Futboldan äielder arasyndaǧy Qazaqstan chempionaty märesıne jettı. Nūr-Sūltan qalasynyŋ №8 SDIýSŞOR komandasy qola jüldeger atandy.
COVID-19 jaǧdaiyna bailanysty biylǧy chempionattyŋ reglamentınde özgerıster oryn aldy. Osy jaǧdaiǧa orai Qazaqstan käsıpqoi futbol ligasy barlyq epidemiologiialyq-sanitarlyq talaptardy saqtai otyryp, bırınşılıktı tolyqqandy aiaqtau jönınde şeşım qabyldaǧan bolatyn.
Äielder chempionatynyŋ şeşuşı oiyndary Şymkent qalasynda ūiymdastyryldy. Biylǧy bırınşılıktıŋ jüldesı üşın 6 ūjym jarysqa tüstı. Negızgı bäseke Şymkent, Kökşetau jäne Nūr-Sūltan qalasy komandalary arasynda öttı deuge negız bar.
«Bızdıŋ chempionatqa daiyndyǧymyz jaqsy boldy. Mekeme basşylyǧy oqu-jattyǧu jiyndaryn tolyqqandy ötkızu üşın barlyq tiıstı jaǧdaidy jasady. Tek bır jetıspegenı, chempionat aldynda joldastyq kezdesuler ötkıze almadyq. Alǧaşqy baqylau oiynyn chempionat bastaluǧa üş kün qalǧanda ǧana ötkızdık. Būl, ärine, jetkılıksız boldy. Osyndai jaǧdaidyŋ oryn aluyna pandemiianyŋ äser etkenı sözsız. Stadiondar men mektepter jabylyp qaldy. Degenmen, qyzdarymyzdy jeke jattyǧular jasau arqyly formalaryn ūstauǧa tyrystyq. Eŋ bastysy, komanda oiynşylary chempionatqa qatysuǧa, jüldegerler qatarynan körınuge yntaly boldy. Endı, mıne, sol jıgerdıŋ arqasynda közdegen maqsatymyzǧa jettık dep oilaimyn» deidı №8 SDIýSŞOR komandasynyŋ bas jattyqtyruşysy İlia Melanovich.
Al chempionattyŋ qorytyndysyna kelsek, Şymkent qalasynyŋ «BİİK-Qazyǧūrt» komandasy Qazaqstan chempiony ataǧyn jeŋıp alsa, Kökşetaudyŋ «Oqjetpes» komandasy ekınşı, Nūr-Sūltan qalasynyŋ №8 SDIýSŞOR komandasy üşınşı orynnan körındı.
