Halyqaralyq balalardy qorǧau künıne arnalǧan Astanadaǧy memlekettık mamandandyrylǧan balalar üiınde ızgılıktı merekege arnalǧan ǧajaiyp bır şara öttı. Oǧan belgılı tūlǧalar men tanymal änşıler qatysty.
Ömırde bala külkısınen artyq baqyt joq. Sondyqtan bolar, jalpaq älem balalar qorǧau künın erekşe atap ötedı. Mamandandyrylǧan balalar üiınde aituly mereke jyl saiyn joǧary deŋgeide ötkızıledı. Bügıngı taŋda atalǧan mekemede 4 jasqa deiıngı balǧyndar tärbielenude. Olarǧa barlyq jaǧdai jasalǧan.
Merekelık şaraǧa QR Bılım jäne ǧylym vise-ministrı Elmira Suhanberdieva qatysyp, balǧyndarǧa ızgı lebızın bıldırıp, baǧaly syilyqtar tabys ettı. Astana qalalyq Ädılet basqarmasynyŋ qyzmetkerlerı kışkentailarǧa qūrmet körsettı. Sondai-aq, şara barysynda elımızge tanymal «Jıgıtter» kvartetı tamaşa änderın şyrqady. Reseilık «Gradusy» tobynyŋ änşılerı de balǧyndar köŋılderın köterıp, türlı oiyndar ūiymdastyrdy.
– Bügın öte erekşe kün. Äsırese, balǧyndardyŋ quanyşynda şek joq. Kışkentailarǧa arnap «Maqta qyz» ertegısın qoidyq. Älı de merekelık şaralar apta boiyna jalǧasady. Erteŋ balalardy Ūlttyq muzeige aparamyz, odan keiın Astanalyq sirkke baramyz . Sonyŋ barlyǧy kışkentailar üşın jasalyp jatqan ızgılıktı ıs, – deidı mamandandyrylǧan balalar üiınıŋ aǧa tärbieşısı Gauhar Äbılseiıtova.
Azamat ESENJOL
