«Jastar» saraiynda Astana qalasynyŋ äkımdıgıne qarasty Jūmyspen qamtu ortalyǧynyŋ mūryndyq boluymen bos oryndar järmeŋkesı öttı. Biyl besınşı ret ūiymdastyrylyp otyrǧan būl şaraǧa elordanyŋ jüzdegen tūrǧyny keldı.
– Bügıngı järmeŋkege 60-qa tarta jūmys beruşı qatysuda. Olar qūrylys, bılım beru, densaulyq saqtau jäne qyzmet körsetu salalarynan vakansiialar ūsynady. Sonymen qatar, tehnikalyq mamandyqtarǧa sūranys joǧary. Būdan bölek, ışkı ıster organdarynda da bos jūmys oryndary bar, – dedı Jūmyspen qamtu ortalyǧynyŋ basşysy Oljas Omar.
Atalmyş mekeme ökılderınıŋ aituynşa, olardyŋ järdemıne jügınetınderdıŋ 60 paiyzy – qyz-kelınşekter. Osy ūiymnyŋ kömegımen jyl basynan berı 2246 adam jūmysqa ornalassa, onyŋ 1086-sy – äielder eken. Mūnymen qosa, qoǧamdyq jūmystarǧa tartylǧan 919 azamattyŋ 620-sy, bılıktılıktı arttyru kurstaryna jıberılgen 397 kısınıŋ 235-ı, jastar praktikasyna kırısken 145 tülektıŋ 221-ı – näzık jandylar qatarynan. Qazırgı kezde Jūmyspen qamtu ortalyǧynyŋ mälımetter bazasynda jūmys ızdeuşı äielderge arnalǧan 1322 bos jūmys orny tırkelıptı.
Elordada aǧymdaǧy jyly 4 jūmys järmeŋkesı ötkızılgen, onda 116 adam tūraqty jūmyspen qamtyldy. Endı biyl alda 12 järmeŋke ūiymdastyrylady.
Botagöz İKRAMOVA
