Elordadaǧy Qazaq ūlttyq horeografiia akademiiasynda Ūlttyq qūryltai müşesı, Ūlttyq ǧylym akademiiasynyŋ akademigı, Astana qalasy Qoǧamdyq keŋesınıŋ müşesı Kärımbek Qūrmanälievpen «Jalpyūlttyq qūndylyqtar» taqyrybynda jastarmen kezdesu öttı.
Künı keşe Atyrauda ötken Ūlttyq qūryltaidyŋ üşınşı otyrysy bılım aluşylarmen kezdesudıŋ negızgı özegı retınde taŋdaldy. «Adal adam – Adal eŋbek – Adal tabys» atty Memleket basşysy Qasym-Jomart Toqaevtyŋ töraǧalyǧymen ūiymdastyrylǧan auqymdy jiyn jas buyn üşın ūlttyq qūndylyqtarymyzdyŋ maŋyzyn aiqyndap berdı. Ūlttyq qūryltaida köterılgen adami qasietterdı ūrpaq boiyna sıŋıru – atalmyş kezdesudıŋ basty maqsaty.
Kezdesude professor Kärımbek Qūrmanäliev memlekettıŋ bäsekege qabılettı boluynda jalpyūlttyq qūndylyqtarǧa basa män beretın ūrpaqty qalyptastyru maŋyzy turaly keŋırek söz qozǧady.
«Eŋbekqorlyq, bılımpazdyq jäne adami qasietter sekıldı jalpyūlttyq qūndylyqtardy ūlyqtaityn sanaly ūlt tūtas eldıŋ damu küşıne ainalady. Adal eŋbek saltanat qūrǧan qoǧamda ǧana ädılettı Qazaqstan ornaidy. Jastarymyz diplom aluǧa emes, jaqsy maman boluǧa ūmtyluy kerek. Bılıktı kadr atanu üşın eŋbek etpei, maŋdaidan ter tökpei, maqsatqa jetudıŋ mümkındıgı joq. Elım maǧan ne bere alady dep emes, men elım üşın ne bere alamyn deitın Alaş balasynyŋ tüptıŋ-tübınde maŋdai terımen tapqan adal eŋbegınıŋ nany tättı bolmaq. Jastar önerdı ǧylymi deŋgeide zertteuge ūmtylǧany abzal. Sebebı önerdıŋ de älı aşylmaǧan qyry köp. «Ondai bolmaq qaida dep, aitpa ǧylym süiseŋız…» degen ūly Abaidyŋ ılımı «Adal eŋbek» konsepsiiasyn jan-jaqtan aşyp körsetedı. Ūrpaq tärbiesı otbasynan bastalady. Sondyqtan är ata-ana eŋbekke bauludyŋ män-maǧynasyn ūǧyndyryp qana qoimai, ıs jüzınde balalaryna körsete bıluı qajet» dedı öz sözınde akademik.
«Kelısıp pışken ton kelte bolmas» deidı dana halqymyz. Ūlttyq qūryltai osy tämsıldıŋ negızıne qūrylǧany sözsız. Bükıl eldı bırıktıretın alqaly jiynnyŋ maŋyzy jaiynda öner oşaqtarynyŋ bılım aluşylary da qalys qalmai, bıluge, tüsınuge ūmtyluy quantady. Qazaq ūlttyq horeografiia akademiiasynyŋ rektory Bibıgül Nüsıpjanova önerdıŋ biıgıne talmai eŋbek etudıŋ arqasynda jetuge bolatynyn basa aitty.
– Ūlttyq qūryltai men ūlttyq qūndylyqtar taqyrybynda ötken, sūraq-jauap formatynda örbıgen ıs-şara jastar üşın öte qyzyq boldy. Qūryltai şaqyru – erteden kele jatqan ata dästürımız. Babalarymyz maŋyzdy mäselelerdı osyndai alqaly jiynda talqylaǧan. Halyq özara aqyldasyp, bır şeşımge kelgen. Osynyŋ negızın akademik Kärımbek Qūrmanäliev jattandy sözdermen emes, öz täjıribesınen mysaldar keltıre otyra, jaqsy jetkızdı. Otanşyl, elın, öz ısın süietın jandardyŋ boiynda eŋbekqorlyq qasietı bırınşı tūrady, – dedı B.Nüsıpjanova.
Kezdesuge akademiianyŋ studentterı, kolledj bılım aluşylary jäne mektep oquşylary qatysyp, taqyrypqa qatysty özderın tolǧandyrǧan sūraqtardy qoidy. Is-şara soŋynda akademiia atynan spikerge qazaq bi önerınıŋ padişasy Şara Jienqūlova turaly oqu orny şyǧarǧan tuyndy estelıkke tartu etıldı.
