Qala äkimdiginde qylmystyq jazany jäne qylmystyq-qūqyqtyq yqpal etudiŋ özge de şaralaryn atqaratyn mekemelerdiŋ qyzmetine järdemdesu jönindegi keŋestiŋ otyrysy ötti.
Astana qalasy boiynşa Qylmystyq-atqaru jüiesi departamenti bastyǧynyŋ mindetin atqaruşy Ermekbai Qojahmetovtyŋ aituynşa, bügingi taŋda būl baǧytta atqarylyp jatqan şarua az emes. Degenmen, alda tūrǧan mindetter de jeterlik. Osyǧan orai, jiyn barysynda atalmyş keŋestiŋ üstimizdegi jylǧa bekitilgen jūmys josparyn oryndau, oryn alǧan problemalardy qarastyru jäne olardy şeşudiŋ joldary talqylandy.
Bas bostandyǧynan airylǧandardyŋ tüzetu mekemelerinen şyqqannan keiin köp qiyndyqtarǧa tap bolatyny belgili. Jergilikti atqaruşy organdar tarapynan olarǧa barlyq kömekter körsetilude. Būl rette As-tana qalasy densaulyq saqtau basqarmasy bastyǧynyŋ orynbasary Serik Aiaǧanov elordamyzdaǧy №1 jäne №2 auruhanalardyŋ jaǧdaiyna toqtalsa, qalalyq jol polisiiasy basqarmasynyŋ bas mamany Serik Jol-dasbekov tüzetu mekemeleriniŋ maŋyndaǧy tiisti jerlerge jol belgileriniŋ ornatylǧanyn aitty.
Ädilet departamentiniŋ bas mamany Zura Jaqiianova aldaǧy uaqytta tüzetu mekemelerine departament qyzmetkerlerin qosa tärtiptik qorǧau organdary ökilderimen qosa şaqyrtudy, sondai-aq kezdesulerdi ūiymdas-tyru barysynda advokat, notarius, AHAJ bölimderi men jyljymaityn mülik qyzmetkerleriniŋ jalpylama ǧana emes, jeke de qabyldaularyn ötkizu mümkindigin qarastyrudy ūsyndy.
Qalalyq keŋestiŋ otyrysyna densaulyq saqtau, jūmyspen qamtu jäne äleumettik baǧdarlamalar, käsipkerlik jäne önerkäsip, mädeniet basqarmalarynyŋ ökilderi de qatysty. Olar qylmystyq jazany jäne qylmystyq-qūqyqtyq yqpal etudiŋ özge de şaralaryn atqaratyn mekemelerdiŋ qyzmetine järdemdesu, tüzeu mekemeleriniŋ bazasyn materialdyq-tehnikalyq jaǧynan nyǧaitu, sottalǧandardy qoǧamdyq qorǧau men bostandyqqa şyqqan azamattardy eŋbekke ornalastyru maqsatynda qalamyzda atqarylyp jatqan şaralarǧa toqtaldy.
Gülbarşyn ÖKEŞQYZY
