«Jyl saiyn asyǧa kütetın Astana künı merekesıne arnalǧan şaralar baǧdarlamasy anyqtaldy. Biyl aituly merekege orai ūiymdastyrylatyn 70-ten asa qyzyqty da äserlı şaralarǧa kez kelgen qala tūrǧyny men qonaqtary qatysa alady» dep habarlaidy Astana qalasynyŋ 16 jyldyǧyna arnalǧan merekelık şaralardy daiyndau jäne ötkızu jönındegı ūiymdastyru komitetınıŋ media-ştabynan.
Astananyŋ 16 jyldyǧy qarsaŋyndaǧy dästürlı merekelık şaralar arasynan «Astana igılıgı üşın» degen ortaq atpen ötetın bıregei aksiiany erekşe atap ötuge bolady. Azamattardy özara tüsınıstıkke ündep, türlı qiyndyqtarmen bırge küresuge, kömekke mūqtaj jandarǧa qol ūşyn beruge jūmyldyratyn būl aksiia – Astananyŋ är tūrǧyny özın ülken otbasynyŋ bır müşesı retınde sezınuıne äser etpek. Astana tūrǧyndarymen bırge «Qaisar keruen» qaiyrymdylyq velojarysynda qala äkımı İmanǧali Tasmaǧambetov elorda köşelerın aralaidy.
Oiyn-sauyq baǧdarlamasy özındık qyzyqqa toly bolmaq. Atap aitqanda, «Myŋjyldyqtar toǧysyndaǧy Astana» köşpelıler örkenietı festivalı ädettegıdei dualdy qala formasynda emes, järmeŋkege arnalǧan şatyrly keşen retınde erekşelenbek. Mūnda at üstınde atoilaǧan qoiylymdar ädettegıdei manejde ötpeidı. Būl joly at qūlaǧynda oinaǧan kaskaderlerge qūm tögılgen arnaiy alaŋ jasaqtalady.
«Özen äuenderı» klassikalyq muzyka keşterı jaŋa ädıppen bezendırıledı. Sahna ädettegıdei özen üstınde qūrylady, alaida, onyŋ syrtqy körınısı şyǧys saraiyn eske tüsıretın bolady. «Astana – arqau» türkı muzykasy festivalı bırqatar elderdıŋ aspapşylary men änşılerınıŋ basyn qosady. Festivalǧa Qazaqstan, Äzerbaijan, Türkımenstan, Özbekstan, Qyrǧyzstan, Qytai, Moŋǧoliia (Halha obl), Altai, Saha, Tyva, Tatarstan, Başqortstan, Hakasiia, Şyŋjan-Ūiǧyr avtonomiialyqaudany, sonymen bırge Daǧystan (noǧai) elderınıŋ muzykanttary qatysady.
«Asqaqtai ber, Astana!» atty qazaq jäne şetel estrada jūldyzdarynyŋ konsertı biyl «Saryraqa» respublikalyq velotregınıŋ sahnasynda ötedı. Onda «The Jigits», «Pissa», «Blue» toptary, Ǧalymjan Moldanazarov, Qairat Nūrtas, Polina Gagarina jäne aty äzırge qūpiia älem jūldyzy öner körsetedı. «Bitva gorodov» äzıl-syqaq festivalı Qazaqstannyŋ qai qalasy qaljyŋnyŋ körıgın qyzdyratynyn anyqtamaq. Şattyq merekesıne «Mässaǧan» jobasy, «KZlandiia», «Lisa Stolisy»-sketch şouy qatyssa, olardyŋ önerın «Comedy Club» klubynyŋ tanymal rezidentı Semen Slepakov baǧalaidy.
«Astana – armandar oryndalady» retro konsertı – elorda tūrǧyndary men qonaqtaryna arnalǧan qaitalanbas än-şaşu bolmaq. Köŋılde jattalǧan äsem änderdı Roza Rymbaeva, «Dos Mūqasan», «Jetıgen» toptary, Reseidıŋ halyq ärtısı Iýrii Antonov oryndaidy. Al 4-6 şılde künderı «Aialaǧan Astana» ūlttyq muzykalyq televiziialyq balalar baiqauy märesıne jetedı. Önerpaz büldırşınderdıŋ qabıletın Halyq ärtısı Roza Rymbaeva, Batyrhan Şükenov, Qaraqat Äbıldina men Janar Aijanova baǧalaityn bolady. Resei tarapynan saralaityn qazylar müşesı äzırge qūpiia ūstalady.
«Astanalyq» ortalyq saiabaǧynyŋ aşyluy – astana tarihyndaǧy aituly ärı maŋyzdy uaqiǧa bolmaq. Būl – qaladaǧy eŋ köne saiabaqtyŋ bırı. Ol qala tarihynyŋ kuägerı ıspettı. Alaida, endı ol jaŋa zamanaui, tehnologiialyq körkem keiıpke enedı. Ol jas qalamen bırge jaŋarady.
«Mäŋgılık el – ūlt mūraty» attypoeziia keşı «Mäŋgılık el» respublikalyq müşäirasyn qorytyndylaidy. Baiqau maqsaty – täuelsızdık jalauyn jelbıretıp özge eldermen iyq tırese damyp kele jatqan Qazaq memleketı men onyŋ jas astanasyn jyrǧa qosu, ūrpaqqa äsem tuyndylar syilau. «Mäŋgılık El – Qazaq elınıŋ ūlttyq bolaşaǧy» kıtap jäne poeziia merekesı aiasynda körkemsöz oqudan «Üş bäiterek» baiqauy ūiymdastyrylady. Onda Mūzafar Älımbaev, Qadyr Myrza Äli, Tūmanbai Moldaǧaliev syndy körnektı aqyndardyŋ şyǧarmalary oryndalmaq.
Dariǧa Nazarbaevanyŋ bastamasymen ärı qamqorlyǧymen ötkızıletın «Astana keşterı» III halyqaralyq öner festivalı Qazaqstan, Resei, Äzerbaijan, İtaliianyŋ tanymal oryndauşylary qatysatyn üş konsertten tūrady. Muzykanttar mūnda tek jandy dauyspen än şyrqamaq.
«Astana şattyq» şyǧarmaşylyq avtokeruenı – Astana qalasy tūrǧyn üi alaptaryndaǧy tūrǧyndarǧa köşpelı konsert qoiady. Onyŋ baǧdarlamasy önerdıŋ türlı baǧyttary men janrlaryn qamtidy. Biyl Astananyŋ şaǧyn audandary men aulalaryn Dilnaz Ahmadieva, «Ringo» toby, Älışer Kärımov, Qairat Tüntekov aralap, ännen şaşu şaşpaq.
Astana künı merekesıne jyl saiyn Qazaqstannyŋ basqa da qalalary men türlı elderden 100 myŋnan asa qonaq qatysady. Qala künıne arnalǧan merekelık şaralar biletterınıŋ satylymynan tüsken qarjy jyldaǧydai mügedek balalardyŋ emıne jūmsalady.
