Astana qalasyndaǧy №24 mektepte ūlttyq oiyn – asyq atudan Euraziia kubogyna ırıkteu chempionaty öttı. Oǧan Saryarqa, Almaty, Baiqoŋyr jäne Esıl audanynyŋ qūrama komandalary qatysty.
Ūlttyq oiyndy meŋgergen 70-ke juyq qatysuşy asyqty 1 metr qaşyqtyqtan közdep atu boiynşa baq synady. Saqalaryn sailap kelgenderdıŋ arasynda alpysty alqymdaǧan ardagerler de boi körsettı. Al eŋ jas qatysuşy – 14 jasta.
– Asyq atu sport türı retınde el kölemınde ǧana emes, älem deŋgeiınde dami bastady. 2022 jyly jeltoqsan aiynda Astana qalasynda Aziia chempionatynyŋ ötuı dälel bolady. Būl bäsekelı turnirge 10 elden 100-ge juyq sportşy keldı. Euraziia kubogy – abyroiy biık turnir. Oǧan jüzden jüirık, myŋnan tūlpar sportşylardy ırıkteimız, – dedı sportty olimpiadalyq emes türlerı boiynşa damytu direksiiasynyŋ» baspasöz hatşysy Aidana Jeŋısbaeva.
Talap boiynşa jarys ekı kezeŋnen tūrdy. Iаǧni, üş jäne tört qatysuşydan qūralǧan komanda jasaqtap, tızılgen asyqqa tigızıp, şeŋber ışınen şyǧaruy tiıs.
Däldık pen qyraǧylyqty talap etetın oiynda özınıŋ qabıletımen körıngen Oralbek Aqtıleuov, Sūltan Jailaubek, Nūrasyl Myrzaly bırınşı orynnan körındı. Jüldegı ekınşı oryn Myrzamūrat Qaiypbekov, Aidyn Jasūzaqqa, üşınşı oryn Janbolat Jambyl, Dastan Amangeldı, Toqtar Studentūlyna būiyrdy.
Qyzdar arasynda Qūralai Beisenbai, Aqniet Törehan, Alma Tulenova daralandy. Ekınşı orynnan Kamila Daniiarova, Möldır Fazylova, al üşınşı orynnan Balmira Bekbolsynova, Saida Sarkina, Aiǧanym Tukenovaǧa körınıp, Astana qalasy sport jäne dene şynyqtyru basqarmasy daiyndaǧan gramotalar men syilyqtarǧa ie boldy.
