Dastarqannyŋ berekesın bersın!

 Köp jyldardan keiın qaita jaŋǧyrǧan merekenıŋ quanyşy bölek bolatyn. Öitkenı keŋes zamanynyŋ küiıp tūrǧan kezınde de nauryz köje qainatatyn qara qazanyn ottan tüsırmegen äjelerımızdıŋ merekenı joǧaltpaǧan eŋbegı qaitty. Sol künderdı eske alsaq, şaǧyn auylymyzdyŋ aq jaulyqty analary tabaqtaryna türlı tamaǧyn salyp, äjemızge alyp keletın. Onyŋ şikısı qazanǧa tüsıp, pıskenı dastarqandy toltyratyn. Osylaişa bas qosyp, nauryz köjeden däm tatyp, märe-säre bolatyn. Balalar da mäz-meiram bolyp ülkenderdıŋ aiaǧyna oratylyp, merekenıŋ ortasynda jüretın.

Osydan köp jyl būryn sol auylǧa nauryz künderınde jolym tüstı. Būrynǧy dästür ūmytylmaǧan, eŋ bastysy äjelerımızdıŋ zamandastarynyŋ üşınşı-törtınşı ūrpaqtary bas qosypty. Ülken qara qazan oşaqta qainap, köje pısırılıp jatty. Jinalǧan qauym köktemnıŋ şuaǧyna jylynyp, qauqyldasu­da. Jas balalar öner körsetıp, syilyǧyn alyp jatty. Men bolsam mol jaiylǧan dastarqannan äjemnen qalǧan asty ız­dedım. Et taǧamdaryn tü­gendep bolyp, sütten ja­salatyn qūrt, ırımşık, qauynqūrt, balqaimaq, süzbe, qatyq, sary mai siiaqty taǧamdardy, dännen jasalatyn maisök, jenttı ızdedım.
Qūdaiǧa şükır, būl ta­ǧamdardy qalai jasaudy jas kelınder ūmytpapty. Qaita keibırınıŋ qūramyn türlendırıp jeuge süikımdı etıp jasaityn bolypty. Degenmen ūlttyq taǧamdar nege tek qa­na nauryzdyŋ merekelık das­tarqanyna qoiylady? Qūnarly, adam aǧzasyna paidaly taǧamdardy kündelıktı paidalanuymyzǧa ne kedergı bolyp jür? Az nasihattalady ma, älde baǧasy qymbat pa?
Soŋǧy kezderı Qazaq­stan mūsylmandary dıni basqarmasynyŋ nūsqauy­men ölıktı aqtyq saparǧa at­tandyrudyŋ tärtıbı jariialandy. Halyq ta müftiiattyŋ sözıne qūlaq türıp, belgılengen şeŋberden asyp ketpeitın boldy. Tıptı marqūmnyŋ sadaqasyna jaiylǧan dastarqannyŋ as mäzırın rettep, taǧamdardyŋ tızı­mın jasapty. Onyŋ ışınde joǧaryda atalǧan süiıktı taǧamymyz tügel keltırılgen. Būl da jaqsy şyǧar. Alaida künder öte kele osy taǧamdar tek mäzırdıŋ asy bolyp qalyp, jaişylyqta jelınbeitın düniege ainalyp ketedı me dep qorqamyn. Oǧan jetkızbes üşın ūlttyq taǧamdarymyzdy därumender men aquyzdarǧa bai, joǧary kaloriialy, qūnarly, maŋyzy zor taǧamdar retınde laiyqty nasihattau kerek. Köp beinet pen taza tabiǧi önımderden jasalatyn önım bolǧandyqtan, bazardaǧy baǧasy da arzan emes. Osy önımderdıŋ keibırı öndırıstık tauarǧa ainalmaǧany sebeptı, ūlt taǧamdaryn arnaiy satatyn bölıkterınde kelılep qoiyp, şetınen ölşep berıp jatady. Ta­uardy tartymdy etetın onyŋ orauy bolsa kerek. Eger ūlttyq taǧamdardy laiyqty nasihattaǧymyz kelse, ony da eskergen jön. Onsyz da taǧamnyŋ berekesı ketıp, analary­myz­dan qalǧan as künde­lıktı dastarqany­myzda emes, tättı eles bolyp qaluy da äbden mümkın.