Astana qalasynda zamanaui qūrylǧylarmen jabdyqtalǧan özgeşe avtotūraqtar salynbaq. «Astana Innovations» AQ mälımetı boiynşa, aqyldy avtotūraqtar synamaly joba retınde biyl jüzege asyryla bastaidy.
Avtotūraqtar arnauly aqparattyq taqtalarmen jabdyqtalady. Kölık ielerı sol arqyly tūraq, tarif jäne tūraq üşın töleu tärtıbın paidalanu jönındegı mälımetterge qanyǧa alady. Mamandardyŋ aituynşa, avtotūraqtar, negızınen, äkımşılık-ıskerlık ǧimarattardyŋ maŋaiynda, sauda ortalyqtardyŋ aldynda boi köteredı. Eŋ alǧaşqylary Saryarqa, Seifullin, Ǧabdullin, Baraev köşelerınde salynady.
Būl joba 2013 jyly Astana qalasy äkımdıgı men «VINCI Construction Grands Projets» kompaniiasy arasynda jürgızılgen tūraq salu önerkäsıbın damytu jönındegı yntymaqtastyq memorandumy negızınde jüzege asyrylyp otyr. Kelısımge säikes elordanyŋ sol jaǧalauynda üş avtotūraq qūrylysy bastaluǧa tiıs. Sondai-aq, Astananyŋ Bas jospary boiynşa, biyl «Samal» şaǧyn audanynda jetı qabatty jabyq tūraq salu josparlanǧan.
Jūldyz JAQYPOVA,
Euraziia ūlttyq universitetınıŋ 1-kurs studentı
