Elordalyq Işkı ıster departamentı keibır köşelerden jyldamdyq ölşeitın «Vokord-Siklop» apparatty-baǧdarlamalyq keşenderın alyp tastady.
«Būl qūrylǧylardy şahardaǧy jol-kölık oqiǧalaryna bailanysty ahualdy taldau maqsatynda ornatqan edık. Bügınde atalmyş qondyrǧylardy qaladaǧy jol-kölık oqiǧalary az jasalatyn uchaskelerden şeşıp, apattyq jaǧdai jiı bolatyn jerlerge ornalastyrdyq» dep tüsındırdı Astana qalasy Işkı ıster departamentınıŋ baspasöz hatşysy Sofia Qylyşbekova.
Vedomstvo ökılınıŋ aituynşa, qūrylǧyny ornatu jūmystary kürdelı bolmaǧandyqtan, olardy joldardyŋ basqa uchaskelerıne auystyru qiynǧa tüspeidı.
Bügınde mūndai jyldamdyq ölşegışter özderınıŋ tiımdılıgın körsetıp otyr. «Vokord-Siklop» keşenderı biylǧy aqpannyŋ soŋynda ıske qosylyp, 230 million teŋge kölemındegı 9300-den astam jol erejesın būzu faktılerın anyqtady. Jalpy, jyl basynan berı qaladaǧy foto jäne beine qūrylǧylar arqyly 500 million teŋge kölemınde 23 myŋ ereje būzu oqiǧalary tırkeldı.
Aita keteiık, būl sūr tüstı qūrylǧylar ötken jyly testılık rejimde jūmys ıstedı. Biyl aqpan aiynda osyndai 21 apparat ıske qosyldy.
Botagöz MARATQYZY
