Osy jyly Nūr-Sūltan qalasynyŋ mäslihatynda barlyǧy 17 sessiia öttı. Onda 80-ge juyq mäsele qaraldy. Sonyŋ ışınde qala tırşılıgıne qatysty, jedel şeşudı qajet etetın maŋyzdy mäseleler az bolǧan joq. Mäslihat deputattary ärtürlı memlekettık organdarǧa 72 deputattyq saual joldady. Jyldyŋ qorytyndysy turaly bız qalalyq mäslihat hatşysynyŋ mındetın atqaruşy Mäjit Şaidarovpen äŋgımelestık.
INDET JŪMYSQA KEDERGI KELTIRGEN JOQ
– Mäjit Zeinollaūly, ötıp bara jatqan jyl jeŋıl bolmady. Älemdı jailaǧan ındet köktemde Qazaqstanǧa jettı. Osy jaǧdaida qalai jūmys ıstedıŋızder? Pandemiia biylǧa josparlanǧan jūmystardy oryndauǧa kedergı keltırgen joq pa?
– Ras, osy jyl bıraz synaq äkeldı. Pandemiiaǧa bailanysty jyldyŋ basynda elımızde tötenşe jaǧdai jariialanyp, karantin engızıldı. Jūmysymyzdy ärtürlı şekteulerdı esepke alyp, jürgızuge mäjbür boldyq. Qaşyqtyqtan jūmys rejimıne köştık. Bıraq bır aita keterlıgı, 2018 jyldan bastap onlain formatta jiyndardy ötkıze bastaǧan edık. Būl jaǧynan täjıribemız boldy. Sondyqtan jaŋa jaǧdaidaǧy jūmysqa tez beiımdeldık. Byltyr bekıtılgen jyldyq josparymyzǧa säikes äreket ettık. Barlyǧyn uaqytynda oryndadyq. Sessiialar men tūraqty komissiialar otyrysy, qoǧamdyq tyŋdaular qoiylǧan merzımderınen şegerılgen joq.
Tötenşe jaǧdai rejimı engızılgende, mäslihat deputattarynyŋ jūmysy küşeitılgen tärtıpte jürgızıldı. Deputattardyŋ köpşılıgı qauıptı ındettıŋ taraluyna qarsy qūrylǧan ştabtar qūramyna kırdı. Blokbetterdı aralady. Keibır deputattar därı-därmekterdı şahardyŋ şetkı aimaqtarynda tūratyn nauqastarǧa tasymaldauǧa qala emhanalaryna kölıkpen kömektestı. Täulık boiy jūmys ıstegen medisina qyzmetkerlerı otbasylaryna järdemdestı.
QOǦAMDYQ TYŊDAULAR PAIDASY ZOR
– Qysyltaiaŋ kezeŋde därıhanalarda därı-därmektıŋ jetıspeuşılıgı mäselesı köp aityldy. Mäslihat deputattary osy ıstı teksergenın bılemız. Nätijesı qandai boldy?
– İä, tūrǧyndardan köptegen şaǧymdar tüsıp, bız qaladaǧy bırqatar därıhanalardy araladyq. Sonda keibır därıhanada därınıŋ qymbattatylǧan baǧamen satylǧanyn anyqtadyq. Būǧan qosa, osy ıske farmasevtikalyq bılımı joq azamattardyŋ, bylaişa aitqanda, alaiaqtyq jolmen paida tapqysy kelgenderdıŋ aralasqanyn da bıldık.
– Qalalyq mäslihat jūmysynyŋ nätijesınde bas qalamyzda köptegen mäsele şeşılıp jatyr. Endı biyl elordanyŋ damuyna qatysty atqarǧan ısterıŋız turaly aityp ötseŋız.
– Osy jyly elorda mäslihatynyŋ deputattary qala deŋgeiındegı ǧana emes, respublikalyq deŋgeidegı bırqatar mäselelerdıŋ şeşıluıne atsalysty. Atap aitqanda, bırneşe zaŋǧa, normativtık-qūqyqtyq aktılerge özgerıster men tolyqtyrular engızıluı üşın ūsynystarymyzdy aittyq. Ärine, basty maqsatymyz elordanyŋ äleumettık-mädeni damuyna atsalysu boldy. Zaŋdarǧa kelsek, «Qazaqstan Respublikasynyŋ astanasy turaly», «Jergılıktı memlekettık basqaru jäne özın-özı basqaru turaly» zaŋdaryna «Qoǧamdyq keŋester turaly» erejege qatysty ūsynystarymyzdy jetkızdık.
Mäslihat sessiialarmen qatar tūraqty komissiialar otyrystaryn, qoǧamdyq tyŋdaulardy ötkızetınımızdı bılesızder. Biyl qoǧamdyq tyŋdaular kezınde Jergılıktı polisiia qyzmetınıŋ jūmysy, qalanyŋ şetkı aimaqtarynyŋ qazırgı jaǧdaiy men damuy, sauda salasynda bıryŋǧai memlekettık saiasatty ıske asyru siiaqty mäseleler qaraldy.
Sondai-aq köşpelı otyrystardy ötkızu jaǧynan da täjıribemız bar. Osy jyly efferenttı terapiia jäne gemokorreksiia ortalyǧyna, qauıptı qaldyqtardy qaita öŋdeitın şaǧyn zauytqa, memlekettık-jekemenşık ärıptestık aiasynda salynǧan 360 orynǧa arnalǧan jaŋa balabaqşaǧa, elordanyŋ tūraq keŋıstıgıne, Tötenşe jaǧdailar departamentı men Bılım basqarmasynyŋ nysandaryna baryp, jaǧdaimen tanystyq. Qalany gazdandandyru jūmysy qalai jürgızılıp jatqanyn da kördık.
TŪRǦYNDAR ŞAǦYMDARY ESKERUSIZ QALMAIDY
– Jalpy osy jyly tūrǧyndardan qandai mäseleler boiynşa köp şaǧym tüstı? Şahar halqyn qandai mäseleler alaŋdatady?
– Biyl 119 şaǧymdy qabyldadyq. Būlar köbınese özektı tūrmystyq jäne kommunaldyq mäselelerge qatysty boldy. Bız tiıstı taldau jürgızıp, tūrǧyndardyŋ köpşılıgı baspana alu, joldardy jöndeu, jol belgılerın ornatu, kommunaldyq qyzmetter jūmysyna bailanysty şaǧymdanatynyn anyqtadyq.
Mäslihat deputattary biudjettı talqylaǧanda tūrǧyndardyŋ äljuaz toptaryna atauly äleumettık kömektı taǧaiyndauǧa, halyqty jūmyspen qamtuǧa, kölık jäne jylu energetikalyq infraqūrylymnyŋ damuyna, qalany abattandyruǧa, bılım nysandaryn örkendetuge jäne basqa da köptegen maŋyzdy mäselelerge köp köŋıl böldı.
– Naqty qandai mäselerdıŋ şeşıluıne atsalystyŋyzdar?
– Biyl mäslihat deputattary äleumettık baǧyttaǧy bırqatar maŋyzdy mäselelerdıŋ şeşıluıne oŋ äserın tigızdı. Sonyŋ ışınde qala tūrǧyndarynyŋ keibır sanattaryna äleumettık kömektıŋ mölşerlemesın belgıleuge jäne olardyŋ sanattaryn aiqyndauǧa özgerıster men tolyqtyrular engızuge atsalysty. Erekşe qajettılıgı bar balalardy üide oqytuǧa jūmsalatyn şyǧyndardy öteu tärtıbı men mölşerın belgıledı. Ambulatoriialyq jaǧdaida emdeletın azamattardyŋ jekelegen sanattaryn därı-därmekpen, arnaiy medisinalyq önımdermen, medisinalyq maqsattaǧy būiymdarmen qosymşa qamtamasyz etu mäselelerın şeşıp berdı. Ūly Otan soǧysyndaǧy Jeŋıstıŋ 75 jyldyǧyn merekeleuge bailanysty azamattardyŋ jekelegen sanattaryna qosymşa kömek körsetuge atsalystyq.
ŞETKI AIMAQTAR –ÄRDAIYM NAZARDA
– Aldaǧy üş jylǧa arnalǧan biudjettı talqyladyŋyzdar. Osy mäselede alda atqaryluy tiıs qandai jūmystarǧa köbırek nazar audardyŋyzdar?
– Qalada orta mektepter qūrylysyna qatysty bırqatar mäseleler bar. Keibır bılım mekemelerde oquşylar sany şamadan tys köp. Balabaqşa mäselesı de özektı. Sonyŋ ışınde 3-6 jasar balalardy mektepaldy daiarlyq pen oqytu mäselelerı asa maŋyzdy. Mümkındıgı şekteulı jandardy tehnikalyq jäne kömekşı qūraldarmen qamtu da – atqaryluy tiıs jūmys. Densaulyq saqtau nysandarynyŋ tarifı kım-kımdı bolsyn mazalamai qoimaidy. Memlekettık-jekemenşık ärıptestık arqyly qarjyny tiımdı jūmsau da – baqylauǧa alynatyn ıs.
Qalanyŋ şetkı aimaqtaryna älı de joldar men jaryq kerek. Tūrǧyn alaptarda medisinalyq jäne sport nysandary da joqtyŋ qasy. Qoǧamdyq kölık qatynasynan da tüitkılder bar. Işkıoramdyq aumaqtardy abattandyru, kögaldandyru, sanitarlyq tazalau siiaqty mäselerdı köterdık. Būl jūmystar nazarymyzda alda da qala beredı.
Mäslihat deputattary qoǧamdyq jäne qaiyrymdylyq baǧyttaǧy ıs-şaralarǧa ünemı belsendı qatysady. Az qamtylǧan otbasylarǧa materialdyq kömek körsetuge atsalysady. Ärtürlı maŋyzdy şaralardy ötkızuge demeuşılık körsetıp tūrady.
– Äŋgımeŋızge raqmet!
