Amantai ÄUBÄKIROV, Astana qalasy Işkı ıster departamentınıŋ bastyǧy: Maqsatymyz – Astanany qauıpsız qalaǧa ainaldyru
23 mausym – Qazaqstan polisiiasy künı. Osynau atauly künge orai elordalyq qūqyq qorǧauşylardyŋ bügıngı tynys-tırşılıgı men atqaryp otyrǧan jūmystary jönınde Astana qalasy Işkı ıster departamentınıŋ bastyǧy, polisiia general-maiory Amantai Äubäkırov äŋgımeleidı.
– Amantai Akramūly, Memleket basşysy «Ūlt jospary – bes institusionaldyq reformany jüzege asyrudyŋ 100 qadamynda» polisiialardyŋ aldyna maŋyzdy mındetter qoiyp, ışkı ıster organdarynyŋ qyzmetın jetıldırudı tapsyrǧany belgılı. Osyǧan bailanysty özıŋız basqaryp otyrǧan departament qandai jūmystar jürgızıp jatyr?
– Senımdı qoǧamdyq tärtıp pen qauıpsızdıktı, azamattardyŋ konstitusiialyq qūqyqtaryn, bostandyqtaryn, zaŋdy müddelerın būljytpai saqtau – kez kelgen memlekettıŋ damuyndaǧy ajyramas şarttardyŋ bırı. Qalalardyŋ imidjı säulet jäne mädeni qūndylyqtarymen ǧana emes, qauıpsızdık deŋgeiımen de baǧalanady. Sondyqtan bızdıŋ basty mındetımız – Astanany adamdar üşın ömır süruge eŋ qauıpsız qalaǧa ainaldyru.
Elbasynyŋ tapsyrmasy boiynşa, Jergılıktı polisiia qyzmetı qūrylyp, tiımdı jūmys ıstep jatyr. Qoǧamdyq tärtıptı qorǧau mäselelerı, tūrmystyq qylmysqa qarsy tūru, jol-baqylau qyzmetı, ūsaq qūqyq būzuşylyqqa müldem tözbeuşılık baǧytyndaǧy şarualar da kün tärtıbınen tüsken emes. Polisiia qyzmetkerler jūmysynyŋ nätijesın kriminogendık ahualdyŋ tūraqtaluynan da köruge bolady. Auyr jäne asa auyr qylmystardy aşuǧa qatysty jūmystar būdan da nätijelı bolu üşın elordadaǧy basqa da qyzmettermen tyǧyz bailanys ornatqanbyz.
Sondai-aq, «100 naqty qadam» Ūlt josparyna säikes, Işkı ıster departamentınde Konsultativtı-keŋes organy jūmys ısteitının de atap ötuge bolady. Keŋestıŋ basty mındetı – polisiia men qoǧamnyŋ bailanysyn rettep, ışkı ıster organdary jūmystaryn jetıldırude bırıkken şaralardy atqaru.
Zaŋsyz köşı-qon da baqylauda
– Astana halqynyŋ sany jyl saiyn ortaşa eseppen 45-50 myŋ adamǧa köbeiıp otyrady. Mūndai belsendı migrasiialyq jaǧdai qylmystyŋ köbeiuıne qanşalyqty äser etedı?
– Älbette, elordadaǧy köşı-qondy baqylau jäne zaŋsyz köşı-qonǧa qarsy ıs-qimyl jasau – özektı mäsele. Osyǧan bailanysty Astanada köşıp keluşılerge baqylau jasaudyŋ naqty jüiesı qalyptasqan. Ünemı jedel-aldyn alu şaralaryn jürgızudıŋ nätijesınde jyl basynan berı köşı-qon zaŋnamasyn būzǧany üşın 4 myŋnan astam şetel azamaty äkımşılık jauapkerşılıkke tartyldy. Onyŋ ışınde 1 myŋy sot tärtıbınde elımızdıŋ aumaǧynan şyǧaryldy.
Keibır qūrylys kompaniialary arzan jūmys küşın paidalanu üşın zaŋsyz äreketke barady. Būl mäsele de eskerusız qalmai, qūrylys kompaniialaryn tekseru boiynşa nysanaly ıs-şaralardyŋ tiıstı jospary äzırlendı.
Astana qalasynyŋ Işkı ıster departamentı köşı-qondy baqylau, oiyn-sauyq mekemelerınıŋ jūmys rejimın retteu, köşe-jol jelılerın jetıldıru, tūraq oryndary mäselelerı boiynşa Astana qalasynyŋ äkımdıgıne bırqatar ūsynystar engızdı.
Beinekameranyŋ kömegımen 120 qylmys aşylǧan
– Elorda tırşılıgın qamtamasyz etıp, qauıpsızdıgın arttyra tüsu maqsatynda bas şaharda «Aqyldy Astana» jobasy qolǧa alynyp, sonyŋ aiasynda bırtalai auqymdy jūmystar qolǧa alynǧany belgılı. Aitalyq, «İntellektualdyq kölıktık jüie» boiynşa qalada beinekameralar ornatyldy. Būl qondyrǧylardyŋ qylmysty aşuǧa, oǧan küdıktı azamattardy ūstauǧa qanşalyqty kömegı tiıp jatyr?
– İä, qoǧamdyq tärtıptı qamtamasyz etetın salaǧa da innovasiialyq jobalar engızılıp, qauıpsızdıktı arttyrudyŋ jaŋa tetıkterı qolǧa alyndy. Sonyŋ bırı – özıŋız aityp otyrǧandai, beinekameralar. Bügıngı künı qalada 800-ge juyq beinekamera bar. Osyndai qondyrǧylardyŋ sany jyl saiyn köbeiıp keledı. Beinekameralardyŋ kömegımen aǧymdaǧy jyldyŋ basynan bastap 120 qylmys aşylyp, 24 myŋǧa juyq äkımşılık qūqyq būzuşylyq anyqtaldy jäne 9 myŋnan astam jol jüru erejesın būzu oqiǧasy tırkeldı.
Qūqyq qorǧau salasyndaǧy innovasiialyq jobalar mūnymen ǧana şektelmeidı. Kölık aǧymyn retteudı jaqsartu jäne kölık keptelısın azaitu maqsatynda «Aqyldy baǧdarşam» jobasy engızıldı. Būl jüie avtomatty rejimde jūmys ısteidı. Iаǧni, qai jolda keptelıs köp, baǧdarşam soǧan qarai retteledı. Osy joba joldaǧy kölık jüktemesın azaituǧa septıgın tigızıp tūr.
Halyqtyŋ senımı polisiianyŋ pärmenın körsetedı
– Polisiia qyzmetkerlerınıŋ qadır-qasietın arttyru, imidjın qalyptastyru, bedelı men bılıktılıgın köteru baǧytynda atqarylyp jatqan jūmystar jönınde de aita ketseŋız?
– Polisiianyŋ qanşalyqty pärmendı ekenı oǧan degen halyqtyŋ senımınen baiqalatyny ras. Sondyqtan polisiia qyzmetkerı jeke tūlǧalyq qasietı jaǧynan da, käsıbi deŋgeiı tūrǧysynan da mamandyǧyna laiyq boluy tiıs. Osy maqsatta ümıtkerlerdı qyzmetke qabyldau jäne olardyŋ käsıbi deŋgeiın köteru, jeke qūramnyŋ arasynda tärtıp pen zaŋdylyqty nyǧaitu, jemqorlyqpen küresu, qyzmetkerlerdıŋ qyzmettık-atys daiyndyq deŋgeiın arttyru boiynşa keşendı ıs-şaralar jürgızılude. Aitalyq, bızde tälımgerlık instituty qyzmet atqarady. Onda täjıribesı mol qyzmetkerler jas ızbasarlaryna jan-jaqty praktikalyq, metodikalyq jäne moraldyq kömek körsetedı.
Polisiialarǧa şet tılın üiretetın arnaiy oqu kurstary da bar. Kurs aiaqtalysymen qyzmetkerler tiıstı sertifikattarǧa ie bolady.
Bızdıŋ mamandar qaiyrymdylyq, merekelık şaralarǧa da belsendı atsalysady. Mūnyŋ bärı halyqtyŋ polisiiaǧa degen senımın arttyru maqsatyn közdeidı.
Ärıptesterımızdıŋ arasynda adam ömırın qūtqaryp, erlık körsetıp jürgender de bar. Atap aitqanda, Jergılıktı polisiia qyzmetınıŋ polisiia starşinasy Maral Tūrǧymbaev pen polisiia serjanty Erbolat Ryspekov Qazaqstan
Respublikasy Prezidentınıŋ Jarǧysymen «Aibyn» III deŋgeilı ordenımen marapattaldy. Būl ekı polisiia qyzmetkerı qarulanǧan qylmyskerdı qūryqtau barysynda oq jaraqattaryn alǧan bolatyn. Sonymen qatar, «Erlıgı üşın» memlekettık nagradasymen Astana qalasy IID jergılıktı polisiia qyzmetınıŋ jol patruldık qyzmet polkınıŋ polisiia aǧa serjanty Baǧlan Qarymbaev marapattaldy. Ol dene jaraqattaryna qaramastan, öz ömırın qauıpke tıgıp, ızdeudegı qylmyskerdı toqtata bıldı. Būl jūmysqa qūqyq qorǧau baǧytyndaǧy qoǧamdyq qūrylymdar tügeldei jūmyldyryldy, olardyŋ kömegımen 300-den astam äkımşılık qūqyq būzuşylyq anyqtaldy.
Mıne, öz qyzmetıne adal, käsıbi deŋgeiı joǧary mūndai azamattarymyz – bızdıŋ maqtanyşymyz.
– 23 mausym – Qazaqstan polisiiasy künı. Merekege orai ärıptesterıŋızge aitar tılegıŋız?
– Ärıptesterımdı jäne ışkı ıster organdary ardagerlerın käsıbi merekesımen qūttyqtaimyn! Olarǧa zor densaulyq, eŋbegınde mol tabystar tıleimın. İä, polisiia qyzmetkerı bolu – oŋai emes, bıraq būl mamandyq – qasterlı de abyroily käsıp. Elbasy bızdıŋ aldymyzǧa Astanany eŋ qauıpsız qalaǧa ainaldyru mındetın qoiyp otyr. Būl maqsatqa jetu üşın ärbır polisiia öz mamandyǧyna laiyq, jauapkerşılıgı joǧary boluy kerek. Sondyqtan Astana qalasynyŋ poliseilerı qylmystyq jolǧa barynşa tosqauyl qoiyp, Otanymyzdyŋ astanasynda ülgılı qoǧamdyq tärtıptı qamtamasyz etetınıne senım bıldıremın! Söz oraiynda bızge ünemı qolǧabys körsetıp, qylmystyŋ aldyn aluǧa septıgın tigızıp jürgen belsendı qala tūrǧyndaryna alǧysymdy aitamyn. Bız azamattarmen bailanys ornatuǧa ärdaiym daiynbyz. Departamenttıŋ barlyq bölınısterınde senım telefondary jūmys atqaratynyn taǧy bır esterıŋızge salǧym keledı.
Äzırlegen:
Qymbat TOQTAMŪRAT