Astana künınıŋ on jyldyq merekesınde bastau alǧan V halyqaralyq «Şattyq» jas talanttar festivalı kezektı ret şymyldyǧyn türedı.
Än dodasynda Qazaqstan, Resei, Qyrǧyz Respublikasy, Özbekstan, Täjıkstan, Gruziia, Äzerbaijan, Belarus, Saha, Tatarstan, İnguşetiia, Litva, Latviia, Bolgariia, Qytai, Türkiia jäne İzrail elderınıŋ 700-ge juyq balalary bas qosady.
«Şattyq» jas talanttar festivalınde balalar vokal, horeografiia, ūlttyq oryndauşylyq, balalar sän teatry, erekşe janr atalymdary boiynşa öner körsetedı. Būl merekelık şaranyŋ maqsaty – talantty oryndauşylar men ūjymdardy ızdeu, ruhani ärı körkem talǧam qalyptastyru, balalar ūjymdary repertuaryn jaŋartyp, halyqaralyq bailanysty keŋeitu.
Festival ūiymdastyruşysy – Astana qalasy äkımdıgı osy künnıŋ elorda tūrǧyndary men qonaqtarynyŋ esınde qaluy üşın baryn salmaq. Onyŋ üstıne, Astana – Euraziianyŋ mädeni ortalyǧy degen joǧary märtebege ie.
4-6 şılde künderı balalar «Bäiterek» monumentı aldyndaǧy alaŋda öner körsetedı. Qatysuşylarǧa KSRO Halyq ärtısı Bibıgül Tölegenovanyŋ basşylyǧymen halyqaralyq qazylar alqasy baǧa berıp, syilyqtar tabys-taidy.
