Erlık tek maidanda synalmasa kerek. Beibıt künnıŋ de öz batyrlary bar.Ündemei jürıp, üidei jūmys tyndyrǧan bügıngınıŋ qaharmandaryn anyqtaityn sät jetken tärızdı.Elorda äkımdıgı «Astana» telearnasymen bırlesıp, «Astana taŋdauy – 2012» dep atalatyn televiziialyq jobanyŋ tūsauyn kestı.
Baiqaǧanymyz, jobanyŋ özındık jaŋalyǧy bar. Äleumettık-ideologiialyq maŋyzy da zor. Formaty da özgeşe. Jobanyŋ közdegen maqsaty– elorda tūrǧyndarynyŋ ışınen öz ısıne adal, eŋbegımen halyqqa jaqqan jandardy taŋdap, olardy elımızge tanytu.
Al, sonda «Astana taŋdauy» kımnıŋ taŋdauyna süienbek? Jobanyŋ basty artyqşylyǧy men erekşelıgın osy tūsta basa aita ketu kerek.
Taŋdaudy astanalyqtardyŋ özderı jasaidy.
Astananyŋ ärbır tūrǧyny özı üşın ömırlık ülgıge ainalǧan jandy osy saiysqa ümıtker retınde ūsyna alady. Iаǧni, basty basymdyq qarapaiym halyqtyŋ enşısıne berılıp otyr.
Ol üşın erekşe dep tapqan tūlǧaŋyz jaily jürekjardy pıkırıŋızdı nemese onyŋ käsıbilıgı men adamgerşılıgıne kuä bolǧan sätıŋızdı jazyp, Astana qalasy äkımdıgınıŋ saityna joldasaŋyz jetıp jatyr.
Üzdıkter bes sala boiynşa ırıktelıp alynbaqşy. Iаǧni, qoǧamda maŋyzǧa ie – därıger, mūǧalım, uchaskelık inspektor, qoǧamdyq kölık jürgızuşısı jäne adamgerşılık qasietımen erekşelengen kez kelgen azamatty baiqauǧa qatysuşy retınde tırkei alasyz.
Ony tırkeudıŋ de qalyptasqan qaǧida şarttary bar. Aldymen, Astana qalasy äkımdıgınıŋ resmi saitynda jariialanǧan anketany toltyruyŋyz kerek. Anketanyŋ barlyq jolaqtaryndaǧy aqparatty tolyq ärı anyq türde engızgenıŋız jön.Bır anketada bes kategoriianyŋ tek bıreuıne säikes keletın tūrǧyn jaily äŋgımeŋızdı jaza alasyz.
Bır elektrondy meken-jaidan bır ǧana äŋgımeŋızdı jazyp jıbere alasyz.
Şynar DOSAN
SÜBELI SÖZ
Bolat TILEPOV,
Astana qalasy Işkı saiasat basqarmasynyŋ bastyǧy:— Kez kelgen qala özınıŋ tūrǧyndarymen maqtanady. Qarapaiym jandardyŋ «teŋızge tamǧan tamşydai» jūmysynyŋ nätijesınde körkeiedı. Tıptı memlekettıŋ negızgı süiener küşı de onyŋ qarapaiym halqy. Elorda äkımı İmanǧali Tasmaǧambetovtıŋ ideiasynan tuǧan joba aiasynda osyndai jandardyŋ beibıt kündegı erlıgı men jaqsy ısterın ūlyqtaudy maqsat etıp otyrmyz. Jeŋımpazdardyŋ suretterın elordanyŋ tuǧan künı qarsaŋynda bilbord etıp qalanyŋ ortalyǧyna ılıp qoiatyn bolamyz.
Jannūr AIDARBEKOVA,
«Astana» telearnasynyŋ kommersiialyq direktory:
— Mūndai joba bızdıŋ telearna tarihynda būryn-soŋdy bolmaǧan. Äleumettık sala qyzmetkerlerınıŋ öz jūmysyna degen yntasyn arttyruda maŋyzy zor dep oilaimyn. Bız öz tarapymyzdan jarnamasyn jaqsylap jasap jatyrmyz. 31 mamyrǧa deiın kelıp tüsken ūsynystardy qarap şyǧyp, köpşılıkke ülgı etuge tūrarlyq keiıpkerler jaiynda qysqaşa beine rolikter tüsırıp halyq nazaryna ūsynatyn bolamyz. Būl halyqtyŋ dūrys taŋdau jasauyna septıgın tigızedı. Al, eŋ soŋynda jeŋımpaz dep tabylǧan 5 adam jaiynda qysqa metrajdy kino tüsırudı de josparlap otyrmyz.
Taǧy bır eskeretın närse, ūsynystar tek 1-31 mamyr aralyǧynda ǧana qabyldanady. Baiqauǧa qatysuşylardyŋ esımımen ırıkteu aiaqtalǧan soŋ, iaǧni 1 mausym- nan bastap äkımdıktıŋ saity arqyly tanysuǧa bolady.Sol arqyly halyq öz dausyn bere alady.
Dauys beru 1-20 mausym aralyǧynda jürgızıledı. Sosyn, 1 şıldege deiın ärbır salanyŋ öz üzdıgı anyqtalyp, aty ozyp kelgen jandar Astana künı merekesı qarsaŋynda marapattalatyn bolady.
