Elbasynyŋ Qazaqstandy äleumettık jaŋǧyrtu baǧytyndaǧy tapsyrmalary töŋıregınde Saryarqa audany äkımdıgınıŋ apparaty ūiymdastyrǧan döŋgelek üstel basynda äŋgıme örbıdı. Taqyryp töŋıregınde oi bölısu üşın basqosuǧa «Nūr Otan» HDP «Saryarqa» audandyq filialynyŋ keŋesşısı, QR Qarjy polisiiasy Agenttıgı janyndaǧy sybailas jemqorlyqpen küres boiynşa keŋestıŋ müşesı Arman Nūrǧazin arnaiy qatysty.
Jiynnyŋ bas qonaǧynyŋ aituynşa, batystyŋ damyǧan elderı qaryzǧa belşesınen batyp, daǧdarys şyrmauyna şyrmalyp jatqan tūsta Qazaqstan basşysynyŋ halqyn «Jalpyǧa Ortaq Eŋbek Qoǧamyn» qūruǧa şaqyruyn ülken köregendılık dep qabyldaǧan jön.
Bailyq ta, bereke de eŋbekpen keletını belgılı.
Elımızde eŋbek etkısı keletın kısıge jūmys orny mındettı türde tabylady. Älemdı daǧdarys oty şarpyǧan tūsta Qazaqstan TMD elderınıŋ ışınde bırınşı bolyp synǧa tüskenı belgılı. Dese de, ötpelı qiynşylyqtardy tabysty eŋsere bıldı. Älemdı daǧdarys bilep, jūmyssyzdyq uşyǧyp tūrǧan tūsta Qazaqstanda jaŋa jūmys oryndary aşyla bastady.
Mäselen, osy jyldary tūraqty jūmysy bar qazaqstandyqtardyŋ 80 paiyzy öz qyzmetterın saqtap qaldy. Öitkenı, Elbasynyŋ bastamasymen der kezınde qolǧa alynǧan «Jūmyspen qamtu 2020» baǧdarlamasy jūmyssyzdyqpen kürestıŋ tiımdı tetıgıne ainaldy.
Osylardy aita kele, Arman Nūrǧazin 20 tapsyrmanyŋ barlyǧy da salamatty qoǧam qūruǧa, sauatty ūrpaq tärbieleuge, örkeniettı elder önegesınen ülgı aluǧa, äleumettık eŋbek qarym- qatynasyn damytuǧa baǧyttalǧanyna toqtaldy.
Döŋgelek üstel basynda el ekonomikasynyŋ örkendeuıne kedergı bolyp otyrǧan, qoǧamdaǧy eŋ basty qauıp-qater sanalatyn sybailas jemqorlyqtyŋ aldyn alu şaralary jaiynda da söz qozǧaldy.
Memleket basşysy «2006-2010 jyldarǧa arnalǧan sybailas jemqorlyqpen küres» baǧdarlamasyn bekıtkenı belgılı. «Jemqorlyqpen küres qarqyn alyp keledı degenımızben, zaŋǧa baǧynǧysy kelmeitınder älı de barşylyq. Memlekettık organ qyzmetkerlerınıŋ özgenıŋ taǧdyryna nemqūraidy qarauy, kei şeneunıkterdıŋ qanaǧatsyzdyǧy, bır japyraq anyqtama qaǧazyn alu üşın şetı men şegı joq kezektıŋ özı memlekettık qyzmetkerlerdı para aluǧa itermeleidı»,– dedı Arman Asqarūly.
Sonymen qatar, halyqtyŋ sybailas jemqorlyq turaly tüsınıgınıŋ tömendıgı osyndai jaǧdaiǧa äkelıp soǧuda. Sondyqtan, mūndai auyr keseldı tek memlekettık jäne qūqyq qorǧau organdary qyzmetkerlerı ǧana emes, bükıl halyq bolyp qolǧa alsaq qana toqtatuǧa bolady destı jinalǧandar.
Şynar DOSAN
