«Astana qalasynyŋ äkımı Äset İsekeşev Esıl audanyndaǧy bırqatar infraqūrylymdyq jäne äleumettık nysandardy aralady» dep habarlaidy qala äkımınıŋ resmi saity.
Bırınşı kezekte ol at basyn «Prigorodnyi» tūrǧyn üi alabyna tıredı. Tūrǧyn üi alabynyŋ tūrǧyndary äkımge mektep, emhana siiaqty äleumettık nysandardyŋ, saiabaqtar men gül baqtary siiaqty demalys oryndarynyŋ, tūraqtardaǧy oryndar men baǧdarşamdardyŋ jetkılıksız ekenın aitty. Osy mäselelerdıŋ tez arada şeşımın tabuy üşın Äset İsekeşev Tabiǧi resurstar jäne tabiǧatty paidalanudy retteu, säulet jäne qala qūrylysy men jolauşylar kölıgı basqarmalaryna, «Astana äleumettık käsıpkerlık korporasiiasyna» būrylu alaŋy keŋ gülzarlar qūrylysynyŋ naqty josparyn äzırleudı tapsyrdy.
Būdan keiın qala äkımı Ürker tūrǧyn üi alabynyŋ tūrǧyndarymen kezdestı. Mūnda joldar men injenerlık jelılerdıŋ qūrylysyn aiaqtauǧa qatysty mäseleler qaraldy. Osy rette Äset İsekeşev mektep janyndaǧy köşelerdı jaryqtandyru, jyly aialdamalardy ornatu, jaiau jürgınşılerge arnalǧan joldar saludy jedeldetıp, 2, 3, 4 kezektegı jūmystardy jyl soŋyna deiın aiaqtaudy tapsyrdy.
Tūrǧyndar äkımnen eldı mekende «Sergek» beinebaqylau jüiesı kameralarynyŋ ornatyluyn, jastarǧa arnalǧan aula klubtarynyŋ jasaqtaluyn, medisina jäne bılım beru salasynda jūmys ısteitın mamandar üşın jataqhana saludy sūrady.
Jaǧalau şaǧyn audany tūrǧyndary qala basşysyna medisinalyq ortalyqtyŋ azdyǧy men avtokölık tūraqtarynyŋ jetkılıksızdıgın jäne basqa da mäseleler töŋıregınde öz oilaryn aitty.
