Nūr-Sūltan qalalyq mäslihatynyŋ altynşy şaqyrylymynyŋ kezekten tys sessiiasy «Zoom» servisınıŋ beinemäjılıs bailanys platformasynda öttı. Qala äkımı Altai KÖLGINOV elordanyŋ äleumettık-ekonomikalyq damuy jönınde esep berdı.
«Jyldy qorytyndylaǧaly tūrmyz, älemdık pandemiia ekonomikaǧa da, kündelıktı tırşılıgımızge de öz äserın tigızdı. Bıraq Memleket basşysynyŋ der kezınde qabyldaǧan şeşımı men Elbasynyŋ «Bız bırgemız» aksiiasy aiasynda därıgerler, erıktıler de bar – bärımız bırge jūmys atqardyq. Prezident Jarlyǧyna bailanysty özderıŋızdıŋ aldaryŋyzda esep bergelı tūrmyn, jasalǧan jūmystar – ortaq jūmys, ortaq igılık» dep sözın bastaǧan qala äkımı Altai Kölgınov jyl boiǧy jasalǧan jūmystarǧa şolu jasady.
Elordanyŋ epidemiologiialyq jaǧdaiy, zerthanalardyŋ köbeigenı, azamattardy emdeuge qajettı jabdyqtarmen qamtamasyz etıluı jaiynda aita kelıp, halyqtyŋ jaŋa jylda üide bolyp, saqtyq şaralaryn saqtaudy eskerttı. Pandemiia kezınde qarajattyŋ ünemdelgenı jäne ol aqşanyŋ äleumettık joba men kömekterge jūmsalǧany da aityldy. «Memleket basşysynyŋ tapsyrmasymen Nūr-Sūltan qalasy äkımdıgınıŋ jergılıktı biudjetın 43 milliard teŋgege oŋtailandyrdyq. Ünemdelgen qarajat eŋ aldymen COVID-19 ındetımen küreske, densaulyq saqtau jüiesın damytuǧa, därı-därmek pen medisinalyq jabdyqtar satyp aluǧa jūmsaldy» dedı äkım. Halyqtyŋ äleumettık qoldauǧa zäru bölıgın qoljetımdı baspanamen qamtamasyz etu, qarapaiym azamattardy tūrǧyn üimen qamtu, üleskerler mäselesın bırtındep şeşude memleket qamqorlyǧy, eskı üiler men jataqhanalardy süru, gazdandyru, jaŋa mektepter salu, äleumettık nysandardyŋ aşyluy, tūrǧyn üi oramdarynyŋ mäselelerı, «Janūia» otbasylyq ortalyǧy maŋyzdy röl atqaryp otyrǧanyn aitty.
Äleumettık osal toptarǧa memleket qarailasady
№19 okrugı boiynşa deputat Qaraqat Äbden äkımnıŋ elordanyŋ äleumettık-ekonomikalyq damuy jönındegı esebın qoldai otyryp, soŋǧy kezderı qolaisyz otbasylar sany köbeiıp, balalardyŋ 80 paiyzy jetım ekenın, ajyrasu men tūrmystyq zorlyq-zombylyq deŋgeiı öskenın aita kelıp, qoǧam tarapynan qoldaudy qajet etetın osyndai topqa kömek beru qalai jürıp jatqanyn sūrady.
Būl saualǧa Nūr-Sūltan qalasynyŋ äkımı Altai Kölgınov «Äleumettık osal toptarǧa memleket ülken jūmys jasap jatyr. Äsırese, ata-ana qamqorlyǧynsyz qalǧan balalardyŋ eŋ bırınşı köteretın mäselesı – tūrǧyn üi. Kelesı aptada kezektegı azamattarǧa tūrǧyn üi bergen kezde sonyŋ 20 paiyzyn zaŋǧa säikes osy topqa böluge nazar audaramyz. Az qamtylǧan özge de sanattar bar. Būl oraida otbasy institutyn nyǧaitu kerek, jastar saiasatynyŋ mındetterın keŋeituge bailanysty aitsaq, uaqyt bızden jaŋa şeşımder qabyldaudy talap etedı. Jastardy jūmyspen qamtu mäselesı bızdı tolǧandyrady. Qosymşa bılım beru, sportty damytu, baspanamen qamtu mäselelerı bar. Ötken jyly bız jūmys ısteitın jastarǧa arnalǧan baspana salyp, 1050 päter böldık, biyl jaǧdaiǧa bailanysty 350 päter bölındı, keler jyly da 1050 päter berıledı degen jospar bar. «Arnaiy elorda jastary degen baǧdarlamany talqylap jürmız, deputattar aldyna kelemız, öz mäselelerımızdı öz qūzyretımızde şeşemız. Qai qūzyrettı qai basqarma keŋeitu kerek, ūsynystar berıŋızder»dep jauap berdı.
«Bükır köpır» 2021 jyly jöndeledı
№11 sailau okrugınıŋ deputaty Miras Şekenovtıŋ qala tūrǧyndary arasynda «bükır köpır» atalyp ketken (Bögenbai batyr daŋǧyly) köpırdıŋ mäselesı qalai şeşıletını turaly qoiǧan sūraǧyna Altai Kölgınov būl mäselenıŋ nazarda ekendıgın aitty. «Būǧan deiın ol köpırge keşendı zertteu jürgızıldı. Tehnikalyq qorytyndy köpırdıŋ bır bölıgı apattyq jaǧdaida ekenın körsettı: jük kötergıştıgı men qyzmet etu merzımın tömendetetın aqaular boldy. Qazırgı uaqytta 60-tan astam balkalar bölşektelgen. Kölıkterdıŋ qozǧalysy köpırdıŋ sol jaǧynda ūiymdastyrylǧan. Jūmysty 2021 jyly aiaqtaudy josparlap otyrmyz» dedı A.Kölgınov.
«Jaǧalaudaǧy» jaqsylyqtar
№12 sailau okrugınıŋ deputaty Ramziia Umerbaeva juyrda «Jaǧalau» audanyn aralau barysynda balalarǧa arnalǧan qosymşa bılım beru oryndary men jaŋa balabaqşalardy körgenın, ol jerde adamǧa qajettı ǧimarattardyŋ barlyǧy qol sozym jerde bolǧany üşın äkımge alǧys bıldırdı.
Öz kezegınde qala äkımı A.Kölgınov būl jobalarǧa halyq tarapynan sūranys bar ekenıne, juyrda R.Qoşqarbaev köşesınde tūrǧyn üi kezegıne tūrǧandar üşın tūrǧyn üi berıletının, ol üidıŋ bırınşı qabattary balalardy damytu ortalyqtaryna arnalǧanyn aitty. Onyŋ aituynşa, söileuı keş damyǧan balalardyŋ ata-analary da osyndai arnaiy damytu ortalyqtaryn aşudy sūraǧan. Uälihanov köşesınde de ekı bırdei reabilitasiialyq ortalyq aşylǧanyn mysalǧa aldy.
Jyly aialdama qajet
Äleumettık jelı arqyly da qala äkımıne sūraqtar qoiylyp, ūsynystar aityldy. Äkımdıktıŋ jūmysyna rizaşylyq bıldırgender de boldy. Mysaly, qala tūrǧyny Bibıgül İskakova äkımdıktıŋ biyl köp jūmys atqarǧanyna alǧysyn bıldırgen. Sondai-aq qala tūrǧyny Samal Jarova Nazarbaev universitetı aialdamasyna jyly aialdama ornatudy sūrady. Qosşy auyly tūrǧyndarynyŋ ötınışıne orai äkım jyly aialdamany saluǧa uäde berdı. «Jeltoqsan aiynyŋ soŋyna deiın 12 jyly aialdamany bıtıruımız kerek. Samal Jarova qoiǧan aialdamany josparǧa bekıtemız» dep jauap berdı ol.
Qala maŋyndaǧy auyldar – nazarda
№17 sailau okrugınıŋ deputaty Aman Aiupov elordanyŋ Almaty audanyna qarasty «Jeleznodorojnyi» kentınıŋ mäselesın köterdı. «Gaz keldı, bıraq kommunikasiia joq. Jol men kanalizasiia mäselesı şeşılmegen. Būl mäselenı ekonomika bölımıne joldaǧanmyn, bıraq olar äkımdıkke sıltep otyr. Ekınşı mäsele – İlinkada internet jelısı qiyndyq tudyryp otyr. Deputat retınde halyqpen kezdesken kezde halyq osy mäselenı sūrady» dedı deputat.
Äkım Altai Kölgınov «Jeleznodorojnyi» kentınde qazırgı uaqytta gaz jürgızuge bailanysty qolaisyzdyqtar oryn alyp otyrǧanyn, onyŋ uaqytşa qiyndyq ekenın, aldaǧy kezde şeşımın tabatynyn aitty. «İnternetke kelsek, balalar internet arqyly oquǧa köşkennen keiın oǧan degen sūranys joǧarylady. Bız qosymşa routerler satyp aldyq. Bır-ekı kün būryn «Qazaqtelekom» ökılderımen kezdestım, kün tärtıbınde kontenttı köbeitu mäselesı tūr. Kei jerlerge qosymşa antennalar qondyrylady» dep jauap berdı.
Oŋtailandyru mümkındıgı qarastyryla ma?
Zeinolla Şıbkenov №10 sailau okrugı boiynşa mäsele köterdı. – Öz okrugıme qatysty aitsam, joldyŋ boiy älı şeşılmei jatyr. Keramikalyq kombinattan Kökşetauǧa şyǧatyn alty jolaqty jol bazardyŋ qasyna kelıp tūryp qaldy. Eger sony tezırek bıtırse, joldaǧy qanşama jüktemenı azaitar edı. Taǧy bır şeşılmei jatqan mäsele – №23 mektepke qosymşa ǧimarat salyp jatyr, qasyndaǧy №34 mekteptı süremız, jaŋadan salamyz dep jatyr, ol audanda oquşylar joq deuge bolady, eger qūrylys jürse oquşy köp bolar edı. Bastan-aiaq auqymdy jöndeu jasap, ekı mekteptı qossa ülken mäsele şeşıler edı. Öitkenı eskını süruge, qaita saluǧa köp aqşa jūmsalaiyn dep otyr. Al bızge köşelerdı retke keltıru kerek, köptegen köşe tūiyq bolǧandyqtan keptelıs bolady, Abai köşesı de sondai, Dükenūly älı bıtpei jatyr, Aqorda jaqta da keptelıs bolatyn boldy. Qarasai batyr köşesın tört jolaqtan keŋeitıp, 6 ne 8 jolaq qylyp saluǧa bolar edı.
Altai Kölgınov: – Jol mäselesı – ol üilerdı sürumen bailanysty şeşıletın mäsele, oǧan qyruar qarajat kerek. Sonymen bırge Baiqoŋyr audanyndaǧy ainalma jolǧa kelsek, ol jerde jeke jäne kommersiialyq nysandar, tūrǧyn üiler bar, onyŋ bärın süru üşın ülken qarajat qajet bolady. Al mektep mäselesıne kelsek, №23 mekteptı Prezidenttıŋ özı baryp aşty, ol jerde balalar üş auysymda oqyp jatqandyqtan qosymşa qūrylys saldyq, keleşekte, sız aitqandai, oŋtailandyru mümkındıgın qarastyruǧa bolady. Bıraq ol mektepten ünemdelgen aqşa myna jolǧa jetpeidı. Ony josparǧa qosamyz. Ol jerge ainalma joldy salu üşın temırjoldyŋ üstınen köpır ötu kerek. Mäsele şeşıledı, bıraq ülken joba-jospar qajet, – degen äkım odan ärı Dükenūly köşesınde jasalǧan jūmystarǧa toqtalyp öttı.
Kölge eşkım tiıspeidı
№22 okrug boiynşa deputat Sergei Solodovnikov Esıl audanyn keŋeitu jūmystary boiynşa sūraǧyn qoiyp, tūrǧyndardyŋ neşe türlı sirek qūstar kelıp qonatyn tabiǧi toǧanǧa timeu turaly ūsynystaryn jetkızdı. «Kölge eşkım tiıspeidı. Taldyköldıŋ özınde köŋıl köteru aumaǧy salynady. Ony kögaldandyryp, halyq seruendeitın jaǧdai jasaimyz. Sol jaǧalauda üiler köptep salynbai tūrǧanda, mūnda sarqyn sular jinalatyn bolǧan. Ekologiiaǧa ziian kelmeuı kerek degen pıkırıŋızge qosylam. Bız älı de būl mäselenı qaraimyz» dep jauap berdı äkım.
Kovorking ortalyqtary kerek
№14 okrug deputaty Erlan Sydyqov üleskerler mäselesınıŋ köbırek şeşılgenıne bailanysty äkımge alǧys aitty. Mektep jetıspeuşılıgı de şeşımın tabatynyna senım bıldırdı. Onyŋ ūsynysy qalanyŋ abattandyryluyna qatysty boldy. «Qala halqyna parkter men skverler salyna bastaǧany quantady. Bıraq bızde klimatqa bailanysty sol parkter tek alty ai ǧana paidalanylady. Sonyŋ bır būryşynan jeŋıl säulettık ülgıde kovorking ortalyqtaryn, sport zaldaryn, balalar oinaityn jabyq alaŋ salyp qoisa halyq barar edı, toŋǧanda, jaŋbyr jausa kırıp-şyǧar edı» dedı deputat.
Äkım A.Kölgınov būl ūsynysty qoldaitynyn aitty: – Byltyr «Telman» jaqtaǧy parktıŋ jaǧdaiyn kördık, şöp ösken, şamdar synǧan, oryndyqtar synǧan, adam köp barmaidy degen söz. Sosyn ol jerge jöndeu jürgızdık, alaŋ saldyq, ülken kısılerge otyratyn oryndar qaraldy, qazır ol parkke adamdar köp barady. Pandemiia kezınde parkterdıŋ keregın tüsındık. Sızdıŋ tūjyrymyŋyz üşın parkterde oryn qaldyrylǧan. Käsıpkerlerden ūsynystar bar. Qoldaimyz. Bärımız biudjetten ala bermei, biznes jasaityn jerde mümkındık jasauymyz kerek.
№8 aumaq okrugınıŋ deputaty Altynşaş Tabuldina öz aumaǧynda byltyr atqarylǧan jūmystarǧa toqtala kelıp, Şielı jäne Ūialy köşesınde kanalizasiia mäselesı baryn aitty. «Agrogorodok» audanynda üiler suyq jäne üilerdıŋ astyna su jinalǧan. Keler jyly aǧyn su kanalizasiiasyn jasaǧan kezde sol köşelerdıŋ de mäselesın eskerseŋız eken» dep ötınış bıldırdı.
Ūsynystar aiaqsyz qalmaidy
«Agrogorodok» tūrǧyndarynyŋ mäselesın bılemın. Tūrǧyndarmen kezdeskende «Bız osy jerdıŋ adamdarymyz, bızdı ūmytpaŋyz» dep aitqany esımde. Şielı, Ūialy köşelerınde jaryqtandyru jasadyq, jol töselıp jatyr. Bıraq sız aitqan mäselenı 2021 jyly jasaimyz dep tap qazır uäde bere almaspyn. Qazır bız bastalǧan jūmystardy bıtıruımız kerek».
Äleumettık jelı arqyly kelgen sūraqtar ışınde Samal Şarova Qosşy auylynyŋ 90 paiyzy elordada jūmys ısteitının aita kelıp, Qosşy auylyna qaşan gaz jürgızıletının sūrady. Sondai-aq Garit Nūrsūltanūly «Ūly dala, 19-üidıŋ mäselesı boiynşa äkımdıktıŋ barlyq tiıstı basqarmalaryna şaǧym tüsırılse de naqty jūmys atqarylmady. Osy tūrǧyn üi boiynşa meml. ekspertiza, tehbaqylau siiaqty qūzyrly organdarynan tūratyn komissiiadan naqyt şeşım qabyldauyn sūraimyz» deptı.
Äkım Qosşyny gazdandyru josparǧa säikes jürgızıletının aitty. Sonymen bırge «Ūly dala üiınde qandai mäsele baryn anyqtap alyp, tiıstı adamdarǧa tapsyramyz» dep jauap berdı.
15-okrug boiynşa deputat İlia Meşeriakovtyŋ qylmystyŋ aldyn alu, onyŋ ışınde naşaqorlyqqa qatysty profilaktikalyq jūmystar turaly sūraǧyna jauap berdı.
Sondai-aq sessiiada Nūr-Sūltan qalasynyŋ Ekonomika jäne biudjettık josparlau basqarmasynyŋ basşysy Q.Maŋqaraevtyŋ esebı tyŋdaldy.
