Memleket basşysy Nūrsūltan Nazarbaevtyŋ «Nūrly jol – bolaşaqqa bastar jol» atty Qazaqstan halqyna Joldauynyŋ negızgı erejelerın tüsındıru jönındegı respublikalyq aqparat tobynyŋ müşelerı elordadaǧy «Kongress-holl» saraiynda Saryarqa audanynyŋ tūrǧyndarymen kezdesu ötkızdı.
Oǧan Qazaqstan Respublikasy Parlamentı Mäjılısınıŋ deputattary, qalalyq mäslihat deputattary, biudjet salasynyŋ qyzmetkerlerı, mädeniet jäne sport ūiymdarynyŋ basşylary, şaǧyn jäne orta biznes, ükımettık emes ūiymdar ökılderı, käsıpodaqtar keŋesı, sondai-aq, dın qyzmetkerlerı qatysty.
Kezdesudı Saryarqa audanynyŋ äkımı E.Bölekpaev aşty. Aldymen söz alǧan elımızdıŋ qarjy ministrı, respublikalyq aqparat tobynyŋ jetekşısı Bahyt Sūltanov baiypty baǧdarlamanyŋ basym baǧyttary turaly aita kele, Elbasy Joldauyndaǧy negızgı jetı baǧyttyŋ ärqaisysyna kölık-logistikalyq infraqūrylymdy nyǧaityp, ǧylymdy örıstetu, energetika, tūrǧyn üi infraqūrylymdaryn damytu mäselelerıne jeke-jeke toqtaldy. Olardyŋ ışınde, äsırese, äleumettık infraqūrylymdy damytu mäselesın erekşe atap ötken ministr būl sala boiynşa bölıngen qarjylardyŋ dūrys igerıluı jönınde baiandady. Onyŋ aituynşa, aldaǧy jylda elımızde 67 jaŋa mektep paidalanuǧa berılıp, studentterdıŋ stipendiiasy 25 paiyzǧa, densaulyq saqtau salasy qyzmetkerlerınıŋ jalaqysy 28 paiyzǧa jäne mūǧalımderdıŋ jalaqysy 29 paiyzǧa ösedı. Äleumettık sala qyzmetkerlerınıŋ de eŋbekaqysy joǧarylap, järdemaqylardyŋ kölemı de artady.
– Elımızdegı şaǧyn jäne orta biznes zor äleumettık röldı atqaryp qana qoimai, sonymen qatar biudjetke eleulı salyq tüsımderınıŋ tüsuın qamtamasyz etedı. Damyǧan elderde şaǧyn jäne orta biznes ülesınde jalpy ışkı önım kölemınıŋ qyryq paiyzdan toqsan paiyzǧa deiın keledı. Ökınışke orai, Qazaqstanda osy körsetkış otyz paiyzdan da tömen. Alaida, soŋǧy jyldary ol aitarlyqtai arta tüstı. Onyŋ üstıne elımızde orta jäne ırı käsıpkerlıktı damytu maqsatynda memleket ärtürlı qoldau körsetıp jatyr, – dedı B.Sūltanov.
Odan ärı respublikalyq aqparat toptyŋ müşesı, Qazaqstan Respublikasy Parlamentı Senatynyŋ deputaty Vladimir Redkokaşin eldegı tynyştyqtyŋ, ūlttar arasyndaǧy auyzbırşılık pen bırlıktıŋ maŋyzdylyǧy turaly äŋgımelei otyryp, tūraqtylyqty baǧalai bılgenımızdıŋ arqasynda bügıngı tabystarǧa jetkenımızdı, bızdıŋ keiıngı ūrpaqqa amanattar eŋ basty bailyǧymyz da osy eldıŋ bırlıgı boluy kerektıgın eskerttı.
Qazaqstan Respublikasy Densaulyq saqtau jäne äleumetttık damu ministrlıgı äleumettık qyzmetter departamentınıŋ direktory Ajar Töleǧalieva jaŋa saiasat ekonomikamyzǧa serpılıs beretının eskere otyryp, osy baǧdarlamany jüzege asyruda astanalyqtardyŋ ülesı zor bolatynyna senım bıldırse, QR Parlamentı Mäjılısınıŋ deputaty Svetlana Qadyralieva Prezidenttıŋ jürgızıp otyrǧan saiasatyn, onyŋ strategiialyq mındetterın şeşuge baǧyttalǧan bastamalaryn qoldai
otyryp, ärbır qazaqstandyqty Joldau jüktegen mındetterdı jüzege asyruǧa bırlese atsalysuǧa şaqyrdy.
Gülbarşyn ÖKEŞQYZY
