Ötken aptada elordamyzda VII Delfii oiyndary märege jettı. Oǧan düniejüzınıŋ 16 memleketınen kelgen 800-ge juyq önerlı jastar qatysty. Barlyǧy 19 atalym boiynşa baq synasqan bäsekelester özderınıŋ alǧyrlyǧy men tapqyrlyǧyn ortaǧa saldy.
Būl oiynnyŋ qatysuşysy atanbas būryn olardyŋ basym bölıgı türlı deŋgeidegı baiqaulardyŋ jeŋımpazdary bolyp ülgergen. «Biyl bız sapaǧa ülken män berıp jatyrmyz. Būl qatysuşylardyŋ tym köptıgın körsetpese kerek. Dodaǧa eŋ taŋdaulylar, eŋ käsıbiler jinaldy» – deidı Delfii oiyndary ştabynyŋ üilestıruşısı Erkebūlan Mūqanov.
Delfii-2012 baiqauynyŋ özındık erekşelıkterı bar. Mūndaǧy jas erekşelıkter är atalymda ärqalai. Negızınen alyp qarastyrsaq, 10 men 25 jas aralyǧyn qamtityn atalmyş oiyn qatysuşylary buyny bekımegen jas daryndar, örelı örender. İtaliia, Türkiia, Avstriia, Belorus, Qyrǧyzstan, Ukraina, Rumyniia, Moldovadan kelgen talantty jastar älemdık maŋyzy zor duman şeŋberınde saiysqa tüstı.
Biylǧy oiynnyŋ bır erekşelıgı, qazaq delfii komitetı «Poeziia» atalymyn qosty. «Sahnadaǧy sirk» nominasiiasy talapty jastardyŋ qara üzıp kele jatqanyn baiqatty. «Halyq biı» degen atalymǧa 15-ten asa ūjym qatysyp, önerın paş ettı. Bas jüldenı qazaqtyŋ «Şaşu» toby qanjyǧasyna bailady.
«Būl oiyndar eŋ myqty jastar legın bır arnada toǧystyrdy. Är qatysuşy şyǧarmaşylyq dep atalatyn sūlulyqtyŋ bır bölşegıne ainaldy. Bırneşe kün boiy olar meiırım nūry tılınde tıldestı. Osy oiyndardyŋ arqasynda ärbırı östı, körermenge şuaq töktı» – dedı Bılım jäne ǧylym ministrlıgınıŋ jauapty hatşysy Äliia Ǧalymova merekenıŋ jabylu saltanatynda.
Şynar ÄBILDA
