Baǧytymyz – Birlik pen bereke
Birligi jarasqan eldiŋ alǧa qoiǧan maqsaty aiqyn boluy zaŋdy. Elbasy N.Nazarbaevtyŋ «Äleumettik- ekonomikalyq jaŋǧyrtu – Qazaqstan damuynyŋ basty baǧyty» dep atalatyn Qazaqstan halqyna Joldauy aldaǧy jylda elimizdiŋ qaryştap damuynyŋ kepili bolmaq. Joldaudyŋ basty erekşeligi – dünieni dürbeleŋge salǧan daǧdarystan demikpei şyǧyp, damudyŋ daŋǧyl jolyna bet būruǧa jol silteui. Keşegi saiyn dalanyŋ qat-qat qabatynyŋ qolqasyna qolyn tyqqan dürmekti kezeŋ dübirlileriniŋ ziialy qauymy da Joldauǧa zor baǧasyn berdi.
Sondai-aq, Joldauda auyl şaruaşylyq, infraqūrylym, industriialyq-innovasiialyq damu, eldi-mekenderdi jöndeu jäne qoljetimdi baǧamen tūrǧyn üilerdi ielenu mäselelerine erekşe nazar audaryldy. Äkimderge jergilikti jerlerdegi jūmyssyz adamdardy jūmys ornymen qamtamasyz etu tapsyrmasy jükteldi. Ol üşin jaŋa mamandyq ielerine biudjetten arnaiy qarajat bölinetin boldy. Olardy arnaiy oqytu isine köŋil bölu mäselesi basa aityldy. Būl jūmyssyzdyqpen küresuge yqpal etetini anyq.
Al, «qoljetimdi baspana» mäselesi otbasylardy tūrǧyn üimen qamtamasyz etip qana qoimai, otandyq qūrylys salasy üşin jaŋa mümkindikter beredi jäne de qanşama jūmys ornyn aşyp, bizneske köptegen mümkinşilik beredi.
Joldaudaǧy keleli mäseleniŋ biri – bilim beru jüiesine qatysty reforma. Bilim beru, bilikti kadr daiarlau mäselesi, bäsekelestikke qabiletti, halyqaralyq deŋgeidegi biliktiligi joǧary mamandardy daiarlau, adam kapitalyn qalyptastyru zor mänge ie. Talai qūrsauly şeŋgelden sytylyp kele jatqan elimizdiŋ keleşegi, eŋ aldymen, bilim men ǧylymǧa bailanysty bolmaq. Sondyqtan, ata-babalarymyz «bilekke sengen zamanda eşkimge ese bermese», myna biz «bilimge sengen zamanda qapy qalyp jürmelik».
Qiyn kezeŋderdiŋ sulyǧyn serpip tastap, bolaşaqqa nyq senimmen qadam basqan elimizdiŋ täuelsizdiktiŋ üşinşi onjyldyǧynda alar asulary, baǧyndyrar belesteriniŋ artuy tikelei jastarǧa qatysty mäsele dep bilemin. Aldyŋǧy buyn aǧalar jasaǧan daŋǧyl joldy jalǧastyru myna bizge, keiingi buynǧa amanat. El amanat, jer amanat, din men til, täuelsizdik amanat. Al, amanatqa qiianat – qasiret.
İgilik bastauy ärqaşan birlik bolmaq. Sondyqtan, jyl saiyn maqsattardy aiqyndaityn Joldaudaǧy josparlardy oryndauda birlik pen bereke tanytaiyq. Osy künge deiin «tiri bolu üşin bir bolsaq», endigi kezekte «iri bolu üşin bir bolaiyq».
Symbat MOLDATAI,
L.Gumilev atyndaǧy
Euraziia ūlttyq universitetiniŋ studenti