Ädılbek NİIаZYMBETOV, boksşy, London olimpiadasynyŋ kümıs jüldegerı: şarşy alaŋǧa özıme senıp şyǧamyn
–London Olimpiadasynyŋ kümıs jüldegerı atanǧanda qandai sezımde boldyŋyz?
Ernūr BİMURZİN, qala tūrǧyny
– Däl sol sätte köŋılım könşımegenı ras. Eger men 16:15 esebımen ūtylǧan bolsam, onda jeŋılgenımdı moiyndar edım. Qyrsyq qylǧandai eseptıŋ teŋ tüskendıgıne küiındım. Teŋ tüsıp tūryp jeŋımpaz atanbau qiyn eken. Odan keiın öz-özıme kele almai bıraz jürdım. Aldaǧy uaqytta jıbergen qatelıkterımdı qaitalamauǧa tyrysamyn. Qazır tek şükırşılık etemın. Keiın aǧaiyn-tuystarym, dostarym, janküierlerım köŋıl-küiımdı köterıp, qoldau bıldırdı. Älı-aq jeŋıske jetetınıme sendırdı. Kümıs te jülde ekendıgıne, myqtylardyŋ saiysynan ozyq şyqqanyma şükırşılık etemız. London olimpiadasynan alǧan äserım mäŋgı esımde qalady.
–Jarystan keiın qyzdar tarapynan mazalauşylar köp pe? Ondaida ne dep jauap beresız?
Ainūr SALAMATOVA, EŪU studentı
–Jalǧyz qyzdar ǧana emes, janküierlerım, el aǧalary habarlasyp, qūttyqtady. Köbısı aq tılekterın jaudyryp jatady. Ondaida men de öz tarapymnan alǧysymdy bıldıremın. Köşede de tanyp suretke tüsuge şaqyrady. Ondaiǧa eş qarsylyǧym joq. Mūnyŋ özı men üşın zor quanyş. Menı qoldaǧandary üşın barlyǧyna alǧysymdy aitamyn.
–Ädemı bokstasyp, qarsylas soqqysynan jaltara bıletın erekşelıktı baiqaimyz. Degenmen, keide ringte syrt közge senımsızdeu jürgendei körınıp qalasyŋ. Mūnyŋ sebebı ne?
Nūrman SATENBEKOV, sport şeberı
– Ringke şyqqanymda özıme jüz paiyz senımdı bolamyn. Syrt közge senımsızdeu körınıp jatsam, ol – menıŋ ringte ūstanǧan taktikamnyŋ bırı. Üzdıksız şabuyldaǧan qarsylasymdy kütıp alamyn da, qarymta soqqy jasaimyn. Keide kütıp jüremın dep köp uaqyt ötkızıp alyp, qatelıkke boi aldyryp jatatynym ras.
–Äleumettık jelılerdı qanşalyqty jiı paidalanasyz? Sol kezde sızdıŋ ūltyŋyzǧa qatysty bırqatar talastar bolyp jatty…
Gülsara MANAT, medbike
–Solai ma? Ondaidy estımeppın. Ūltym – qazaq. Özbekstannyŋ Nökıs qalasynda tūrǧanymyz ras. 2002 jyly öz elımızge köşıp keldık. Qazır otbasymmen Aqtau qalasynda tūryp jatyrmyn. Özım äleumettık jelılerdı köp paidalanbaimyn.
–Bos uaqytyŋyzdy qalai ötkızesız?
Nūrjan KELISOV, qala tūrǧyny
–Bos uaqytym köp bola bermeidı. Qazır jattyǧu jūmystary bastalyp kettı. Eger bos uaqytym bolyp jatsa, ūiyqtaǧandy, futbol oinaǧandy jaqsy köremın. Arasynda dostarymmen kezdesıp tūramyn.
–Olimpiadadan alǧan aqşaŋyzdy qaida jūmsadyŋyz?
Maira ŞARAPAT, student
–Ata-anama berdım.
–Ädılbek balam, olimpiadadaǧy ärbır jekpe-jegıŋdı jıtı baqylap otyrdym. Jeŋısıŋmen qūttyqtaimyn! Qai jekpe-jegıŋ öz köŋılıŋnen şyqty?
Ernar JŪMAŞKE, zeinetker
–Ülken rahmet! Olimpiada oiyndarynyŋ jönı ärqaşan da bölek bolatyny belgılı. Şarşy alaŋdaǧy barlyq aiqasym men üşın öte qiyn boldy. Är kezeŋnen asqan saiyn qarsylastarym da şiryǧa tüstı. Olardyŋ eşqaisysyn «anau myqty, mynau älsız» dep aita almaimyn. Eşqaisysy osal emes. Tek taktikalyq tūrǧydan ädıs qoldanyp, ringte şeberlıkpen jūmys ıstei alsaŋ, kez kelgenın ūtuǧa bolady.
–London Olimpiadasynda töreşılerdıŋ baǧalauyna köŋılıŋız toldy ma?
Temırlan ASPANBEKOV, sport janküierı
–Qarsylasyŋdy aiqyn basymdyqpen ūtpasaŋ, taǧdyryŋdy töreşıler şeşedı degen söz bar ǧoi. Ärı sportşylardyŋ barlyǧy da jaqsy daiyndalǧandyqtan, är jekpe-jek joǧary deŋgeide öttı. Eşqaisysy oŋailyqpen ese jıbergen joq.
–Olimpiadadan alǧan medalıŋızdı qaida saqtaisyz?
Erasyl QAJYHANOV, oquşy
–Üiımde tūr.
–Qaşan üilenesız? Sızdıŋ qiialyŋyzdaǧy aru qandai?
Dinara SADYQ, student
–Şaŋyraq köteru äzırge oiymda joq. Menıŋ qiialymdaǧy aru «Aqylyna körkı sai» qazaqtyŋ qarapaiym qyzy boluy kerek.
Erkejan SÄTIMBEK