Äleumettık tölemder kölemı ūlǧaiyp keledı
Qalalyq mäslihattyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiiasynyŋ kezektı otyrysynda azamattardyŋ jekelegen sanattaryna äleumettık kömek körsetu maqsatynda atqarylyp jatqan jūmystar keŋınen talqylandy.
Osyǧan orai söz alǧan qalalyq Jūmyspen qamtu jäne äleumettık baǧdarlamalar basqarmasynyŋ basşysy Läzzat Äbueva būl mäsele Memleket basşysy Nūrsūltan Nazarbaevtyŋ ünemı nazarynda ekenın eskere kele, Elbasy Joldaularynan tuyndaǧan tapsyrmalarǧa säikes, elordada az qamtylǧan otbasylar men qamqorlyqqa zäru azamattarǧa äleumettık kömek körsetu baǧytynda jüzege asyrylǧan şaralarǧa toqtaldy. Būl rette Astanada halyqqa äleumettık jaǧynan qoldau körsetıp, olardyŋ müddesın qorǧau maqsatynda atqarylyp jatqan jūmys az emes.
– Ötken jyly äleumettık qoldauǧa zäru 75 myŋdai adamǧa 3 295 450 myŋ teŋge kölemınde kömek körsetılse, biyl äleumettık tölemderge 4 231 496 myŋ teŋge bölu közdelıp otyr. Onyŋ teŋ jartysy jergılıktı biudjet qarajaty esebınen tölenedı,- dedı L.Äbueva.
Biudjet qarajaty esebınen «Jergılıktı ökılettı organdardyŋ şeşımı boiynşa azamattardyŋ jekelegen sanattaryna äleumettık kömek» baǧdarlamasynda 2015 jyly azamattardyŋ jekelegen sanattaryna 2 602 820 myŋ teŋge kölemınde äleumettık kömek körsetılmekşı.
Ūly Otan soǧysyndaǧy Jeŋıstıŋ 70 jyldyǧyn merekeleu şeŋberınde jürgızılgen jūmystarǧa da qomaqty qarjy bölınıp, 217 maidanger men solarǧa teŋestırılgen 5 000 adamǧa, sondai-aq tyl eŋbekerlerıne materialdyq kömek körsetılgen. Soǧys ardagerlerı bıryŋǧai kiımmen qamtamasyz etılıp, ūrys dalasynda qaza bolǧan qazaqstandyq jauyngerler jerlengen jerlerge baru üşın äleumettık kömek pen därı-därmek satyp aluǧa, şipajailyq-kurorttyq emdeluge jeŋıldıkter qarastyryldy. Ūly Otan soǧysynyŋ ardagerlerı men solarǧa teŋestırılgender jäne barlyq zeinetkerler, mügedekter men köp balaly analar qalalyq qoǧamdyq kölıkte tegın jol jüru, tısterın aqysyz protezdeu qūqyna ie. Osy jönınde aita kele, basqarma basşysy Astanada az qamtylǧan otbasylardy qoldau maqsatynda atauly äleumettık kömek körsetılıp jatqanyn, sonymen qatar kommunaldyq qyzmetterge, tūrǧyn üi kütımıne arnauly zaŋnamada belgılengen tärtıppen telekommunikasiia jelısıne qosylǧan telefon üşın abonenttık tölemaqynyŋ ūlǧaiuy bölıgındegı bailanys qyzmetterıne tölemderdı töleuge, qaladaǧy resmi merzımdı basylymdarǧa jazyluǧa, monşalarǧa, şaştarazǧa baruǧa aqşalai tölem türınde kömek körsetılıp jatqanyn jetkızdı.
– El ekonomikasy qaryştap damyǧan saiyn halyqtyŋ äleuetı jaqsaryp, tūrmysy tüzelıp keledı. Al, zeinetaqy men äleumettık tölemder mölşerınıŋ kezeŋ-kezeŋımen artuy oǧan dälel bolsa kerek. Būl rette qala basşylyǧy da äleumettık saladan qarjysy men kömegın aiap qalyp jatqan joq. Özge öŋırlerdıŋ jūmyssyz azamattary bızdıŋ qalaǧa kelıp jūmys ıstep, tabys tauyp jür. Osynyŋ özı qalamyzdaǧy äleumettık mäselelerdıŋ oŋ şeşımın tauyp, halyq tūrmysynyŋ jaqsaryp kele jatqanyn körsetedı, – dedı basqarma basşysy.
Demek, ötken jylmen salystyrǧanda biyl elordalyqtarǧa körsetıletın äleumettık kömek kölemı 1 mlrd teŋgege ūlǧaiǧan. Osyǧan qarap-aq, elordalyqtardyŋ jaǧdaiy şyn mänınde jaqsaryp kele jatqanyn aŋǧaru qiyn emes. Äleumettık mäsele oidaǧydai şeşılmeiınşe, eldıŋ tūrmystyq ahualy jaqsarmaityny belgılı. Osyny eskergen qalalyq mäslihattyŋ hatşysy Sansyzbai Esılov aldaǧy uaqytta äleumettık kömektıŋ naqty qamqorlyqqa zäru adamdarǧa körsetıluın myqtap qadaǧalaudy tapsyrdy.
Gülbarşyn ÖKEŞQYZY