Keşe Astana qalalyq mäslihatynyŋ Qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiianyŋ otyrysynda bırqatar basqarmalardyŋ 2017-2019 jyldarǧa arnalǧan biudjetı talqylandy. Biudjet jobasymen elordalyq Ekonomika jäne biudjettık josparlau basqarmasynyŋ basşysy Älıbi Jūmaev tanystyrdy.
Qaladaǧy avtomobil joldarynyŋ qalypty qyzmetın qamtamasyz etu maqsatynda aldaǧy üş jylǧa 13 272,5 mln teŋge bölu josparlandy. Būǧan qala köşelerındegı joldardy jöndeu kırıp otyr. Qaladaǧy kölık infraqūrylymynyŋ damuy erekşe nazarǧa alyndy. Jaqyn üş jyldaǧy kezeŋde atalmyş jūmysqa 67 240, 5 mln teŋge qarastyryldy.
Būl qarjy būryn bastalǧan bırneşe jobany jüzege asyrudy jalǧastyruǧa baǧyttalady. Atap aitsaq, kışı ainalma jolynyŋ qūrylysyna, tūrǧyn alaptarda joldar men injenerlık jelılerdıŋ salynuy men qalpyna keltırıluıne, Ş.Beisekova köşesınen Abaidyŋ 150 jyldyǧy köşesıne deiıngı S.Seifullin köşesındegı joldy saluǧa, Dostyq köşesınen Halyqaralyq äuejaiǧa deiıngı aralyqtaǧy Qabanbai batyr daŋǧylyn qalpyna keltıruge, №14 – № 41 köşeler aralyǧyndaǧy Baiantau köşesındegı joldyŋ qūrylysyna, Manas köşesınen universitet qalaşyǧyna deiıngı aralyqtaǧy №41 jäne №42 köşelerdı saluǧa bölınbek. Sondai-aq, kommunaldyq kölık parkı men kommunaldyq bazarǧa kelu joldarynyŋ qūrylysyn jalǧastyruǧa da biudjetten qarjy qarastyrylǧan.
Qalalyq Jer qatynastary basqarmasyna Astananyŋ jäne şahardaǧy respublikalyq maŋyzy bar jerdıŋ paidalanuy men qorǧaluyn baqylau jäne jerdı zondaudy ūiymdastyru üşın de biudjetten qarjy bölınbek.
Äleumettık maŋyzy bar ışkı baǧdarlar boiynşa jolauşylardy tasymaldaudy subsidiialauǧa üş jyldyq biudjette 541,0 mln teŋge bölu josparlandy. Sonymen bırge jol qozǧalysy qauıpsızdıgın qamtamasyz etuge, kölık infraqūrylymyn damytuǧa, sonyŋ ışınde jaŋa avtobustardy satyp aluǧa, t.b. jūmystardyŋ da biudjetten alatyn öz ülesı bar.
Astananyŋ Tūrǧyn üi inspeksiiasy basqarmasyna bırneşe baǧyttar boiynşa jūmysty jürgızuge de biudjetten aqşa qarastyryldy. Sonyŋ ışınde kelesı jyly qaladaǧy köppäterlı 9 üidı kürdelı jöndeu şyǧystary kırıp otyr.
Otyrysta basqarma basşylary öz mekemelerınıŋ qyzmetın qamtamasyz etuge qajet qarjynyŋ qandai jūmystarǧa jūmsalatynyn naqtylap, komissiia müşelerınıŋ sūraqtaryna jauap berdı.
Amanǧali QALJANOV
