ELORDANY KÖRKEITIP JÜR EŊBEGIMEN
Byltyr küzde QR Prezidentınıŋ Jarlyǧymen qyrküiektıŋ soŋǧy jeksenbısı Eŋbek künı merekesı bolyp bekıtıldı. Merekenıŋ alǧaşqy märte atalyp ötıletın şaǧy jaqyndap qaldy. Sonyŋ qarsaŋynda gazetımızde ärtürlı salada jürgen eŋbekkerler jaiynda maqalalar toptamasyn jariialaudy ūiǧardyq. Jan-jaǧymyzǧa köz tastap, barlai qarasaq, ondai adamdar az emes. Olardyŋ arasynda elordanyŋ körkeiuıne üles qosyp jürgen «Astana Kögaldandaru qūrylysy» aksionerlık qoǧamynyŋ jūmyskerlerı de bar.
Suly-nuly jelek joly aumaǧy taiau künderı būrynǧysynan qūlpyra tüspek. Qazır mūnda gazon töseletın oryndar daiyndaluda. Būl jūmysty atqaryp otyrǧan bır top adamnyŋ janyna baryp, äŋgımeleskende sony bıldık. Bırı kürekpen artyq topyraqty bır jerge üiıp, zembılderge saluda. Qalǧandary sony jaqyn jerde tūrǧan «KamAZ» avtokölıgıne deiın aparyp, jük artqyşyna tögude. Jūmystaryn azdaǧan uaqytqa toqtatyp, tanystyq. Arasynda bır ǧana azamat astanalyq bolyp şyqty, özgelerı elımızdıŋ är tükpırınen kelıp, näpaqa aiyryp jürgender eken.
Ekı qolǧa bır kürek ızdep jürgen adam Astanadan jūmys tabady. Jūmyskerlermen äŋgımelesu barysynda soǧan köz jetkızdık. Mäselen, Bazarbai Kenjebek esımdı eludı ortalap qalǧan azamat elordaǧa biylǧy aqpan aiynda Şymkent öŋırınen kelıp, «Astana Kögaldandyru qūrylysyna» jūmysqa ornalasypty. Osyndaǧy ūl-kelınderımen päter jaldap tūrady. Otbasy Ordabasy audanynyŋ Şūbarsu auylynda qalypty. «Būryn dihanşylyqpen ainalystym. Bıraq, ol – beinetı öte köp ıs. Basqa jūmysty tabu qiyn auyldan. Tapqannyŋ özınde ailyǧy mardymsyz bolady. Otbasymdy asyrauǧa jetetın näpaqa tabaiyn dep, osynda keldım. Jetı ai boldy osy jūmysqa ornalasqanyma. Sodan berı auylǧa barǧan joqpyn» degen ol otbasyna saǧynyşyn da, ıstep jürgen jūmysynyŋ oŋai emestıgın de bıldırgendei boldy.
Astana Qaraǧandy oblysymen şekaralasyp jatqany köpke aian. Osy oblysqa qarasty Nūra audanynyŋ ortalyǧy Kievka selosy elordaǧa taiaq tastam jerde. Onda jäne maŋaiyndaǧy auyldarda tūratyndar elordaǧa qatynap jūmys ısteidı. «Astana Kögaldandyru qūrylysy» oǧan arnaiy kölık bölgen. «Avtobus bızdı taŋerteŋ audan ortalyǧynan alyp ketıp, keşke jetkızıp salady» deidı Kievka tūrǧyny Janat Äjıkov. Būdan būryn jeke kölıgımen adam tasyp, otbasyn asyrap jürgen ol da elordany kögaldandyrumen ainalasatyn käsıporynǧa ötken aqpanda jūmysqa tūrypty. Onymen bırge Kievkadan jetı balanyŋ äkesı Erkeş Yntyqaev pen söilegen sözı men qimylynan qaǧylezdıgı baiqalǧan Saǧyntai Jarmaǧambetov te jūmysqa kelıp jür. Olardyŋ bırı – Qaroi, ekınşısı – Zarechnyi auyldarynan. «Auylda şarua qojalyqtarynan özge jūmys joq. Dūrys tölemeidı olar. Al, mūnda jalaqyny uaqytynda alamyz. Qolymyzǧa tietın aqşa da jaman emes» dedı Saǧyntai aǧamyz.
Bız äŋgımelesken jūmyskerlerdıŋ eŋ jasy – jiyrma bır jastaǧy Orazaq Jukuev. Ol Astananyŋ kölık jäne kommunikasiia kolledjın aiaqtap, baǧdarlamaşy-tehnik mamandyǧyn alyp şyǧypty. Bızdı onyŋ keibır jastar sekıldı selteŋbai jürıske salynbaǧany, jauapkerşılıktı jastai sezıngenı süisındırdı.
«Astana Kögaldandyru qūrylysynyŋ» jūmyskerlerı taŋǧy jetıden keşkı jetıge deiın 12 saǧat jūmys ısteidı eken. Olardy elorda qaharmandary dep atasaq, asyryp aitqanymyz emes dep oilaimyz.
Amanǧali QALJANOV