomika mäselelerı jönındegı kömekşısı;
2009 jylǧy mamyrdan bastap, Qazaqstan Respublikasy İndustriia jäne sauda ministrı;
2010 jylǧy nauryzdan bastap, Qazaqstan Respublikasy Premer-Ministrınıŋ orynbasary – İndustriia jäne jaŋa tehnologiialar ministrı.
2012 jylǧy qantardan bastap, Qazaqstan Respublikasy İndustriia jäne jaŋa tehnologiialar ministrı.
2012 jylǧy qyrküiekten bastap, Qazaqstan Respublikasy Premer-Ministrınıŋ orynbasary – Qazaqstan Respublikasy İndustriia jäne jaŋa tehnologiialar ministrı.
2014 jylǧy 6 tamyzdan bastap, Qazaqstan Respublikasy İnvestisiialar jäne damu ministrı.
«Qazaqstan Respublikasy Täuelsızdıgınıŋ 20-jyldyǧy merekelık medalımen, «Qūrmet» ordenımen marapattalǧan.
