Keşe Täuelsızdık saraiynda Qazaqstannyŋ VI Azamattyq forumy öz jūmysyn aiaqtady. Mädeniet jäne aqparat ministrlıgı men Qazaqstannyŋ Azamattyq aliansy ūiymdastyrǧan şara ekı künge sozyldy. Alqaly jiynda «Memleket basşysy Nūrsūltan Nazarbaevtyŋ «Qazaqstan-2050» strategiiasy aiasyndaǧy azamattyq qoǧam jäne zamanaui syn-qaterler» taqyryby keŋınen talqylandy. Forumǧa elımızdıŋ är öŋırınen jinalǧan ırı ükımettık emes ūiymdardyŋ jetekşılerı, Ükımetttıŋ, Prezident äkımşılıgınıŋ , sondai-aq ortalyq memlekettık organdardyŋ jäne halyqaralyq ūiymdardyŋ ökılderı qatysty.
Jiynnyŋ jalpy otyrysyn aşqan Qazaqstannyŋ Azamattyq aliansynyŋ basşysy Nūrlan Erımbetov 2003 jyldan berı dästürlı türde ūiymdastyrylyp kele jatqan atalmyş forumǧa bügınde şeteldık jäne halyqaralyq ūiymdar nazar audaryp, qyzyǧuşylyq tanytatynyn aitty. «Sondyqtan bügıngı basqosuymyzǧa Ortalyq Aziia aimaǧy elderınıŋ delegasiialary, atap aitqanda, Täjıkstan, Türkımenstan, Özbekstan jäne Qyrǧyz memleketınıŋ ükımettık emes ūiymdarynyŋ ökılderı de kelıp qatysuda» dedı ol.
Jalpy, ekı jylda bır ötkızıletın Azamattyq forum memlekettık organdar men ükımettık emes ūiymdardyŋ özara pıkır alysatyn aşyq alaŋyna ainalyp keledı. Jiynda söz söilegen premer-ministrdıŋ bırınşı orynbasary Baqytjan Saǧyntaev Qazaqstandaǧy «üşınşı sektordyŋ» damuy turaly jäne olarǧa Ükımet tarapynan körsetıletın qoldau jönınde atap öttı. «Azamattyq qoǧam sektorlaryna qoldau körsetu aldaǧy jyldary da jalǧasady. Daiyndalǧan «Ükımettık emes ūiymdardy memlekettık qoldau turaly» zaŋ jobasyn talqylauǧa «üşınşı sektor» da belsene qatysady degen senımdemın. Būl forum memlekettık organdar men ükımettık emes ūiymdardyŋ jüielı jūmys ısteuıne jaŋaşa serpın beredı» dedı Premer-ministrdıŋ bırınşı orynbasary.
Plenarlyq otyrysta QR Prezident äkımşılıgı jetekşısınıŋ orynbasary Baǧlan Mailybaev söz söiledı. Ol ükımettık emes ūiymdar elımızdegı eŋ qarqyndy damuşy instituttardyŋ bırı ekenın aita kele, Elbasynyŋ «Qazaqstan-2050» strategiiasyn jüzege asyruǧa Azamattyq qoǧam üles qosatynyn jetkızdı. «Strategiianyŋ basty missiiasy – otyz damyǧan eldıŋ qataryna qosylu. Būl memleket pen qoǧamnan jauapkerşılık pen bırlesken yntymaqtastyqty talap etedı» dedı ol.
Alqaly basqosuda normativtık qūqyqtyq bazany jetıldıru mäselesı talqylandy. Sonymen qatar, «Atameken odaǧy» Qazaqstannyŋ ūlttyq ekonomikalyq palatasy basqarma töraǧasynyŋ orynbasary Raqym Oşaqbaev, mädeniet jäne aqparat vise-ministrı Arman Qyryqbaev, saiasattanuşy Dos Köşım jäne elımızdıŋ är öŋırınen kelgen delegattar söz söiledı.
Azamattyq forum aiasynda ükımettık emes ūiymdar men bırlestıkter ökılderı elımızdıŋ ministrlıkterı men vedomstvolarynyŋ basşylarymen de kezdestı. Kezdesu barysynda memlekettık organdar men ükımettık emes ūiymdar arasynda keleşektegı jūmys arnalary turaly sūraqtar talqylandy. Al, forumnyŋ ekınşı künı arnaiy taqyryptyq seksiialar ūiymdastyryldy. Onda memleket pen ÜEŪ-nyŋ özara qyzmetınıŋ zaŋdyq negızderın jasau, halyqaralyq ükımettık emes ūiymdarmen yntymaqtastyq ornatu, qoǧam aldynda esep beru tetıkterı men qaǧidalaryn damytu mäselelerı qarastyryldy.
Forum soŋy azamattyq qoǧam qalyptastyruǧa sübelı üles qosqan ükımettık emes ūiymdardyŋ dästürlı «Tanym» syilyǧyn saltanatty tapsyru räsımıne ūlasty.
Jannet KLETSER,
EQYŪ-nyŋ Qazaqstandaǧy ortalyǧy jetekşısınıŋ orynbasary:
–Qazaqstanda ükımettık emes ūiymdar qarqyndy damyp keledı. Olardyŋ qyzmetın jandandyruǧa memleket tarapynan qoldau körsetılude. Būǧan ükımettık emes ūiymdardyŋ memlekettık äleumettık tapsyrys boiynşa oidaǧydai jūmys ıstei bastaǧanyn aituǧa bolady.
Jaqsygül MAHANBETOVA,
Maŋǧystau oblysy aliansynyŋ töraiymy:
Ükımettık emes ūiymdardy damytu – maŋyzdy mäsele. Bızdıŋ jūmysymyz «Qazaqstan-2050» strategiialyq baǧdarlamasynda körınıs tapqan. Osy qūjatta qoǧamdyq ūiymdardyŋ maŋyzdylyǧyna qanşalyqty köŋıl bölıngenın köruge bolady. Strategiialyq maŋyzy zor qūjatta körsetılgen qoǧamdyq ūiymdardyŋ jūmysyna qoldau körsetu – kez kelgen problemaǧa nemqūraily qarai almaityn ärbır azamattyŋ mındetı.
Aslan DABYLOV,
«Jaŋa ömır» belsendılıkke beiımdeu ortalyǧynyŋ töraǧasy:
Mümkındıgı şekteulı jandar kez kelgen qamqorlyqqa, meiırımge zäru ekenın bılesızder. Jaqynda Tūŋǧyş Prezident qorynyŋ bastamasy aiasynda bızdıŋ qoǧamdyq bırlestık arnauly joba boiynşa jeŋımpaz atandy. «Jaŋa ömırde» bes klub jūmys ısteidı. Olarda mümkındıkterı şekteulı jandarǧa arnalǧan türlı üiırmeler bar. Osy uaqytqa deiın ūiym jaqsy nätijelerge qol jetkızdı.
Täbiia JANMURZİNA,
«Iltipat» qoǧamdyq bırlestıgınıŋ töraiymy:
Azamattyq ūiymdar – bilık pen halyq arasyndaǧy altyn köpır. Ükımettık emes ūiymdardyŋ rölı jyldan-jylǧa artyp keletının aitu kerek. Olar tek qana ırı qalalar ǧana emes, auyldy jerlerde de jūmys ıstep, halyqqa järdem berude. Ärı ükımettık emes ūiymdar men memleket arasyndaǧy ärıptestık qarym-qatynas qalypty damyp keledı dep aituǧa bolady.
Gülmira ŞARHANQYZY
